JEREMIAH 49:2 - Edisana ñwed Abasi Ibom

² Jehovah ɔdɔhɔ ete, Mmɔdo, sese, mme usen ke edi eke ndinamde ekop mkpo ekɔŋ ke Rabbah nditɔ Ammon; ndien enye eyekabare edi ibombom ŋwure, eyenyuŋ efɔp nditɔ-iban esie ke ikaŋ: ndien Israel eyeda mmɔ eke edade enye enyene; Jehovah ɔdɔhɔ.

JEREMIAH 49:2 ပူးပေါင်းရင်းမြစ်များ

2 SAMUEL 11:1

EDIKEM ke isua akabarede, ekem ke ini emi ndidem ekam ewɔŋɔde eka ekɔŋ, David ɔdɔŋ Joab ye ikɔt esie ŋko, ye ofuri Israel, ekesobo ye nditɔ Ammon, ndien mmɔ ekan Rabbah ekuk. Edi David etie ke Jerusalem.

ŊWED MME PSALM 48:11

Obot Zion eyedara, nditɔ-iban Judah eyebre mbre ebaŋa mme ikpe fo.

ŊWED MME PSALM 97:8

Zion okop, onyuŋ adat esit; nditɔ-iba Judah enyuŋ ebre mbre ebaŋa mme ikpe fo O Jehovah.

ISAIAH 11:14

Ndien mmɔ eyeduɔ mme Philistine ke afara, ke edem usop-utin: eyedi ebume nditɔ edem usiaha-utin; Edom ye Moab eyedi se mmɔ edoride ubɔk mmɔ ke esit; nditɔ Ammon eyenyuŋ ekop uyo mmɔ.

ISAIAH 17:1

UYO Abasi emi abaŋa Damascus. Sese, Damascus amakabare, idige aba obio, edi ibombom ŋwure.

JEREMIAH 4:19

Nsia mi! nsia mi! ɔwɔŋ esit mi abiak mi; esit mi eseme ɔnɔ mi; ndidopke uyo, koro, O ukpɔŋ mi, ŋkopke uyo ukorowo ye mkpo ekɔŋ.

JEREMIAH 49:1

EKE nditɔ Ammon. Ntem ke Jehovah ɔdɔhɔ, ete, Nte israel inyeneke nditɔ-iren? Nte enye inyeneke adia-akpa? Nsinam edidem mmɔ adade Gad adia? Nsinam ikɔt esie enyuŋ eduŋde ke mme obio esie?

EZEKIEL 21:20

Siak usuŋ eke ofut edikade Rabbah nditɔ Ammon, aka Judah osim Jerusalem emi enyenede ibibene ekɔŋ.

EZEKIEL 21:25

Ndien afo idiɔk ɔbɔŋ Israel emi ewotde, emi usen esie edide ke ini akpatre idiɔk ido,

AMOS 1:14

Ndien ami nyebara ikaŋ ke ibibene Rabbah, eke editade ikpɔ ufɔk mmɔ ke mkpo ke usen ekɔŋ, ye ke idio ke usen oyobio:

OBADIAH 1:19

Ndien mbon edem usuk eyeda obot Esau; mbon una-isɔŋ edem-inyaŋ eyenyuŋ eda mme Philistine: mmɔ eyenyuŋ eda obot-iŋwaŋ Ephraim, ye obot-iŋwaŋ Samaria: ndien Benjamin eyeda Gilead.

NUMBERS 10:9

Ndien ŋko ke adaŋemi mbufo edikade ekɔŋ ke isɔŋ mbufo ye mme asua emi efikde mbufo, mbufo eda ukorowo eduat; ndien Jehovah Abasi mbufo eyeti mbufo, onyuŋ anyaŋa mbufo osio mme asua ke ubɔk.

NUMBERS 21:25

Israel onyuŋ ada kpukpru obio emi, Israel onyuŋ oduŋ ke kpukpru obio mme Amorite, ke Heshbon, ye ke kpukpru obio iŋwaŋ mmɔ.

DEUTERONOMY 13:16

Ndien bon kpukpru mbume esie ke ufɔt aŋwa esie, nyuŋ fɔp obio ye kpukpru mbume esie ke ikaŋ, tutu okure tak, nɔ Jehovah Abasi fo: ndien obio eyedi mbot-mbot ke nsinsi; yak owo okubɔp aba enye.

DEUTERONOMY 3:11

(Koro Og ɔbɔŋ Bashan ikpɔŋ ɔsuhɔde ke otu mme Rephaim efen; sese, bed esie onyuŋ edi bed ukwak; nte idige enye odu ke Rabbah nditɔ Ammon? uniɔŋ esie edi ibio idomo-okuk usukiet, ubom esie ɔnyuŋ edi ibio idomo-okuk inaŋ, nte idomo owo asaŋade.)

JOSHUA 17:11

Manasseh onyuŋ enyene Beth-shean, ye mme obio esie, ye Ibleam, ye mme obio esie, ye mme andiduŋ Dor, ye mme obio esie, ye mme andiduŋ Endor, ye mme obio esie, ye mme andiduŋ Taanach, ye mme obio esie, ye mme andiduŋ Megiddo, ye mme obio esie, edem obot ita.

JOSHUA 17:16

Ndien nditɔ Joseph edɔhɔ ete, Obot oro ikemke nnyin: ndien kpukpru mme Canaanite emi eduŋde ke itihere isɔŋ, ye mme mmɔ emi edude ke Beth-shean, ye ke mme obio iŋwaŋ esie, ye mme mmɔ emi edude ke ebedeŋ Jezreel, enyene chariot ukwak.