JEREMIAH 49:17 - Edisana ñwed Abasi Ibom

¹⁷ Edom eyenyuŋ akabare edi se esobode: kpukpru mmɔ eke esaŋade ebe enye eyekpa idem, enyuŋ esi ebaŋa kpukpru ufen esie.

JEREMIAH 49:17 ပူးပေါင်းရင်းမြစ်များ

1 NDIDEM 9:8

ndien ufɔk emi eyedi edikoŋ: kpukpru owo eke edibede eyeyik, enyuŋ esi; ndien mmɔ eyedɔhɔ, ete, Nsinam Jehovah akanamde isɔŋ emi, ye ufɔk emi ntem?

JEREMIAH 18:16

Ndien mmɔ enam isɔŋ mmɔ akabare edi se ibiarade, ye nsinsi ŋkpɔ nsi: kpukpru mmɔ eke esaŋade ebe eyekpa idem, enyuŋ eyibi ibuot mmɔ.

JEREMIAH 49:13

Koro Jehovah ɔdɔhɔde, ete, Mmotomo idem mi, nte ke Bozrah eyekabare edi ŋwure, ye esuene, ye nsobo, ye isuŋi: kpukpru mme obio esie eyenyuŋ edi nsinsi nsobo.

JEREMIAH 50:13

Ifuresit Jehovah idiyakke owo oduŋ ke esit, edi ofuri esie eyedi ndon-ndon: kpukpru owo eke ebede Babylon eyekpa idem, enyuŋ esi ebaŋa kpukpru ufen esie.

JEREMIAH 51:37

Ndien Babylon eyekabare edi ibombom ibombom, ye iduŋ mme dragon, ye ŋkpɔ mkpa-idem, ye ŋkpɔ nsi, eke baba owo kiet eke oduŋde miduhe.

EZEKIEL 25:13

mmɔdo ntem ke Ɔbɔŋ Jehovah ɔdɔhɔ ete, Ami mmɔŋ nnyan ubɔk mi ndori Edom, nyenyuŋ nsibe owo ye ufene ke esit mfep; nnyuŋ nnam enye edi ndon ɔtɔŋɔde ke Teman, ndien mmɔ eyeduɔŋɔ ke ofut tutu osim ke Dedan.

EZEKIEL 27:36

Mbon-urua ke otu mme idut esi fi; afo amabiara fap, udunyuŋ uduhe ke nsinsi.

EZEKIEL 35:15

kpa nte afo akadatde esit abaŋa udeme ufɔk Israel, koro esobode enye; kpasuk ntre ke ndinam nnɔ fi: obot Seir, afo eyena ke nsobo; kpa ofuri Edom, ofuri esie. Ndien mmɔ eyefiɔk ete ke ami ndi Jehovah.

EZEKIEL 35:3

nyuŋ dɔhɔ enye, ete, Ntem ke Ɔbɔŋ Jehovah ɔdɔhɔ, ete, Sese, mmɔŋ nnam ikɔ ye afo, obot Seir, nyenyuŋ nnyanare ubɔk mi ndori fi ke idem, nnyuŋ nnim fi ke nsobo ye ŋwure.

EZEKIEL 35:7

Nyenyuŋ nnam obot Seir edi ata idiɔk nsobo, nnyuŋ nsibe owo eke asaŋade ebe ye owo eke afiakde edi, mfep ke esit.

MICAH 6:16

Ndien mmɔ enim mme ewuhɔ Omri, ye kpukpru se ufɔk Ahab akanamde, ndien mbufo esaŋa ke mme uduak mmɔ, man nnim fi ke ŋkpɔ nditaha, nnim mme andiduŋ enye ke se eside: mmɔdo mbufo eyebiom esuene ikɔt mi.

ZEPHANIAH 2:15

Emi edi obio mbre emi etiede ke ndue-idem, emi ɔdɔhɔde ke esit esie, ete, Ami ndu, ndien efen iduhe ke mibɔhɔke ami: enye anam didie akabare edi ikpikpu, ebiet eke mme unam esuhɔrede ena! kpukpru mmɔ eke esaŋade ebe enye eyesi, enyuŋ efuŋ ubɔk mmɔ.

DEUTERONOMY 29:22

ndien emana nditɔ mbufo emi editienede mbufo edem edaha da ke ini iso, ye esen owo ŋko eke editode ke anyan idut, eyedɔhɔ, ke ini mmɔ edikutde ufen isɔŋ oro, ye udɔŋɔ esie eke Jehovah anamde enye ɔdɔŋɔ;