JEREMIAH 5:6 - Edisana ñwed Abasi Ibom

⁶ Mmɔdo lion eyeto ke akai owot mmɔ, wolf mbubreyo eyesobo mmɔ: ekpe eyekpeme obio mmɔ: eyeta kpukpru owo eke ewɔŋɔde ke esit: koro mme idiɔk ido mmɔ ewakde, mfiakedem mmɔ onyuŋ ɔdɔdiɔŋ ɔsɔŋ.

JEREMIAH 5:6 ပူးပေါင်းရင်းမြစ်များ

2 CHRONICLES 36:14

Ndien ŋko kpukpru mbɔŋ oku, ye mbio-obio, edue ediwak ŋkpɔ, esaŋa ye kpukpru mbubiam ido mme idut; mmɔ enyuŋ esabare ufɔk Jehovah, emi enye okonimde ke edisana ke Jerusalem.

EZRA 10:10

Ekem Ezra oku adaha ada, onyuŋ ɔdɔhɔ mmɔ ete, Mbufo emedue, emenyuŋ edɔ isen iban, enyuŋ enam isop Israel okpon aka iso.

EZRA 9:6

O Abasi mi, but anam mi ke iso eti-eti ndimenere iso mi nse fi, O Abasi mi: koro mme ukwaŋ-ŋkpɔ nnyin ekoŋde ekan ibuot nnyin, isop nnyin onyuŋ okpon tutu osim ke ikpa-enyɔŋ.

ŊWED JOB 10:16

Ŋkpemenere enye, afo ekpebine mi nte lion, okponyuŋ ɔtɔŋɔ ntak ada mme utibe ŋkpɔ fo etiene mi.

ŊWED MME PSALM 104:20

Afo onim ekim, ndien okoneyo edi: kpukpru mme unam ikɔt esaŋa ndien.

ŊWED MME PSALM 80:13

Edi oto ke akai abiat enye, unam ikɔt onyuŋ adia enye.

ISAIAH 1:23

Mbɔŋ fo edi mbon nsɔŋ-ibuot, ye nsaŋa inɔ: kpukpru mmɔ esuk emama enɔ, enyuŋ ebine utip: mmɔ ikpehe ikpe eyen akpa, ikɔ ebe-akpa inyuŋ isimke mmɔ.

ISAIAH 59:12

Koro mme idiɔk ido nnyin ewakde ke iso fo, mme ukwaŋ-ŋkpɔ nnyin enyuŋ ebɔrɔ ebaŋa nnyin: koro mme idiɔk ido nnyin edude ye nnyin; ndien ama edi mme ukwaŋ-ŋkpɔ nnyin imɔfiɔk mmɔ.

JEREMIAH 14:7

Okposuk edi nte mme idiɔk ido nnyin ebɔrɔde ebaŋa nnyin, O Jehovah, nam baŋa enyiŋ fo: koro mfiakedem nnyin awakde; nnyin imanam idiɔk ye afo.

JEREMIAH 2:15

Nsinam ndien enye akabarede edi ŋkpɔ mbume? Mkparawa lion ke ekuni enye, emenere uyo mmɔ, enyuŋ enim isɔŋ esie ke ŋkpɔ nsobo: mme obio esie emenyuŋ eta ikaŋ, enana owo eke oduŋde.

JEREMIAH 2:17

Nte afo unamke emi unɔ idem fo, koro afo ɔkɔkpɔŋde Jehovah Abasi fo, ke ini eke enye adade fi usuŋ?

JEREMIAH 2:19

Idiɔk ido fo eyetunɔ fi, mfiak-edem fo eyenyuŋ ɔnɔ fi ufen: fiɔk ndien, nyuŋ se ete ke ɔmɔdiɔk, ke onyuŋ odoro, koro afo ɔkɔkpɔŋde Jehovah Abasi fo, koro ndik mi minyuŋ iduhe fi ke idem. Emi edi uyo Ɔbɔŋ Jehovah mme udim.

JEREMIAH 2:31

O emana, mbufo ekut uyo Jehovah. Nte ami ŋkedi wilderness nnɔ Israel? Nte ŋkedi isɔŋ ekim? Nsinam ikɔt mi ekedɔhɔde, ete, Nnyin imɔŋ iyɔrɔ kpukpru ebiet; nnyin ididige aba ke ɔtɔ fo?

JEREMIAH 25:38

Enye ɔmɔkpɔŋ mfuhɔ ikɔt esie nte lion: koro isɔŋ mmɔ amakabare edi se mmɔ ebiatde, kabaŋa iyaresit owo ŋkanubɔk, ye ikaŋ iyaresit esie.

JEREMIAH 30:14

Kpukpru mme ufan fo emefre fi; mmɔ iyomke fi; koro ŋkamiade fi ufen usua, ye ata ɔkpɔsɔŋ ntunɔ: koro mme idiɔk ido fo ewakde; mme ukwaŋ ŋkpɔ fo enyuŋ ekɔride.

JEREMIAH 30:15

Nsinam afo atuade abaŋa unan fo? Ubiak fo ɔmɔdiɔk akan: koro mme idiɔk ido fo ewakde, mme ukwaŋ-ŋkpɔ fo enyuŋ ekɔride, ami nnam fi ŋkpɔ emi.

JEREMIAH 30:24

Ikaŋ iyaresit Jehovah idikabakede, tutu enye anam, tutu enye onyuŋ ama uduak esit esie; mbufo eyekere enye ke utit usen.

JEREMIAH 4:7

Lion oto ke mfuhɔ ikɔt esie ɔdɔk, andisobo mme idut onyuŋ otibi isaŋ; oto ke ebiet esie, ete inim isɔŋ fo ke nsobo; mme mbio fo eyebiara, ndien baba owo kiet eke oduŋde ididuhe.

JEREMIAH 49:19

Sese, enye eyeto ke iseri Jordan nte lion, ɔdɔk aka ke iduŋ ata ɔkpɔsɔŋ: koro nyeyip enyin nnam enye oto ke esit efehe ndien anie edi edimek owo eke ndinimde ke etubom esie? Koro anie ebiet mi? Anie edinyuŋ odori ini ɔnɔ mi? Anie owo onyuŋ edi ɔbɔk ufene eke edidade ke iso mi?

JEREMIAH 8:5

Nsinam ndien mbio-obio Jerusalem emi efiakde nsinsi mfiak-edem? mmɔ emum abiaŋa ekama, inyimeke ndinyɔŋ ndi.

JEREMIAH 8:7

Idem stork ke ikpa-enyɔŋ ɔmɔfiɔk edikem ini esie; turtle ŋko, ye akaraŋ Abasi, ye akpantana ekpeme ini eke mmɔ edide; edi ikɔt mi ifiɔkke ikpe Jehovah.

ŊWED ESEME 1:5

Mbon udi esie ekabare edi ibuot, mme asua esie ekut unen; koro Jehovah otukde enye abaŋa uwak mme idiɔk ido esie: nditɔ-ɔwɔŋ esie ebem mme asua iso eka nte mbuot-ekɔŋ.

EZEKIEL 16:25

Afo ɔmɔbɔp edikoŋ ebiet fo ke ibuot ofuri usuŋ, omonyuŋ asabare uyai fo, onyuŋ adianare ukot fo ɔnɔ kpukpru mmɔ eke esaŋade ebe, onyuŋ anam use fo awak.

EZEKIEL 22:27

Mbɔŋ esie ke otu mmɔ ebiet wolf eke ewaide ŋkpɔ, ke eriduɔk iyip, nnyuŋ nsobo ukpɔŋ, man mmɔ edia udori utuk.

EZEKIEL 23:19

Ndien enye ɔdɔdiɔŋ anam ediwak use, onyuŋ eti usen uyen esie, emi enye akanamde use ke isɔŋ Egypt.

DANIEL 7:4

Akpa ebiet lion, onyuŋ enyene mba ntrukpom. Ŋkut tutu edibere enye mba, enyuŋ emenere enye ekpɔŋ isɔŋ, enyuŋ emenere enye ewuk ke ukot esie nte owo, enyuŋ enɔ enye esit owo.

DANIEL 7:6

Ke emi ama ekebe, ŋkut, ndien, sese, unam efen ebiet ekpe; enye onyuŋ enyene mba inaŋ ke edem esie: unam oro onyuŋ enyene mbuot inaŋ; ndien enɔ enye ubɔŋ.

HOSEA 5:14

Koro ami ntiede nte lion ye Ephraim, ntie nte akparawa lion ye ufɔk Judah: ami kpa ami nyewai ndien nnyɔŋ; nyemen mfep, ndien baba owo kiet eke anyaŋade ididuhe.

HABAKKUK 1:8

Mme horse mmɔ esɔp ekan nawuri-ekpe: esɔp ekan wolf mbubreyo: mbon-horse mmɔ enyuŋ eyɔrɔ kpukpru ebiet, mbon-horse mmɔ enyuŋ eto ke anyan ebiet: mmɔ efeŋe nte ntrukpom ɔsɔpde aka ndita.

ZEPHANIAH 3:3

Mbɔŋ esie ke ufɔt esie edi lion mfriori: mme ebierikpe esie edi wolf mbubreyo; mmɔ isuhɔke baba ŋkpɔ kiet inɔ usenubɔk.

NUMBERS 32:14

Ndien sese, mbufo mme udim mme idiɔk owo, emedahada ke ibuot mme ete mbufo, kpaŋ iyaresit Jehovah ɔdɔdiɔŋ ofiop ye Israel aka iso.

ERIYARARE 13:2

Unam oro ŋkutde ebiet ekpe, ukot esie enyuŋ ebiet ukot bear, inua esie onyuŋ ebiet inua lion; dragon ama onyuŋ ayak ukeme esie, ye ebekpo esie, ye akwa nsɔŋ-uyo esie ɔnɔ enye.