JEREMIAH 50:26 - Edisana ñwed Abasi Ibom

²⁶ Mbufo eto ke ata anyan ebiet etiene enye, eberere usuŋ unim-ŋkpɔ esie: ekubi enye kpa nte otu, enyuŋ esobo enye fap: ekusuhɔ baba ŋkpɔ kiet enɔ enye.

JEREMIAH 50:26 ပူးပေါင်းရင်းမြစ်များ

ISAIAH 10:6

Nyedɔŋ enye utom ke oburobut idut, nnyuŋ ntobo enye etop nnɔ mbio iyaresit mi, nte enye obume mbume, onyuŋ owo ŋwo, onyuŋ onim mmɔ ke se edigide nte mbat efak.

ISAIAH 14:23

Uyo Jehovah edi emi. Nyenyuŋ nnim enye ke se ebiɔŋ adade enyene, ye ke mkpɔdiɔhɔ-mmɔŋ: nnyuŋ nda ifiet nsobo ŋkpɔri enye mfep. Uyo Jehovah mme udim edi emi.

ISAIAH 25:10

Koro ubɔk Jehovah eyesuk ana ke obot emi, eyenyuŋ edigi Moab ke itie esie, kpa nte edigide nnyanyaŋa ke mmɔŋ ebube ifum.

ISAIAH 45:3

ndien nyenɔ fi unim ŋkpɔ uto ekim, ye inyene eke odobide, man afo ɔfiɔk, ete ke edi ami Jehovah emi ŋkotde fi enyiŋ, kpa Abasi Israel.

ISAIAH 5:26

Ndien enye ke emenere ŋkpɔ idiɔŋɔ ɔnɔ mme idut ke anyan ebiet, onyuŋ esi okot mmɔ ke utit ererimbot, ndien, sese, mmɔ ke ewara edi itɔk-itɔk:

JEREMIAH 50:10

Ndien mme Chaldean eyedi ŋkpɔ mbume; kpukpru mmɔ eke ebumede mmɔ eyeyuhɔ, Jehovah ɔdɔhɔ.

JEREMIAH 50:13

Ifuresit Jehovah idiyakke owo oduŋ ke esit, edi ofuri esie eyedi ndon-ndon: kpukpru owo eke ebede Babylon eyekpa idem, enyuŋ esi ebaŋa kpukpru ufen esie.

JEREMIAH 50:15

Mbufo efiori ekan enye ekuk: enye ɔkɔŋɔ mfaŋ; se enye eberede ke esit ɔmɔduɔ, ibibene esie emewure: koro edide usiene Jehovah; mbufo esio usiene ye enye; enam ye enye kpa nte enye akanamde.

JEREMIAH 50:23

Hammer ofuri ekondo anam didie asiaha onyuŋ ɔbuŋɔ! Babylon anam didie akabare ŋkpɔ ndyɔ ke otu mme idut!

JEREMIAH 50:41

Sese, idut kiet oto ke edem edere edi; ndien akamba idut ye ikpɔ ndidem eyedemere ke mme utit ererimbot.

JEREMIAH 51:44

Nyenyuŋ nnɔ Bal ke Babylon ufen, nnyuŋ nsio enye se enye emende esin ke idibi ke inua mfep: ndien mme idut idibuŋɔke aba itiene enye: ibibene Babylon omonyuŋ ɔduɔ.

JEREMIAH 51:64

Nyuŋ dɔhɔ, ete, Babylon eyedeŋ ntem, idinyuŋ itoho ke idiɔk ŋkpɔ emi ami ndade ntiene enye; ndien mmɔ eyekpa mba. Mme ikɔ Jeremiah esim ebiet emi.

MICAH 7:10

Ndien usua mi eyekut, ndien but eyefuk enye emi ɔkɔdɔhɔde mi, ete, Jehovah Abasi fo odu mmɔŋ? Enyin mi eyekut enye: ke emi enye eyedi se edigide nte mbat aŋwa.

MATTHEW 6:26

Ese mme inuen enyɔŋ, ete mmɔ itɔhɔ-tɔ inyuŋ idɔkke-dɔk, inyuŋ ibonke inim ke ubet; ndien Ete mbufo emi odude ke heaven ɔbɔk mmɔ. Nte mbufo ikponke ikan mmɔ?

ERIYARARE 14:19

Ndien angel oro esin ofut esie ke isɔŋ, onyuŋ okpok vine isɔŋ, otop esin ke obube udigi-wine, kpa akwa obube udigi-wine iyaresit Abasi.

ERIYARARE 19:15

Edisɔp ofut onyuŋ oto Enye ke inua ɔwɔrɔ, man Enye ada ekpeŋe mme idut; Enye eyenyuŋ ada esaŋ ukwak akara mmɔ. Enye onyuŋ edigi obube udigi-wine ikaŋ-ikaŋ iyaresit Abasi Andikara kpukpru ŋkpɔ.