JEREMIAH 5:19 - Edisana ñwed Abasi Ibom

¹⁹ Ndien ama ekem ke mbufo edidɔhɔde ete, Jehovah Abasi nnyin edinam nnyin kpukpru ŋkpɔ emi abaŋa nso? Dɔhɔ mmɔ ndien, ete, Kpa nte mbufo ekpɔŋde mi, enyuŋ enamde ŋkpɔ isen abasi ke isɔŋ mbufo, kpasuk ntre ke mbufo edinam ŋkpɔ isen owo ke isɔŋ eke midige eke mbufo.

JEREMIAH 5:19 ပူးပေါင်းရင်းမြစ်များ

JEREMIAH 13:22

Ndien emi afo ɔdɔhɔde ke esit fo, ete, “Nsinam ŋkpɔ emi etienede mi?” Uwak mme idiɔk ido fo esin efuhɔre ɔfɔŋ-idem fo, enyuŋ eyarare fi nditiŋ-ikpat.

JEREMIAH 16:13

mmɔdo nyesioŋo mbufo ke isɔŋ emi mfep, nda nduɔk ke isɔŋ eke mbufo ye mme ete mbufo mikɔfiɔkke; ndien do ke mbufo edinam ŋkpɔ abasi efen ke uwemeyo ye ke okoneyo, eke mendifɔnke ye mbufo baba.

JEREMIAH 17:4

Ndien afo eyefep kpa idem fo ke udeme mi emi ŋkɔnɔde fi: ndien nyenam fi anam ŋkpɔ mme asua fo ke isɔŋ eke afo mufiɔkke: koro mbufo ebarade ikaŋ ke iyaresit mi, eyesak ke nsinsi.

JEREMIAH 2:13

Koro ikɔt mi emenam idiɔk ŋkpɔ iba; emekpɔŋ mi idim mmɔŋ uwem, enyuŋ etibi obube enɔ idem mmɔ, kpa ndisiaha obube eke mikamake mmɔŋ.

JEREMIAH 2:14

Nte Israel edi ofin? Nte enye edi amana ke ufɔk?

JEREMIAH 2:35

Ndien afo ɔdɔhɔ, ete, Koro mmennyeneke se nduede, ŋkɔm enye eyemen mi iyaresit esie ke idem efep. Sese, ami nyekpe ikpe ye afo: koro afo ɔdɔhɔde, ete, nnamke idiɔk.

JEREMIAH 5:18

Jehovah onyuŋ ɔdɔhɔ ete, Ke idem mme usen oro ndinamke mbufo mma.

JEREMIAH 5:20

Mbufo etiŋ emi ke ufɔk Jacob, enyuŋ ekwɔrɔ enye ke Judah, ete,

JEREMIAH 9:12

Anie owo enyene ibuot, ndien enye eyetim okut ŋkpɔ emi? Ndien anie edi owo emi inua Jehovah ɔdɔhɔde ye enye, ndien enye eyebuk enye? Isɔŋ anam didie atak, abiara nte wilderness eke baba owo keit misaŋake ibe?

JEREMIAH 9:13

Ndien Jehovah onyuŋ ɔdɔhɔ, ete, Koro mmɔ ekpɔŋde mbet mi oro ŋkenimde ke iso mmɔ, ndien mikopke uyo mi, minyuŋ isaŋake ke esit;

ŊWED ESEME 5:8

Ifin ekara nnyin: baba owo kiet eke osiode nnyin ke ubɔk mmɔ iduhe.