30 Ŋkpɔ ndyɔ ye mkpaidem omosu ke isɔŋ;
Mbufo enyɔŋ ekop, isɔŋ nyuŋ kpaŋ utɔŋ: koro Jehovah ɔdɔhɔde: Mbɔk, nnyuŋ ŋkɔ nditɔ, ndien mmɔ emekabare esɔŋ ibuot ye ami.
Mmɔdo ntem ke Jehovah ɔdɔhɔ ete, Mbufo ebup ndien ke otu mme idut: Anie okokop oruk ŋkpɔ ntem? Eyen aŋwan Israel amanam ata ŋkpɔ ndik.
Jehovah ɔdɔhɔ, ete, O enyɔŋ, mbufo eyik ŋkpɔ emi, enyuŋ edikhe, yak idem onyuŋ akpa mbufo eti-eti.
ndien ŋkut ata ŋkpɔ ndidien ke mme prophet Jerusalem; ke esin efibe, ke esaŋa ke nsu; mmɔ enyuŋ esɔŋɔ mme idiɔk owo ubɔk, ndien owo ndomo kiet ikabakede ikpɔŋ idiɔk ido esie; kpukpru mmɔ etie ye ami nte Sodom, mme andiduŋ enye enyuŋ ebiet Gomorrah.
Ke ufɔk Israel, ŋkut mkpɔ mkpa-idem: use Ephraim odu do: Israel emedehe.
