JEREMIAH 50:1 - Edisana ñwed Abasi Ibom

¹ UYO emi ke Jehovah ɔkɔdohɔ abaŋa Babylon ye isɔŋ mme Chaldean ke ubɔk Jeremiah prophet.

JEREMIAH 50:1 ပူးပေါင်းရင်းမြစ်များ

GENESIS 10:10

Ndien editɔŋɔ ubɔŋ esie ekedi Babel, ye Erech, ye Accad, ye Calneh, ke isɔŋ Shinar.

GENESIS 11:31

Ndien Terah ada Abram eyen esie, ye Lot eyen Haran, eyen eyen esiemɔ, ye Sarai ukot esie, ŋwan Abram eyen esie; ndien mmɔ etiene mmɔ edaha ke Ur mme Chaldee, ete ika isɔŋ Canaan ndien mmɔ edisim Haran, enyuŋ eduŋ do.

GENESIS 11:9

Mmɔdo enyiŋ esie ekerede Babel; koro Jehovah etimerede usem ofuri ererimbot do: Jehovah onyuŋ anam mmɔ edaha do esuana ke iso ofuri ererimbot.

2 SAMUEL 23:2

Spirit Jehovah ada mi etiŋ ikɔ, uyo esie onyuŋ odu mi ke edeme.

2 NDIDEM 17:24

Ekem edidem Assyria ada owo ke Babylon, ye ke Cuthah, ye ke Avva, ye ke Hamath, ye ke Sepharvaim, edi edinim mmɔ ke mme obio Samaria ke ibuot nditɔ Israel: ndien mmɔ eda Samaria enyene, enyuŋ eduŋ ke mme obio esie.

ŊWED JOB 1:17

Ke adaŋemi enye osuk ɔdɔhɔde, owo efen oduk edidɔhɔ, ete, Mme Chaldean etim idem esin ke mbak ita, ndien ebumere etaŋ mme camel enyɔŋ, enyuŋ ewot mkparawa fo ke iso ofut: ndien suk ami ikpɔŋ-ikpɔŋ mbɔhɔ nditiŋ nnɔ fi.

ISAIAH 14:4

ndien afo eyemenere ikwɔ emi abaŋa edidem Babylon; onyuŋ ɔdɔhɔ ete,

ISAIAH 23:13

Se isɔŋ mme Chaldee; obio emi ikoduhe: Assyria ɔtɔŋɔ ndibɔp enye nnɔ mbon ikɔt; mmɔ eneŋere mme tower mmɔ ewuk: ewuri ikpɔ ufɔk esie; owo onim enye ke ŋkpɔ nditaha.

JEREMIAH 25:12

Ndien Jehovah ɔdɔhɔ ete, Ama ekem ke ini isua ata ye duop emi ekurede, nyeda ufen ntiene edidem Babylon, ye idut oro, kpa idut mme Chaldean, mbaŋa idiɔk ido mmɔ, nyenyuŋ nsin enye ke nsinsi ndon.

JEREMIAH 27:7

Ndien kpukpru mme idut eyedi ikɔt esie, ye eke eyen esie, ye eke eyeyen esie, tutu ini idut esie ŋko edi: ndien mkpɔsɔŋ mme idut ye ikpɔ ndidem eyenim enye ke ufin.

DANIEL 1:1

KE ɔyɔhɔ isua ita nte Jehoiakim edidem Judah akada ubɔŋ, Nebuchadnezzar edidem Babylon edi ke Jerusalem edikan enye okuk.

UTOM MME APOSTLE 7:4

Ndien enye ɔwɔrɔ ke isɔŋ mme Chaldean edi ediduŋ ke Haran: ndien ke ini ete esie ama akakpa, Abasi osio enye do, ada enye edi ke isɔŋ emi mbufo eduŋde ke esit ke emi:

2 PETER 1:21

Koro akanam baba ikɔ prophet itoho ke uduak owo: edi mme owo etiŋ ikɔ eke otode Abasi, nte Edisana Spirit esinde mmɔ etiŋ.

ERIYARARE 14:8

Ekem angel eŋwen, emi edide udiana-akpa, etiene ke edem, ɔdɔhɔ ete, Babylon, akwa obio oro, ɔmɔduɔ, ɔmɔduɔ, emi akanamde kpukpru mme idut eŋwɔŋ wine ifuresit use esie.