JEREMIAH 5:24 - Edisana ñwed Abasi Ibom

²⁴ Mmɔ inyuŋ idɔhɔke ke esit mmɔ, ite, Mbɔk, eyak nnyin ibak Jehovah Abasi nnyin emi ɔnɔde edim, kpa mbemiso ye ukperedem edim ke ekem ini mmɔ: enye onim mme urua ukpeŋe eke ekedoride, ɔnɔ nnyin.

JEREMIAH 5:24 ပူးပေါင်းရင်းမြစ်များ

GENESIS 8:22

Adaŋa ofuri ini eke isɔŋ ododu, utɔ, ye ukpeŋe, ye tuep ye eyo, ye ndaeyo ye ukwɔ, ye uwemeyo ye okoneyo iditreke.

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

ŊWED JOB 29:23

Mmɔ enyuŋ ebet mi nte edim: enyuŋ eŋwaŋade inua mmɔ enɔ ukperedem edim,

ŊWED JOB 38:37

Anie ekeme ndibat mbubit enyɔŋ ke ifiɔk?

ŊWED JOB 5:10

Emi anamde edim edep ke iso isɔŋ, onyuŋ ɔdɔŋde mmɔŋ, ete asaŋa ke iso iŋwaŋ:

ŊWED MME PSALM 147:8

emi adade obubit enyɔŋ ofuk ikpa-enyɔŋ, emi ɔkɔde edim ɔnɔ isɔŋ, emi anamde obot etibe mbiet.

ŊWED MME PSALM 65:9

Afo emedi edise isɔŋ, onyuŋ ebiet enye eti-eti; anam enye oŋwum ŋkpɔ eti-eti; mmɔŋ ɔyɔhɔ ke akpa Abasi: afo otim ibokpot mmɔ, koro afo ɔdiɔŋde enye (isɔŋ) ntem.

ISAIAH 64:7

Ndien baba owo kiet iduhe eke okotde fi enyiŋ, onyuŋ edemerede idem esie ete imum fi ikama: koro afo omodip nnyin iso fo, onyuŋ anam nnyin itak ke mme idiɔk ido nnyin.

JEREMIAH 10:13

Uyo esie ke ini enye osiorode enye anam ediwak mmɔŋ odu ke ikpa-enyɔŋ, enye anam mbubit enyɔŋ oto ke utit isɔŋ ɔdɔk, anam obuma ɔnɔ edim, onyuŋ osio ofum ke ebiet unim-ŋkpɔ esie.

JEREMIAH 14:22

Nte ikpikpu abasi mme idut ekededi odu eke ekemede ndinam edim edep? Nte ikpa-enyɔŋ edinɔ edim mmɔŋ? Nte idige afo edi enye, O Jehovah Abasi nnyin? Nnyin iyebet fi, ndien: koro afo anamde kpukpru ŋkpɔ emi.

JEREMIAH 2:19

Idiɔk ido fo eyetunɔ fi, mfiak-edem fo eyenyuŋ ɔnɔ fi ufen: fiɔk ndien, nyuŋ se ete ke ɔmɔdiɔk, ke onyuŋ odoro, koro afo ɔkɔkpɔŋde Jehovah Abasi fo, koro ndik mi minyuŋ iduhe fi ke idem. Emi edi uyo Ɔbɔŋ Jehovah mme udim.

JEREMIAH 3:3

Mmɔdo ekekpande ukwɔ, ukperedem edim mikonyuŋ idige; ndien afo emenyene ɔkpɔ-iso akpara, unyimeke ndikut but.

JEREMIAH 5:22

Nte mbufo idibakke mi? Nte mbufo idinyekke ke iso mi, emi ŋkenimde ntan ke adaŋa inyaŋ ke nsinsi ewuhɔ, ndien inyaŋ idibehe enye; ndien odut esie okpot, edi ikanke; oyomo uyom, edi ikaŋake enye.

JEREMIAH 50:5

Mmɔ eyebup ebaŋa Zion, ekabare iso esin ke usuŋ eke akade do, ete, Mbufo edi ndien nnyin iyedian idem ye Jehovah, ke nsinsi ediomi eke midifreke.

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

HOSEA 6:1

MBUFO edi, nnyin inyɔŋ itiene Jehovah: koro edi enye akawai, ndien enye eyekɔk nnyin: edi enye okoyibi, ndien enye eyebɔp nnyin.

JOEL 2:23

Mbufo nditɔ Zion ebre ndien mbre, enyuŋ edara Jehovah Abasi mbufo; koro enye ɔnɔde mbufo akpa edim nte enende, onyuŋ anam akpa edim ye akpatre edep ɔnɔ mbufo, kpa nte eke akpa.

AMOS 4:7

Ndien ŋko ami ŋkesin mbufo edim, ke ɔsuhɔde kaŋa ɔfiɔŋ ita nte ekpekemde ke ini ukpeŋe: ami nnyuŋ nnam edim edep ke obio kiet, edi nyakke edep ke obio eken: edim edep ke ubak kiet, ndien ubak eke midepke ke esit asat.

ZECHARIAH 10:1

MBUFO ebeŋe Jehovah edim ke ini akpatre edim: Jehovah anam mineŋ-mineŋ, ndien enye eyeda ɔkpɔsɔŋ edim ɔnɔ mmɔ, ɔnɔ kpukpru owo mbiet iŋwaŋ.

MATTHEW 5:45

man mbufo edi nditɔ Ete mbufo emi odude ke heaven; koro Enye anamde utin Esie asiaha ɔnɔ mme idiɔk owo ye nti owo, onyuŋ anamde edim edep ɔnɔ ndinen owo ye mme anam ukwaŋ-ido.

UTOM MME APOSTLE 14:17

Edi Enye iyakke ŋkpɔ-ntiense anana ɔnɔ Enye, ke emi Enye ɔfɔnde ido, onyuŋ ɔnɔde mbufo edim heaven ye ini eduek, onyuŋ ɔnɔde mbufo udia, anam esit mbufo ɔyɔhɔ ye idaresit.

DEUTERONOMY 28:12

Jehovah eyesio usuŋ ebiet unim nti ŋkpɔ esie ɔnɔ fi, eke enyɔŋ, ndinɔ isɔŋ fo edim ke ekem ini, nnyuŋ ndiɔŋ kpukpru se ubɔk fo anamde: ndien afo eyenɔ ediwak mme idut ebuɔt, edi mmɔ idibuɔtke fi.

JAMES 5:7

Eme ime ndien, nditɔ-ete tutu Ɔbɔŋ edi. Sese, ɔtɔ-iŋwaŋ etie ebet eti mbuŋwum isɔŋ, onyuŋ eme anyan ime, tutu enye okut akpa ye ukperedem edim.

ERIYARARE 11:6

Mmɔ oro enyene odudu ndisiri ikpa-enyɔŋ mbiɔŋɔ edim ndidep ke mme usen eke mmɔ etiŋde prophecy; mmɔ enyuŋ enyene odudu ke idim mmɔŋ, ndinam mmɔŋ akabare edi iyip, ndinyuŋ nda kpukpru idiɔk udɔŋɔ mmia isɔŋ ufen, adaŋa ini nte mmɔ emama.