JEREMIAH 49:3 - Edisana ñwed Abasi Ibom

³ O Heshbon, fiori: koro Ai amabiara: nditɔ iban Rabbah, mbufo eseme, ebɔbɔ ɔfɔŋ-ikpo ke idem; etuaŋa, enyuŋ ebuŋɔ kip esuana ke otu mme ɔkɔ: koro etaŋde edidem mmɔ efep, mme oku esie, ye mbɔŋ esie ɔtɔ kiet.

JEREMIAH 49:3 ပူးပေါင်းရင်းမြစ်များ

2 SAMUEL 11:1

EDIKEM ke isua akabarede, ekem ke ini emi ndidem ekam ewɔŋɔde eka ekɔŋ, David ɔdɔŋ Joab ye ikɔt esie ŋko, ye ofuri Israel, ekesobo ye nditɔ Ammon, ndien mmɔ ekan Rabbah ekuk. Edi David etie ke Jerusalem.

1 NDIDEM 11:33

koro mmɔ emekpɔŋ mi, emenyuŋ etuak ibuot enɔ Astoreth idem Zidon, ye Chemosh idem Moab, ye Milcom idem nditɔ Ammon; inyuŋ isaŋake ke usuŋ mi, inyuŋ inamke se inende ke enyin mi, inyuŋ inimke mme ewuhɔ mi, ye mbet mi, nte David ete esie.

1 NDIDEM 11:5

Edi Solomon aka eketiene Ashtoreth idem mme Zidonian, ye Milcom mbubiam-ŋkpɔ mme Ammonite.

2 NDIDEM 23:13

Edidem onyuŋ asabare mme edikoŋ ebiet oro edude ke iso Jerusalem, mmɔ oro edude ke edem nnasia obot mbubiam, emi Solomon edidem Israel ɔkɔbɔpde ɔnɔ Ashtoreth, mbubiam ŋkpɔ mme Zidonian, ye Chemosh, mbubiam ŋkpɔ Moab, ye Milcom mbubiam ŋkpɔ nditɔ Ammon.

EZRA 2:28

Mbio Bethel ye Ai, ikie iba ye edip ye ita.

ISAIAH 13:6

Mbufo etuaŋa; koro usen Jehovah emekpere: ɔmɔŋ edi nte nsobo eke otode Ata Ɔkpɔsɔŋ.

ISAIAH 14:31

Tua, O inua-otop; seme, O obio; Philistia, afo amatara kpukpru: koro nsuŋikaŋ otode ke edere, ndien baba owo eke adianarede iduhe ke otu mme udim-ekɔŋ esie.

ISAIAH 15:2

Mmɔ edɔk ke Bayith, ye ke Dibon, ye mme edikoŋ obot, man etua eyet: Moab ke atua ke Nebo, ye ke Medeba: ibɔ odu ke kpukpru ibuot mmɔ, emekporo kpukpru ntaŋebek.

ISAIAH 16:7

Mmɔdo Moab eyetua abaŋa Moab, ofuri (obio) eyetua: mbufo eyeseme ŋwure Kir-hareseth; ke esuk enuaha.

ISAIAH 23:1

UYO Abasi emi abaŋa Tyre. Mbufo ubom mbakara Tarshish etuaŋa: koro enye abiarade, ufɔk iduhe, eriduk iduhe: etie ke isɔŋ Kittim eyarare emi enɔ mmɔ.

ISAIAH 23:6

Mbufo ebe eka Tarshish; mbufo mme andiduŋ mben inyaŋ etuaŋa.

JEREMIAH 4:8

Mbufo eda ɔfɔŋ-ikpo ebɔbɔ ke idem ebaŋa ŋkpɔ emi, etuaŋa enyuŋ eseme: koro ifiopesit Jehovah midiwɔŋɔ-kede ikpɔŋ nnyin.

JEREMIAH 46:25

Jehovah mme udim Abasi Israel ɔdɔhɔ, ete, Sese, ami mmɔŋ nda ufen ntiene Amon emi otode ke No, ye Pharaoh ye Egypt ye mme abasi mmɔ, ye ndidem mmɔ; kpa Pharaoh ye mmɔ eke ebuɔtde idem mmɔ ye enye.

JEREMIAH 48:2

Itoro Moab iduhe aba: mmɔ eduak idiɔk-ŋkpɔ ebaŋa enye ke Heshbon; ete, mbufo edi nnyin isibe enye ifep, man okudi aba idut. Eyenyuŋ ebiat fi, O Madmen; ofut eyebine fi ke edem.

JEREMIAH 48:20

But anam Moab, koro enye owurede: fiori nyuŋ seme; mbufo etiŋ ke Arnon, ete ke Moab amabiara.

JEREMIAH 48:37

Koro kpukpru ibuot enyenede ibɔ, enyuŋ efat kpukpru ntaŋebek: enyuŋ ekpi kpukpru ubɔk, ɔfɔŋ-ikpo onyuŋ okune kpukpru isin.

JEREMIAH 48:7

Ŋkɔm eyenyuŋ emum fi ŋko, koro afo ɔbuɔtde idem ke se afo akanamde ye ke inyene fo: eyenyuŋ etaŋ Chemosh efep ye mme oku esie, ye mbɔŋ esie, ini kiet.

JEREMIAH 49:1

EKE nditɔ Ammon. Ntem ke Jehovah ɔdɔhɔ, ete, Nte israel inyeneke nditɔ-iren? Nte enye inyeneke adia-akpa? Nsinam edidem mmɔ adade Gad adia? Nsinam ikɔt esie enyuŋ eduŋde ke mme obio esie?

JEREMIAH 51:8

Babylon ɔmɔduɔ ke isɔrɔ kiet onyuŋ owure: mbufo etua enye; eda balm enɔ unan esie, mme eyekeme ndikɔk enye.

JEREMIAH 6:26

O adiaha ikɔt mi, bɔbɔ ɔfɔŋ-ikpo ke idem, nyuŋ duɔŋɔ ke ntɔŋ: nam ntua-eyet ikpɔŋ eyen; seme ata ndot-ndot eseme: koro owo eke osobode eyebuat nnyin ke isɔrɔ kiet.

AMOS 1:15

ndien eyetaŋ edidem mmɔ enyɔŋ, kpa enye ye mbɔŋ esie ini kiet. Uyo Jehovah edi emi.

ZEPHANIAH 1:5

ye mmɔ eke etuakde ibuot enɔ mbon ikpa-enyɔŋ ke enyɔŋ ɔkɔm ufɔk; ye mmɔ eke etuakde ibuot enyuŋ eŋwɔŋɔde enɔ Jehovah, enyuŋ eŋwɔŋɔde enɔ Malcam;

JAMES 5:1

DA mbufo mbon inyene, etuaŋa, enyuŋ esio mkpo ebaŋa nditaha eke edisimde mbufo.

JOSHUA 7:2

Ekem Joshua etie ke Jericho ɔdɔŋ owo, ete eka Ai, emi ekperede Beth-aven, ke edem Bethel emi utin asiahade, onyuŋ ɔdɔhɔ mmɔ, ete, Mbufo edɔk ekeyep isɔŋ oro. Ndien mbon oro edɔk ekeyep Ai.

JOSHUA 8:1

NDIEN Jehovah ɔdɔhɔ Joshua, ete, Kudikhe, kunyuŋ uyak esit ɔduɔ fi: nam kpukpru mbon ekɔŋ esaŋa ye afo, ndien daha ke enyɔŋ dɔk ke Ai; sese, nda ɔbɔŋ Ai, ye ikɔt esie, ye obio esie, ye isɔŋ esie, nsin fi ke ubɔk:

JOSHUA 8:28

Ndien Joshua ɔfɔp Ai, onyuŋ onim enye ke ndon ke nsinsi, kpa ŋwure tutu osim mfin emi.