JEREMIAH 49:4 - Edisana ñwed Abasi Ibom

⁴ Nsinam afo oburede mbure ke mme-ebedeŋ? Ebedeŋ fo ɔfiɔrɔ, O eyen-aŋwan mfiakedem! emi ɔbuɔtde idem ke inyene esie, ete, Anie edisim mi?

JEREMIAH 49:4 ပူးပေါင်းရင်းမြစ်များ

ŊWED MME PSALM 49:6

Mmɔ eke ebuɔtde idem mmɔ ke nsɔŋ mmɔ, enyuŋ eburede mbure ke akwa inyene mmɔ;

ŊWED MME PSALM 52:7

“Se owo emi minimke Abasi ke odudu esiemɔ: edi ɔbuɔt idem esie ke uwak inyene esie, onyuŋ ɔsɔŋɔ ke ibak esie.”

ŊWED MME PSALM 62:10

Mbufo ekubuɔt idem ke ufik, ekunyuŋ ebure ke mbume: ke ini inyene etɔtde, mbufo ekusin esit ke mmɔ.

MME ŊKE 10:15

Inyene ɔbɔŋ edi ɔkpɔsɔŋ obio esie: nsobo mme ubuene edi unana mmɔ.

JEREMIAH 21:13

Sese, ami mmɔŋ nnam ikɔ ye afo, O andiduŋ ebedeŋ, ye akwa itiat una-isɔŋ, Jehovah ɔdɔhɔ; mbufo emi edɔhɔde ete, Anie edisuhɔre ke ɔtɔ nnyin? Anie edinyuŋ oduk ke ebiet iduŋ nnyin?

JEREMIAH 3:14

Jehovah ɔdɔhɔ, ete, Mbufo nditɔ mfiakedem efiak edem; koro ami ŋkɔdɔde mbufo: ndien nyeda mbufo kiet ke obio, ye iba ke oruk, nnyuŋ nda mbufo ndi ke Zion:

JEREMIAH 31:22

Adaŋa didie ke afo ediyɔrɔ, O eyen-aŋwan mfiakedem? Koro Jehovah obotde obufa ŋkpɔ ke ererimbot, ŋwan eyekan eren.

JEREMIAH 48:7

Ŋkɔm eyenyuŋ emum fi ŋko, koro afo ɔbuɔtde idem ke se afo akanamde ye ke inyene fo: eyenyuŋ etaŋ Chemosh efep ye mme oku esie, ye mbɔŋ esie, ini kiet.

JEREMIAH 49:16

Ndik fo ye iseŋ esit fo emebiaŋa fi, afo emi oduŋde ke nsiaha itiat, emi adade enyɔŋ obot enyene: koro afo onimde efɔk fo ke enyɔŋ nte ntrukpom, nyesio fi ke esit nsuhɔre: uyo Jehovah edi emi.

JEREMIAH 7:24

Ndien mmɔ ikopke, inyuŋ ikpaŋke utɔŋ mmɔ, edi esaŋa ke uduak ye ke itun idiɔk esit mmɔ, enyuŋ efiak edem, ikaha iso.

JEREMIAH 9:23

Ntem ke Jehovah ɔdɔhɔ, ete, Owo eti ibuot okubure mbure ke eti ibuot esie, owo uko okunyuŋ obure mbure ke uko esie, owo inyene okunyuŋ obure mbure ke inyene esie:

HOSEA 4:16

Koro Israel ɔsɔŋde ibuot nte ɔsɔŋ-ibuot abak-enaŋ: kemi Jehovah eyebɔk mmɔ nte eyen erɔŋ ke ntaŋwaŋ ebiet.

1ŊWED TIMOTHY 6:17

Sɔŋɔ dɔhɔ mme enyene-ŋkpɔ ke eyo emi, ete mmɔ ekumenere idem, ekunyuŋ edori enyin ke se iyaŋade owo nte enyene, edi edori enyin ke Abasi, emi ɔnɔde nnyin kpukpru ŋkpɔ uwak-uwak, ete idara ke esit.

ERIYARARE 18:7

Adaŋa nte enye akataŋde idem, onyuŋ odude uwem edinem-edinem, kpasuk ntre nɔ enye ndutuhɔ ye eyet. Koro enye ɔdɔhɔ ke esit esie ete, Ntie okim nte ɔbɔŋ-aŋwan, ndige ebe-akpa, ndinyuŋ ŋkwe ntuaŋa.