JEREMIAH 50:11 - Edisana ñwed Abasi Ibom

¹¹ Koro esit ekadatde mbufo, koro mbufo ekebrede mbre, mbufo mme ndibiat udeme mi, koro mbufo efrɔde nte abak uman enaŋ ke mbiet, enyuŋ esiorode uyo nte nyara horse:

JEREMIAH 50:11 ပူးပေါင်းရင်းမြစ်များ

ŊWED MME PSALM 22:12

Ediwak nyara enaŋ ekan mi ekuk; mkpɔsɔŋ enaŋ Bashan ekan mi ekuk.

MME ŊKE 17:5

Owo eke asakde ubuene esue Andibot enye: owo eke adarade ke nnama idibɔhɔke ufen.

ISAIAH 47:6

Ŋkayat esit ye ikɔt mi; nsabare udeme mi, nda mmɔ nsin fi ke ubɔk: afo utuaha mmɔ mbɔm; odori mbiowo ata edidobi ɔkpɔnɔ fo.

ISAIAH 47:8

Kop emi ndien, O aŋwan usɔrɔ, emi etiede edue idem, emi ɔdɔhɔde ke esit esie, ete, Ami ndu, ndien efen iduhe, ibɔhɔke ami; nditiehe nte ebe-akpa, ndifiɔkke unana-nditɔ.

JEREMIAH 12:14

Ntem ke Jehovah ɔdɔhɔ abaŋa kpukpru mme idiɔk mbɔhiduŋ mi, emi etukde udeme emi ŋkɔnɔde ikɔt mi Israel enyene; ete, Sese, nyedibere mmɔ ke isɔŋ mmɔ mfep, nnyuŋ ndibere ufɔk Judah ke ufɔt mmɔ.

JEREMIAH 46:20

Egypt edi ata ediye abak uman enaŋ; nsobo oto ke edem edere edi.

JEREMIAH 46:21

Mbon-ekɔŋ emi enye ekpede okuk ŋko enyuŋ ebiet enaŋ isek ke otu esie, edi mmɔ ŋko ekabare efeŋe ikpat kiet: ikemeke ndida, koro usen nditaha mmɔ omosim mmɔ, kpa ini ufen mmɔ.

JEREMIAH 5:28

Mmɔ ekpon ubom, esem; enyuŋ ekan kpa ido mme idiɔk owo: mmɔ ibiereke ikɔ, kpa ikɔ eyen-akpa, ndien ekut unen: inyuŋ ikpehe ikpe mme ubuene.

JEREMIAH 5:8

Mmɔ edi horse eke eyuhɔde udia eke ebakde edemere: kpukpru mmɔ kiet kiet esioro uyo nte horse, eyom ŋwan mbɔhiduŋ mmɔ.

JEREMIAH 50:17

Israel edi erɔŋ eke esuanade: mme lion emebin enye efep: edidem Assyria ama ebem iso adia enye; ndien ke emi Nebucha-drezzar edidem Babylon emi etiene edem obuŋ enye ɔkpɔ.

JEREMIAH 50:27

Mbufo esobo kpukpru mme enaŋ esie; yak mmɔ esuhɔre eka mkpa: ɔdɔdiɔk ɔnɔ mmɔ! koro usen mmɔ edide, kpa ini ufen mmɔ.

ŊWED ESEME 1:21

Mmɔ ekop ete ke ami nseme; nnyuŋ nnyeneke owo eke ɔdɔŋde mi esit: kpukpru mme asua mi ekop ebaŋa idiɔk itie mi; esit adat mmɔ, koro afo anamde mi: afo eyeda usen eke afo okokotde edi, man mmɔ ebiet mi.

EZEKIEL 35:15

kpa nte afo akadatde esit abaŋa udeme ufɔk Israel, koro esobode enye; kpasuk ntre ke ndinam nnɔ fi: obot Seir, afo eyena ke nsobo; kpa ofuri Edom, ofuri esie. Ndien mmɔ eyefiɔk ete ke ami ndi Jehovah.

EZEKIEL 36:5

Mmɔdo ntem ke Ɔbɔŋ Jehovah ɔdɔhɔ, ete, Nditreke ndida ikaŋ ufup mi ndɔhɔ ikɔ mbaŋa mme idut emi esuhɔde, nnyuŋ mbaŋa ofuri Edom, emi ekenimde isɔŋ mi enɔ idem mmɔ, ete ida enye inyene, ofuri esit adat mmɔ, ukpɔŋ mmɔ onyuŋ ese ke ndek, man mben isɔŋ esie edi ŋkpɔ mbume.

HOSEA 10:11

Ndien Ephraim edi eyen enaŋ emi mmɔ ekpepde, emi amade ndidigi (ibokpot): edi ami mmɔŋ ndi ndidoro ke ediye itɔŋ esie: nyenam (ɔkpɔnɔ) odoro Ephraim: Judah eyefuŋ isɔŋ, Jacob eyenyuŋ anuak ebok ntan esie.

AMOS 4:1

MBUFO ekop uyo mi, O enaŋ Bashan emi edude ke akwa obot Samaria, emi etukde mbon unana, enyuŋ enuakde mme ubuene, emi edɔhɔde ɔbɔŋ mmɔ, ete, Da di, man nnyin iŋwɔŋ.

OBADIAH 1:12

Edi ukpesehe ke usen eyen-usɔ, ke usen oro enye akabarede edi esen owo; ukponyuŋ udatke esit ubaŋa nditɔ Judah, ke usen oro ekesobode mmɔ; ukponyuŋ ubureke mbure ke usen nnan-enyin.

HABAKKUK 1:15

Enye okot mmɔ kpukpru ke uwam esie; ada iyire esie oduri mmɔ osio, onyuŋ ada mukanda esie omum mmɔ obon. Mmɔdo enye adatde esit onyuŋ ebrede mbre.

ZECHARIAH 14:12

Ndien emi edidi ufen emi Jehovah edimiade kpukpru obio emi ekeŋwanade ekɔŋ ye Jerusalem; obukidem mmɔ eyeye-mere ke mmɔ esuk edida ke ukot mmɔ, enyin mmɔ eyenyuŋ eyemere ke ndudu mmɔ: edeme mmɔ eyenyuŋ eyemere ke inua mmɔ.

DEUTERONOMY 32:15

Ndien Jeshurun akabare esehe, onyuŋ etiga; afo emesehe, omokpon, ɔmɔyɔhɔ; ndien enye ɔkpɔŋ Abasi emi akanamde enye, onyuŋ esin Akwa Itiat eriyaŋa esie ke ndek.