JEREMIAH 50:17 - Edisana ñwed Abasi Ibom

¹⁷ Israel edi erɔŋ eke esuanade: mme lion emebin enye efep: edidem Assyria ama ebem iso adia enye; ndien ke emi Nebucha-drezzar edidem Babylon emi etiene edem obuŋ enye ɔkpɔ.

JEREMIAH 50:17 ပူးပေါင်းရင်းမြစ်များ

2 NDIDEM 15:19

Ekem Pul edidem Assyria edi ndiŋwana ekɔŋ ye idut oro: ndien Menahem ɔnɔ Pul tɔsin talent silver, man enye esin ubɔk anam ubɔŋ ɔsɔŋ ada enye ke ubɔk.

2 NDIDEM 15:29

Ke eyo Pekah edidem Israel, Tiglath-pileser edidem Assyria edi edida Ijon, ye Abel-beth-maacah, ye Janoah, ye Kedesh, ye Hazor, ye Gilead, ye Galilee, kpa ofuri isɔŋ Naphtali; onyuŋ ataŋ mmɔ ɔnyɔŋ ke Assyria.

2 NDIDEM 24:1

KE eyo esie Nebuchadnezzar edidem Babylon ɔdɔk edi, ndien Jehoiakim akabare edi owo esie ke isua ita, ndien akabare ɔsɔŋ ibuot ye enye.

2 NDIDEM 24:10

Ke ini oro ikɔt Nebuchadnezzar edidem Babylon edɔk edi ke Jerusalem edikan obio ekuk.

2 NDIDEM 25:1

EDIKEM ke ɔyɔhɔ isua usukkiet nte enye akada ubɔŋ, ke ɔyɔhɔ ɔfiɔŋ duop, ke ɔyɔhɔ usen ɔfiɔŋ duop, Nebuchadnezzar edidem Babylon, ye ofuri udim-ekɔŋ esie edi ekɔŋ ye Jerusalem, edikan enye ekuk.

2 CHRONICLES 28:20

Ndien Tilgath-pilneser edidem Assyria edi ke ebiet esie, onyuŋ efik enye, edi iŋwamke enye.

2 CHRONICLES 33:11

Ekem Jehovah ada mme etubom udim-ekɔŋ edidem Assyria edi etiene mmɔ, ndien mmɔ emum Manasseh ke uwem, enyuŋ ekɔbi enye ufat-ubɔk ndien eda enye enyɔŋ ke Babylon.

ISAIAH 15:9

Koro iyip ɔyɔhɔde ke mmɔŋ Dimon: koro ndidade idiɔk-ŋkpɔ efen ŋkɔrɔ Dimon, nyeda lion ntiene nditɔ Moab emi ebɔhɔde, ye ubak isɔŋ emi ɔsuhɔde.

ISAIAH 47:6

Ŋkayat esit ye ikɔt mi; nsabare udeme mi, nda mmɔ nsin fi ke ubɔk: afo utuaha mmɔ mbɔm; odori mbiowo ata edidobi ɔkpɔnɔ fo.

JEREMIAH 10:25

Ŋwaŋa iyaresit fo ke idem mme idut eke mifiɔkke fi, ye ke mme ufɔk eke mikotke fi enyiŋ: koro emedia Jacob, mmɔ esuk eta enye, enyuŋ etak enye, enyuŋ esobo iduŋ esie.

JEREMIAH 2:15

Nsinam ndien enye akabarede edi ŋkpɔ mbume? Mkparawa lion ke ekuni enye, emenere uyo mmɔ, enyuŋ enim isɔŋ esie ke ŋkpɔ nsobo: mme obio esie emenyuŋ eta ikaŋ, enana owo eke oduŋde.

JEREMIAH 21:7

Jehovah onyuŋ ɔdɔhɔ ete, Ke ini ŋkpɔ oro ebede, nyeda Zedekiah, edidem Judah, ye ikɔt esie, ye mbio-obio, ye mmɔ eke udɔŋɔ ye ofut ye akaŋ esuhɔde ke obio emi, nsin Nebuchadrezzar edidem Babylon ke ubɔk, ye ke ubɔk mme asua mmɔ, ye ke ubɔk mmɔ eke eyomde uwem mmɔ: ndien enye eyekpeŋe mmɔ ke iso ofut; idituaha mmɔ, idinyuŋ iyakke mmɔ, idinyuŋ inyeneke mbɔm.

JEREMIAH 4:7

Lion oto ke mfuhɔ ikɔt esie ɔdɔk, andisobo mme idut onyuŋ otibi isaŋ; oto ke ebiet esie, ete inim isɔŋ fo ke nsobo; mme mbio fo eyebiara, ndien baba owo kiet eke oduŋde ididuhe.

JEREMIAH 49:19

Sese, enye eyeto ke iseri Jordan nte lion, ɔdɔk aka ke iduŋ ata ɔkpɔsɔŋ: koro nyeyip enyin nnam enye oto ke esit efehe ndien anie edi edimek owo eke ndinimde ke etubom esie? Koro anie ebiet mi? Anie edinyuŋ odori ini ɔnɔ mi? Anie owo onyuŋ edi ɔbɔk ufene eke edidade ke iso mi?

JEREMIAH 5:17

Ndien mmɔ eyeta ibokpot fo ye uyo fo, eyeta nditɔ-iren fo ye nditɔ-iban fo: eyeta ŋkpri ufene fo ye enaŋ fo: eyeta vine fo ye fig fo: eyeda ofut ewuri obio ibibene fo emi afo ɔbuɔtde idem fo ke esit.

JEREMIAH 5:6

Mmɔdo lion eyeto ke akai owot mmɔ, wolf mbubreyo eyesobo mmɔ: ekpe eyekpeme obio mmɔ: eyeta kpukpru owo eke ewɔŋɔde ke esit: koro mme idiɔk ido mmɔ ewakde, mfiakedem mmɔ onyuŋ ɔdɔdiɔŋ ɔsɔŋ.

JEREMIAH 50:6

Ikɔt mi edi ufene eke esopde: mme ɔbɔk mmɔ enam mmɔ ediyo, enam mmɔ efiak edem ke ikpɔ obot: mmɔ ekpɔŋ akamba obot eka ekpri, emefre ebiet nna mmɔ.

JEREMIAH 51:38

Mmɔ eyekuni ɔtɔ kiet nte lion; eyefiori nte nsek nditɔ lion.

JEREMIAH 52:1

ZEDEKIAH edi isua edip ye kiet ke ini enye adade ubɔŋ, ndien enye edi edidem ke Jerusalem ke isua duopekiet. Ndien enyiŋ eka esie ekere Hamutal eyen Jeremiah a Libnah.

EZEKIEL 34:12

Kpa nte ɔbɔk ufene ɔduŋɔde otu ufene esie ke usen eke enye odude ke otu ufene esie emi esuanade; kpasuk ntre ke ndiduŋɔ ufene mi, nnyuŋ nnyaŋa mmɔ nsio ke kpukpru ebiet emi mmɔ esuanade ke esit ke usen obubit enyɔŋ ye ata ekim.

DANIEL 6:24

Ndien edidem ɔnɔ uyo, ete eda mbon oro ekedoride Daniel ikɔ edi, ndien eda mmɔ ye nditɔ mmɔ ye iban mmɔ ediduɔk ke obube mme lion: ndien mme lion emum mmɔ, enyuŋ enuak kpukpru mme ɔkpɔ mmɔ, ke mmɔ mika-isimke isɔŋ obube.

JOEL 3:2

ndien nyebon kpukpru mme idut, nda mmɔ nsuhɔre ke itihere Jehosha-phat, nnyuŋ ŋkpe ikpe ye mmɔ do, mbaŋa ikɔt mi ye Israel udeme mi, emi mmɔ ekesuande ke otu mme idut, ndien ebahare isɔŋ mi.

1 PETER 2:25

Nde unan Esie enam udɔŋɔ okure mbufo. Koro mbufo ekasasaŋa eyo nte erɔŋ, edi ke emi emafiak etiene Andibɔk ye Andikpeme ukpɔŋ mbufo.