JEREMIAH 49:22 - Edisana ñwed Abasi Ibom

²² Sese, enye eyedɔk, onyuŋ efe nte ntrukpom, onyuŋ atat mba esie ofuk Bozrah: ndien esit mbon uko Edom ke usen oro eyebiet esit aŋwan uman

JEREMIAH 49:22 ပူးပေါင်းရင်းမြစ်များ

ŊWED MME PSALM 18:5

Mme uruk udi ekan mi ekuk: mme afia mkpa ena mi ke iso.

MME ŊKE 30:19

Usuŋ ntrukpom ke ikpa-enyɔŋ; usuŋ urukikɔt ke enyɔŋ itiat; usuŋ ubom ke ufɔt akwa mmɔŋ; ye usuŋ erenowo ye eyen-aŋwan.

ISAIAH 11:14

Ndien mmɔ eyeduɔ mme Philistine ke afara, ke edem usop-utin: eyedi ebume nditɔ edem usiaha-utin; Edom ye Moab eyedi se mmɔ edoride ubɔk mmɔ ke esit; nditɔ Ammon eyenyuŋ ekop uyo mmɔ.

ISAIAH 13:8

ubiak ye ndutuhɔ emum mmɔ; mmɔ emiaŋa nte ŋwan uman; kiet ese kiet eyik; iso mmɔ esak nte ikaŋ.

ISAIAH 21:3

Oro esin ata ndik ɔyɔhɔ mi ke isin: ubiak omum mi, nte ubiak aŋwan uman: se ŋkopde anam idem esiŋede mi; se ŋkutde esin mi ndutime.

ISAIAH 26:17

Kpa nte ŋwan idibi eke oyomde ndiman, okopde ubiak onyuŋ ofioride ke ndutuhɔ esie; kpa ntre ke nnyin iketie ke ini nnyin mikoduhe ke iso fo, O Jehovah.

JEREMIAH 13:21

Afo edidɔhɔ didie ke ini eke enye edinɔde fi ufen? (Ŋkɔm afo amayak mmɔ emehe ndida ata ubɔŋ fo:) nte ubiak idimumke fi nte omumde ŋwan uman?

JEREMIAH 22:23

O andiduŋ Lebanon, emi enamde efɔk fo ke mme cedar, editua fi mbɔm didie ke ini ndutuhɔ ye ubiak, nte eke aŋwan uman, edisimde fi?

JEREMIAH 30:6

Mbufo ebup ndien, enyuŋ ese, mme eren owo aman eyen? Nnam didie ŋkut kpukpru mbon uko nte etɔde ubɔk ke isin, ebiet aŋwan uman, kpukpru iso enyuŋ ekabare akpai?

JEREMIAH 4:13

Sese, enye eyedɔk nte mbubit enyɔŋ, mme chariot esie eyenyuŋ ebiet oyobio: horse esie esɔp ukot nte ntrukpom.

JEREMIAH 4:31

Koro ŋkopde uyo ebiet aŋwan uman, ubiak ebiet eke ŋwan eke amande akpan eyen, uyo adiaha zion, enye eŋwek, anyan ekaubɔk esie; ete, “Mbɔm mi ndien: koro mme owot-owo esinde ukpɔŋ akpa mi.”

JEREMIAH 49:24

Idem emem Damascus, enye akabare ete ifehe, ndik onyuŋ omum enye; ukut ye ubiak nte eke aŋwan uman etuk enye.

JEREMIAH 50:36

Ofut omodoro mbon mbure ke idem, ndien mmɔ emekabare edi ndisime: ofut omodoro mbon uko esie, ndien idem akpa mmɔ.

JEREMIAH 50:43

O adiaha Babylon. Edidem Babylon okokop etop mmɔ, ndien ubɔk emem enye, nnanenyin omum enye, ye ubiak kpa nte eke aŋwan uman.

JEREMIAH 6:24

Nnyin imokop etop esie: ubɔk nnyin emekabare emem: nnanenyin omomum nnyin, ubiak ebiet eke aŋwan uman.

DANIEL 7:4

Akpa ebiet lion, onyuŋ enyene mba ntrukpom. Ŋkut tutu edibere enye mba, enyuŋ emenere enye ekpɔŋ isɔŋ, enyuŋ emenere enye ewuk ke ukot esie nte owo, enyuŋ enɔ enye esit owo.

HOSEA 8:1

SIN ukorowo ke inua fo. (Duɔ) ufɔk Jehovah nte ntrukpom: koro mmɔ ebiatde ediomi mi, enyuŋ eduede mbet mi.

OBADIAH 1:9

Ndien idem eyekpa mbon-uko fo, O Teman, man esibe owo ke obot Esau efep ke afai.

DEUTERONOMY 28:49

Jehovah eyeda idut ke anyan ebiet, ke utit ererimbot, etiene fi, kpa nte ntrukpom efede; idut eke afo mudukopke usem mmɔ;

1 ŊWED THESSALONICA 5:3

Ini mme owo edɔhɔde ete, idu ke emem ye ifure, kpa adaŋoro ke nsobo abuat mmɔ, nte emi uman abuatde ŋwan idibi; ndien mmɔ idikwe usuŋ ubɔhɔ.