JEREMIAH 49:26 - Edisana ñwed Abasi Ibom

²⁶ Mmɔdo mkparawa esie eyeduɔŋɔ ke aŋwa esie, kpukpru mbon-ekɔŋ eyenyuŋ etak ke usen oro; uyo Jehovah mme udim edi emi.

JEREMIAH 49:26 ပူးပေါင်းရင်းမြစ်များ

JEREMIAH 11:22

mmɔdo ntem ke Jehovah mme udim ɔdɔhɔ, ete, Sese, ami nyenɔ mmɔ ufen; mkparawa mmɔ eyekpaŋa ke ofut: nditɔ-iren mmɔ ye nditɔ-iban mmɔ eyekpaŋa ke akaŋ:

JEREMIAH 50:30

Mmɔdɔ mkparawa esie eyeduɔŋɔ ke aŋwa, kpukpru mbon ekɔŋ esie eyenyuŋ etak ke usen oro, Jehovah ɔdɔhɔ.

JEREMIAH 9:21

Koro mkpa ɔdɔkde ke window nnyin, oduk ke ikpɔ ufɔk nnyin, ndisibe nditɔwɔŋ ke efak mfep ye mkparawa ke aŋwa obio.

ŊWED ESEME 2:21

Nditɔwɔŋ ye mbiowo ena ke isɔŋ ke efak: nditɔ-iban mi ye mkparawa mi eduɔŋɔ ke ofut; afo okowot mmɔ ke usen iyaresit fo; owot, ndien utuaha mmɔ mbɔm.

EZEKIEL 27:27

Inyene fo, ye unyam-urua fo, ye ŋkpɔ-urua fo, mbio ubom fo, ye mmɔ eke ebɔide fi, mmɔ eke efakde fi ndudu, ye mmɔ eke esaŋade urua enɔ fi, ye kpukpru mbon-ekɔŋ fo emi edude ke esit, ye ke ofuri udim fo emi odude ke ufɔt fo, eduɔŋɔ ke esit inyaŋ ke usen iduɔ fo.

AMOS 4:10

Ŋkɔdɔŋ idiɔk udɔŋɔ etiene mbufo, kpa nte ŋkanamde ke Egypt: ŋwot mkparawa mbufo ke ofut, nnyuŋ ntaŋ mme horse mbufo mfep; nnyuŋ nnam utebe nna-ekɔŋ mbufo ɔdɔk oduk mbufo ke ibuo: edi mbufo ifiakke edem itiene mi; uyo Jehovah edi emi.