JEREMIAH 5:17 - Edisana ñwed Abasi Ibom

¹⁷ Ndien mmɔ eyeta ibokpot fo ye uyo fo, eyeta nditɔ-iren fo ye nditɔ-iban fo: eyeta ŋkpri ufene fo ye enaŋ fo: eyeta vine fo ye fig fo: eyeda ofut ewuri obio ibibene fo emi afo ɔbuɔtde idem fo ke esit.

JEREMIAH 5:17 ပူးပေါင်းရင်းမြစ်များ

ISAIAH 62:8

Jehovah omotomo ubɔk nnasia esie, ye ubɔk odudu esie, ete, Ndidaha aba ibokpot fo nnɔ mme asua fo eta; nditɔ mme idut idinyuŋ iŋwɔŋke obufa wine fo, emi afo anamde utom ke esit

ISAIAH 62:9

koro mmɔ eke etaŋde enye eyeta enye, enyuŋ etoro Jehovah; mmɔ eke ebonde eyenyuŋ eŋwɔŋ enye ke edisana okure mi.

ISAIAH 65:22

Mmɔ idibɔpke, ndien owo eŋwen oduŋ; iditɔhɔ, ndien owo efen adia: koro usen ikɔt mi ebietde usen eto, ndien nedimek ikɔt mi eyedia se ubɔk mmɔ enamde.

JEREMIAH 1:15

Koro, sese, ami mmɔŋ ŋkot kpukpru mme ubon mme idut edem edere, Jehovah ɔdɔhɔ; ndien mmɔ eyedi, kpukpru mmɔ eyenyuŋ ediɔk ebekpo mmɔ ke inua-otop Jerusalem, ye ke enyɔŋ kpukpru ibibene esie ekan ekuk, ye ke kpukpru mme obio Judah.

JEREMIAH 25:37

Mmɔ enyuŋ esobo mme iduŋ ifure, ebaŋa ikaŋ iyaresit Jehovah.

JEREMIAH 4:26

Nse, ndien, sese, eti iŋwaŋ amakabare edi wilderness, kpukpru obio esie enyuŋ ewure ke iso Jehovah, ye ke iso ata ifiopesit esie.

JEREMIAH 4:7

Lion oto ke mfuhɔ ikɔt esie ɔdɔk, andisobo mme idut onyuŋ otibi isaŋ; oto ke ebiet esie, ete inim isɔŋ fo ke nsobo; mme mbio fo eyebiara, ndien baba owo kiet eke oduŋde ididuhe.

JEREMIAH 5:18

Jehovah onyuŋ ɔdɔhɔ ete, Ke idem mme usen oro ndinamke mbufo mma.

JEREMIAH 50:17

Israel edi erɔŋ eke esuanade: mme lion emebin enye efep: edidem Assyria ama ebem iso adia enye; ndien ke emi Nebucha-drezzar edidem Babylon emi etiene edem obuŋ enye ɔkpɔ.

JEREMIAH 50:7

Kpukpru owo eke ekutde mmɔ edia mmɔ: mme asua enyuŋ edɔhɔ, ete, Nnyin iduehe isop, koro mmɔ ekeduede Jehovah, iduŋ eti ido, edue Jehovah, idorienyin mme ete mmɔ.

JEREMIAH 8:13

Ke edi Jehovah ɔdɔhɔ. Jehovah ɔdɔhɔ ete, Nyesobo mmɔ eti-eti; baba mfri ididuhe ke vine, baba fig idinyuŋ iduhe ke eto fig, ikɔŋ eyenyuŋ eyemere: ndien nyeda mmɔ nnɔ mmɔ eke esaŋade ebe mmɔ.

JEREMIAH 8:16

Ekop nte mme horse esie efiaride ke Dan: uyo emi mkpɔsɔŋ horse esie esiorode esin ofuri isɔŋ enyek; ndien mmɔ eyedi edidia isɔŋ ye kpukpru se iyɔhɔde ke esit, edia obio ye mmɔ eke eduŋde ke esit.

ŊWED ESEME 2:12

Mmɔ edɔhɔ eka mmɔ, ete, Ibokpot ye wine edu mmɔŋ? ke ini mmɔ eduɔde mba nte mmɔ eke ekpaŋade afai ke aŋwa obio, ke ini mmɔ eduɔkde ukpɔŋ mmɔ esin eka mmɔ ke ikpanesit.

ŊWED ESEME 2:2

Ɔbɔŋ omosobo kpukpru mme iduŋ Jacob, inyuŋ ituaha owo mbɔm: enye omowuri mkpɔsɔŋ ebiet adiaha Judah ke ifuresit esie; anam mmɔ esim isɔŋ: enye asa-bare itie edidem esie ye mbɔŋ esie.

EZEKIEL 36:4

ikpo obot Israel, mbufo ekop ndien uyo Ɔbɔŋ Jehovah, ete, Ntem ke Ɔbɔŋ Jehovah ɔdɔhɔ ye ikpɔ obot ye ŋkpri, ye mme udiɔŋ mmɔŋ, ye mme ebedeŋ, ye mme ikpikpu ndon, ye mme obio emi ekekpɔŋde, emi ekedide se mme idut emi esuhɔde ekan ekuk, ebumede enyuŋ esakde.

HOSEA 2:12

Nyenyuŋ mbiat vine esie ye eto fig esie, emi enye ɔkɔdɔhɔde abaŋa, ete, “Mme mmɔ emi edi utip mi emi mme andima mi enɔde mi”: ndien nyenam mmɔ ekabare edi akai, ndien mme unam ikɔt eyedia mmɔ.

HOSEA 8:14

Israel omonyuŋ efre Andibot enye, omonyuŋ ɔbɔp temple; Judah omonyuŋ ɔbɔp ediwak obio ibibene: edi ami nyekim ikaŋ ke mme obio mmɔ, ndien enye eyeta ufɔk mbɔŋ mmɔ.

JOEL 2:3

Ikaŋ ebem mmɔ iso ata; edemikaŋ onyuŋ etiene mmɔ edem ɔfɔp: isɔŋ ebiet iŋwaŋ Eden ke iso mmɔ, ndien ikpikpu wilderness odu mmɔ ke edem;

LEVITICUS 26:16

ami ŋko nyenam ŋkpɔ emi ye mbufo: nnyuŋ nda nnyek-idem, ye ndiɔkidem, ye ata ufiopidem ndori mbufo, ndien mmɔ eyetibi owo enyin, enyuŋ esin uduk ke esit: ndien mbufo eyetɔ mkpasip mbufo ke ikpikpu; ndien mme asua mbufo eyedia enye.

ZEPHANIAH 3:6

Mmosibe mme idut mfep: mme tower mmɔ emewure; mmabiat mme efak mmɔ, ndien owo eke asaŋade ebe iduhe: emesobo mme obio emi, ndien owo eke oduŋde iduhe.

MALACHI 1:4

Koro Edom ɔdɔhɔde ete, “Nnyin imesuana, edi iyetɔŋɔ ntak ibɔp ŋwure”; ntem ke Jehovah mme udim ɔdɔhɔ ete, Mmɔ eyebɔp, edi ami nyewuri: ndien eyesio mmɔ enyiŋ “Adaŋa idiɔk,” ye “Mbio emi Jehovah ofutde esit ye mmɔ ke nsinsi.”

DEUTERONOMY 28:33

Idut eke afo mufiɔkke eyedia mfri iŋwaŋ fo, ye ofuri utom fo; ndien afo eyesuk edi se efikde, enyuŋ etukde, kpukpru usen.