JEREMIAH 50:14 - Edisana ñwed Abasi Ibom

¹⁴ Mbufo etim udim ekɔŋ ekan Babylon ekuk: kpukpru mbufo eke enukde utiga, etiga enye, ekufam idaŋ: koro enye anamde idiɔk ye Jehovah.

JEREMIAH 50:14 ပူးပေါင်းရင်းမြစ်များ

2 SAMUEL 10:9

Ndien ke ini Joab okutde ete ke ekɔŋ ada imɔ ke iso ye ke edem, enye asat kpukpru akpan owo ke Israel, onyuŋ otim udim-ekɔŋ, ete ikebiɔŋɔ Syria.

ŊWED MME PSALM 51:4

Mmedue fi, kpa fi ikpɔŋ, mmonyuŋ nnam idiɔk ke iso fo: man afo enen ke ikɔ fo, onyuŋ edi edisana ke ini afo ekpede ikpe.

ISAIAH 13:4

Uyom ediwak owo ke ikpɔ obot! ebiet akwa otu owo! uyom ndutime mme idut, ke ebono: Jehovah mme udim ke otim udim ekɔŋ.

ISAIAH 5:28

emi idaŋ mmɔ esɔpde, kpukpru utiga mmɔ enyuŋ enuhɔ, ebat mbara ukot mme horse mmɔ ke afransi, mme wheel mmɔ enyuŋ ebiet oyobio:

JEREMIAH 46:9

Mbufo mme horse edɔk; yak mme chariot edama; yak mbon uko enyuŋ ewɔŋɔ; Ethiopia ye Put emi ekamade otu ekɔŋ; ye mme Ludim emi ekamade enyuŋ enukde utiga.

JEREMIAH 49:14

Mma ŋkop etop emi otode Jehovah, enyuŋ edɔŋ mme isuŋutom ke otu mme idut, ete, Mbufo esop idem, edi ekɔŋ ye enye, enyuŋ edaha ke enyɔŋ eyi ke ekɔŋ.

JEREMIAH 49:35

Ntem ke Jehovah mme udim ɔdɔhɔ, ete, Sese, ami mmɔŋ mbuŋ utiga Elam, akpan odudu mmɔ.

JEREMIAH 50:11

Koro esit ekadatde mbufo, koro mbufo ekebrede mbre, mbufo mme ndibiat udeme mi, koro mbufo efrɔde nte abak uman enaŋ ke mbiet, enyuŋ esiorode uyo nte nyara horse:

JEREMIAH 50:29

Mbufo ekot mbon utiga edi ekɔŋ ye Babylon: kpukpru mbufo emi enukde utiga enam nna ekɔŋ ekan enye ekuk; ekuyak baba owo kiet ɔbɔhɔ ke esit, enɔ enye utip nte ekemde ye utom esie; mbufo enam enye kpukpru nte enye akanamde, koro enye ataŋde idem ye Jehovah, ye Edisana Abasi Israel.

JEREMIAH 50:42

Mmɔ eyemum utiga ye eduat: mmɔ edehe ide, idinyuŋ ituaha owo mbɔm: uyo mmɔ eyeyomo nte inyaŋ ibom, mmɔ eyenyuŋ edoro ke horse, etim idem nte owo ekɔŋ eŋwana ye afo,

JEREMIAH 50:7

Kpukpru owo eke ekutde mmɔ edia mmɔ: mme asua enyuŋ edɔhɔ, ete, Nnyin iduehe isop, koro mmɔ ekeduede Jehovah, iduŋ eti ido, edue Jehovah, idorienyin mme ete mmɔ.

JEREMIAH 50:9

Koro, sese, ami mmɔŋ ndemere esop ikpɔ mme idut ke idut edere, nyenyuŋ nda mmɔ ndɔk ntiene Babylon: ndien mmɔ eyetim udim ekɔŋ eŋwana ye enye; mmɔ eke etode ke esit eyeda enye: idaŋ mmɔ eyebiet eke owo uko eke enyenede ikike, enye idifiakke ukpɔk.

JEREMIAH 51:2

ndien nyedɔŋ isen owo utom ke Babylon, ndien mmɔ eyesak enye nte ibokpot, enyuŋ enam isɔŋ esie edi ukpɔk: koro mmɔ edikande enye ekuk ke usen ukut.

JEREMIAH 51:27

Mbufo emenere banner ke isɔŋ, efuri ukorowo ke otu mme idut, etim mme idut ete eŋwana ye enye, ekot mme idut Ararat, ye Minni, ye Ashkenaz, ete edi ekɔŋ ye enye: enim etubom ekɔŋ ebaŋa enye; eda horse eke ebietde ŋkukuŋkpɔyɔripɔ ŋkɔi edɔk.

JEREMIAH 51:3

Yak ata utiga onuk utiga eket owo eke onukde, eket owo eke esinede ɔfɔŋ-idemekɔŋ esie emenere idem ke enyɔŋ: ndien mbufo ekutua mkparawa esie mbɔm; esobo ofuri udim ekɔŋ esie.

HABAKKUK 2:17

ikpɔhi ye but eyenyuŋ edoro ke ubɔŋ fo. Koro afai Lebanon eyefuk fi, ye nsobo mme unam emi ekesinde mmɔ ndik, ebaŋa iyip owo, ye afai isɔŋ, ye eke obio, ye eke kpukpru mme andiduŋ ke esit.

HABAKKUK 2:8

Koro afo owode ediwak mme idut, kpukpru mme idut eke esuhɔde eyenyuŋ ebume fi, ebaŋa iyip owo, ye afai isɔŋ, ye eke obio, ye eke kpukpru mme andiduŋ ke esit.

ERIYARARE 17:5

Enyuŋ ewet enyiŋ ke ɔkpɔ-iso esie, ndibe ikɔ emi ɔwɔrɔde ete, AKWA BABYLON! EKA MME AKPARA YE MBUBIAM IDO EKE EDUDE KE ISƆŊ.

1 SAMUEL 17:20

Ndien David abak edemere ke usenubɔk, ayak ŋkpri ufene ɔnɔ owo eke ekpemede, ndien emen ŋkpɔ oro asaŋa, nte Jesse ɔkɔdɔhɔde enye: ndien ke ini enye osimde ebiet ukpat-ŋkpɔ, mbon ekɔŋ ewɔŋɔ eduk ke mme udim,enyuŋ esio mkpo ekɔŋ.