JEREMIAH 50:12 - Edisana ñwed Abasi Ibom

¹² but anam eka mbufo eti-eti; ŋwan emi akamande mbufo okut esuene: sese, akpatre mme idut eyedi wilderness, ye edisat isɔŋ, ye desert.

JEREMIAH 50:12 ပူးပေါင်းရင်းမြစ်များ

ISAIAH 14:22

Jehovah mme udim onyuŋ ɔdɔhɔ, ete, Nyedaha ke enyɔŋ nnam ikɔ ye mmɔ, nyenyuŋ nsibe enyiŋ, ye nsuhɔ, ye eyen, ye ubon, ke Babylon mfep.

ISAIAH 23:13

Se isɔŋ mme Chaldee; obio emi ikoduhe: Assyria ɔtɔŋɔ ndibɔp enye nnɔ mbon ikɔt; mmɔ eneŋere mme tower mmɔ ewuk: ewuri ikpɔ ufɔk esie; owo onim enye ke ŋkpɔ nditaha.

JEREMIAH 12:14

Ntem ke Jehovah ɔdɔhɔ abaŋa kpukpru mme idiɔk mbɔhiduŋ mi, emi etukde udeme emi ŋkɔnɔde ikɔt mi Israel enyene; ete, Sese, nyedibere mmɔ ke isɔŋ mmɔ mfep, nnyuŋ ndibere ufɔk Judah ke ufɔt mmɔ.

JEREMIAH 15:9

Ŋwan eke amande itiaba akpa mba; ɔduɔk ukpɔŋ esie; utin esie omosop ke uwemeyo osuk odude: but ye ndutime enam enye: ndien nyeda mmɔ eke esuhɔde nnɔ ofut ke iso mme asua mmɔ. Emi edi uyo Jehovah.

JEREMIAH 22:6

Koro ntem ke Jehovah ɔdɔhɔ abaŋa ufɔk edidem Judah, ete, Mbat fi nte Gilead, kpa ibuot Lebanon: edi nyakabare fi edi wilderness, kpa obio eke owo miduŋke.

JEREMIAH 25:12

Ndien Jehovah ɔdɔhɔ ete, Ama ekem ke ini isua ata ye duop emi ekurede, nyeda ufen ntiene edidem Babylon, ye idut oro, kpa idut mme Chaldean, mbaŋa idiɔk ido mmɔ, nyenyuŋ nsin enye ke nsinsi ndon.

JEREMIAH 25:26

ye kpukpru ndidem edem edere mkpet-mkpet ye nsan-nsan, kiet ɔkɔrɔ ye eken, ye kpukpru mme idut ererimbot eke edude ke iso isɔŋ: ndien edidem Sheshach eyetiene mmɔ ɔŋwɔŋ.

JEREMIAH 49:2

Jehovah ɔdɔhɔ ete, Mmɔdo, sese, mme usen ke edi eke ndinamde ekop mkpo ekɔŋ ke Rabbah nditɔ Ammon; ndien enye eyekabare edi ibombom ŋwure, eyenyuŋ efɔp nditɔ-iban esie ke ikaŋ: ndien Israel eyeda mmɔ eke edade enye enyene; Jehovah ɔdɔhɔ.

JEREMIAH 51:43

Mme obio esie ekabare edi ndon, edisat isɔŋ ye wilderness, isɔŋ eke baba owo kiet miduŋke ke esit, eyen owo midinyuŋ isaŋake ke esit ibe.

JEREMIAH 51:47

Mmɔdo, sese, mme usen ke edi, eke ndidade ufen ntiene ndisɔi mbiet Babylon: ndien but eyenam ofuri isɔŋ esie, ndien kpukpru mbio esie eke ekpaŋade afai eyeduɔŋɔ ke esit.

ŊWED MBON GALATIA 4:26

Edi Jerusalem emi odude ke enyɔŋ edi amana-isɔŋ, onyuŋ edi enye edi eka nnyin;

ERIYARARE 17:5

Enyuŋ ewet enyiŋ ke ɔkpɔ-iso esie, ndibe ikɔ emi ɔwɔrɔde ete, AKWA BABYLON! EKA MME AKPARA YE MBUBIAM IDO EKE EDUDE KE ISƆŊ.