JEREMIAH 5:10 - Edisana ñwed Abasi Ibom

¹⁰ Mbufo edɔk ke ibibene esie ekewuri; edi ekunam ema: ekibi enye nnyɔninyɔ efep: koro mmɔ minyeneke Jehovah.

JEREMIAH 5:10 ပူးပေါင်းရင်းမြစ်များ

2 CHRONICLES 12:4

Ndien enye ada obio ibibene eke edude ke Judah, onyuŋ osim ke Jerusalem.

2 CHRONICLES 36:17

Ekem enye ada edidem mme Chaldean ɔdɔk etiene mmɔ, ndien enye owot mkparawa mmɔ ke ofut ke ufɔk edisana ebiet mmɔ, inyuŋ inyeneke mbɔm ye mkparawa, ye nditɔ-iban, ye akani-eren ye owo iwat: enye ada kpukpru esin enye ke ubɔk.

JEREMIAH 2:21

Ndien ami ŋkɔtɔ fi ata vine, ata akpan mkpasip: nsinam ndien afo akabarede edi idiɔk eyen vine idut ɔnɔ mi?

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

JEREMIAH 30:11

Koro ami ndude ye afo, nte nnyaŋa fi. Jehovah ɔdɔhɔ: koro nyenam kpukpru mme idut eke ŋkasuande fi do etak, edi ndinamke fi atak: edi nyetunɔ fi nte enende, ndien ndiyakke fi ɔbɔhɔ ikpikpu.

JEREMIAH 39:8

Mme Chaldean enyuŋ efɔp ufɔk edidem, ye ufɔk mbio-obio ke ikaŋ; enyuŋ ewuri ibibene Jerusalem.

JEREMIAH 4:27

Koro ntem ke Jehovah ɔdɔhɔ ete, Ofuri isɔŋ eyebiara; edi ndinamke mma.

JEREMIAH 46:28

Jehovah ɔdɔhɔ ete, Afo owo mi Jacob, kufehe: koro ami ndude ye afo: koro nyesobo kpukpru mme idut emi ŋkebinde fi nsin do: edi ndisoboke fi mma, edi nyetunɔ fi ke ufat; ndien ndiyakke fi ɔbɔhɔ ikpikpu.

JEREMIAH 5:11

Koro ufɔk Israel ye ufɔk Judah emenam abiaŋa ye ami eti-eti: uyo Jehovah edi emi.

JEREMIAH 5:18

Jehovah onyuŋ ɔdɔhɔ ete, Ke idem mme usen oro ndinamke mbufo mma.

JEREMIAH 5:9

Jehovah ɔdɔhɔ, ete, Nte ndinɔŋɔ ufen mbaŋa ŋkpɔ emi? Nte ukpɔŋ mi idinyuŋ isioho usiene ye oruk idut emi?

EZEKIEL 12:16

Ndien nyesio owo mmɔ esisit mfep ke ofut, ye biɔŋ, ye idiɔk udɔŋɔ, nsuhɔ; man mmɔ ebuk kpukpru mbubiam ŋkpɔ mmɔ ke otu mme idut eke edisimde do; ndien mmɔ eyefiɔk ete ke ami ndi Jehovah.

EZEKIEL 14:17

Mma nda ofut ntiene isɔŋ oro; nnyuŋ ndɔhɔ ofut, nte enye asaŋa ke isɔŋ ebe; ndien nsibe owo ye unam mfep ke esit:

HOSEA 1:9

Ndien enye (Abasi) ɔdɔhɔ, ete, Sio enye enyiŋ, ete, Lo-ammi (idige ikɔt mi): koro mbufo midige ikɔt mi, ami ndinyuŋ ndige eke mbufo.

AMOS 9:8

Sese, Ɔbɔŋ Jehovah etiŋ enyin ke idiɔk idut emi, nyenyuŋ nsobo enye ke iso ererimbot mfep; edi ndisoboke ufɔk Jacob kpukpru;

MATTHEW 22:7

Edi edidem ayat esit, onyuŋ osio mbon-ekɔŋ esie ɔdɔŋ, ete esobo mbio obio oro, enyuŋ efɔp obio mmɔ ke ikaŋ.