JEREMIAH 50:21 - Edisana ñwed Abasi Ibom

²¹ Dɔk ka ekɔŋ ye isɔŋ Mera-thaim, ka ekɔŋ ye enye ye mme andiduŋ Pekod. Jehovah ɔdɔhɔ, ete, Bine mmɔ, sobo, nyuŋ wuri, nyuŋ nam kpukpru kpa nte ŋketemede fi.

JEREMIAH 50:21 ပူးပေါင်းရင်းမြစ်များ

2 SAMUEL 16:11

Ke nso ke afo anam ntre? David onyuŋ ɔdɔhɔ Abishai, ye kpukpru ikɔt esie, ete, Sese, eyen mi, emi okotode mi ke idem, ke oyoyom uwem mi: ŋwaŋwa-ediso owo Benjamin emi? Mbufo ekukere enye: yak enye osuŋi: koro edi Jehovah ɔkɔdɔhɔ enye.

2 NDIDEM 18:25

Nte ndɔk ndi ŋko ke ebiet emi ndisobo enye, ke mitoho Jehovah? Jehovah ɔkɔdɔhɔ mi, ete, Dɔk ka isɔŋ emi, nyuŋ sobo enye.

2 CHRONICLES 36:23

Ntem ke Cyrus edidem Persia ɔdɔhɔ, ete, Jehovah Abasi enyɔŋ ɔmɔnɔ mi kpukpru mme idut ererimbot: enye omonyuŋ owuk mi, ete ndiɔŋ ufɔk nnɔ imɔ ke Jerusalem, emi odude ke Judah. Anie owo ikɔt esie kpukpru odu ke otu mbufo? Yak Jehovah Abasi esie odu ye enye, yak enye onyuŋ ɔdɔk.

ISAIAH 10:6

Nyedɔŋ enye utom ke oburobut idut, nnyuŋ ntobo enye etop nnɔ mbio iyaresit mi, nte enye obume mbume, onyuŋ owo ŋwo, onyuŋ onim mmɔ ke se edigide nte mbat efak.

ISAIAH 44:28

emi ɔdɔhɔde abaŋa Cyrus, ete, Ekpemerɔŋ mi, ndien enye eyenam kpukpru se mmade ama: eyenyuŋ ɔdɔhɔ Jerusalem, ete, Eyediɔŋ fi; ɔdɔhɔ temple, ete, Eyetɔŋɔ ndibɔp fi.

ISAIAH 48:14

Mbufo kpukpru esop idem, enyuŋ ekop; anie ke otu mmɔ akasiak ŋkpɔ emi? Jehovah ama enye; enye eyenam se amade ke Babylon, ubɔk esie eyenyuŋ anam mme Chaldean.

ISAIAH 48:15

Ami, kpa ami, ŋkɔdɔhɔ; ŋkot enye edi ŋko: nda enye ndi, ndien enye okut unen ke usuŋ esie.

JEREMIAH 34:22

Jehovah ɔdɔhɔ ete, Sese, ami mmɔŋ ŋwuk, nnyuŋ nda mmɔ mfiak ndi ke obio emi; ndien mmɔ eyeŋwana ekɔŋ ye enye, enyuŋ eda enye, enyuŋ efɔp enye ke ikaŋ: ndien nyenim mme obio Judah ke ŋkpɔ nsobo tutu anana owo eke oduŋde.

JEREMIAH 48:10

Osuk ɔdɔdiɔk ɔnɔ owo eke edinamde utom Jehovah enyɔŋ-enyɔŋ! onyuŋ osuk ɔdɔdiɔk ɔnɔ owo eke emende ofut esie ke iyip efep!

JEREMIAH 50:15

Mbufo efiori ekan enye ekuk: enye ɔkɔŋɔ mfaŋ; se enye eberede ke esit ɔmɔduɔ, ibibene esie emewure: koro edide usiene Jehovah; mbufo esio usiene ye enye; enam ye enye kpa nte enye akanamde.

JEREMIAH 50:3

Koro idut otode ke edem edere ɔdɔk edi ekɔŋ ye enye, enye eyenam isɔŋ esie edi ndon, ndien baba owo kiet eke oduŋde ke esit ididuhe: owo ye ufene emefeŋe, emedaŋa.

JEREMIAH 50:9

Koro, sese, ami mmɔŋ ndemere esop ikpɔ mme idut ke idut edere, nyenyuŋ nda mmɔ ndɔk ntiene Babylon: ndien mmɔ eyetim udim ekɔŋ eŋwana ye enye; mmɔ eke etode ke esit eyeda enye: idaŋ mmɔ eyebiet eke owo uko eke enyenede ikike, enye idifiakke ukpɔk.

EZEKIEL 23:23

mmɔ edi nditɔ Babylon ye kpukpru mme Chaldean, Pekod, ye Shoa, ye Koa, kpukpru nditɔ Assyria ŋko; ndimek mkparawa eke owo amade, kpukpru mmɔ edi ikpɔ owo ye mbɔŋ, kpukpru mmɔ edi mme etubom mbon-ekɔŋ ye mme odoro horse eke enyenede etop.

DEUTERONOMY 33:27

Nsinsi Abasi edi ebiet iduŋ, nsinsi ubɔk enyuŋ edu ke idak: ndien enye eyebin mme asua ke iso fo efep, onyuŋ ɔdɔhɔ ete, Sosobo.

1 SAMUEL 15:3

Ka, ndien kasuan Amalek, mbufo enyuŋ esobo kpukpru se mmɔ enyenede, kufen mmɔ: edi wot eren, ye ŋwan, ye eyen-ɔwɔŋ, ye nsek-eyen, ye enaŋ, ye ŋkpri ufene, ye camel, ye ass.