JEREMIAH 5:14 - Edisana ñwed Abasi Ibom

¹⁴ Mmɔdo ntem ke Jehovah Abasi mme udim ɔdɔhɔ, ete, Koro mbufo edɔhɔde ikɔ emi, sese, ami mmɔŋ nnam ikɔ mi ke inua fo akabare edi ikaŋ, nnyuŋ nnim mbio emi ke ifia, ndien enye eyeta mmɔ.

JEREMIAH 5:14 ပူးပေါင်းရင်းမြစ်များ

ISAIAH 24:6

Oro esin isuŋi adiade isɔŋ, enyuŋ enɔ mme andiduŋ ke esit ufen: oro esin mme andiduŋ isɔŋ efɔbɔde, mbio emi esuhɔde enyuŋ edi esisit.

JEREMIAH 1:9

Ndien Jehovah anyanare ubɔk esie otuk mi inua. Jehovah onyuŋ ɔdɔhɔ mi, ete, Sese, mmesin fi ikɔ mi ke inua.

JEREMIAH 23:29

Jehovah ɔdɔhɔ, ete, Nte ikɔ mi ibietke ikaŋ? nte ibietke hammer eke obomde akamba itiat?

HOSEA 6:5

Oro esin ŋkada prophet ŋkpeŋe mmɔ, nnyuŋ ŋwot mmɔ ke ikɔ inua mi: ndien ikpe fo ɔwɔrɔ nte uŋwana.

ZECHARIAH 1:6

Edi ama edi uyo mi ye mme ewuhɔ mi emi ŋkowukde ikɔt mi mme prophet, nte mmɔ ikesimke mme ete mbufo? Ndien mmɔ ekabare, enyuŋ edɔhɔ ete, Kpa nte Jehovah mme udim akaduakde ndinam nnyin, kpa nte ekemde ye usuŋ nnyin ye ido nnyin, kpa ntre ke enye akanam nnyin.