JEREMIAH 49:11 - Edisana ñwed Abasi Ibom

¹¹ Kpɔŋ nditɔ akpa fo, nyenim mmɔ ke uwem; ndien yak mme ebe akpa fo ebuɔt idem mmɔ ye ami.

JEREMIAH 49:11 ပူးပေါင်းရင်းမြစ်များ

ŊWED MME PSALM 146:9

Jehovah ekpeme isen owo; enye emenere eyen-akpa ye ebe-akpa onim ke enyɔŋ: onyuŋ akwaŋa usuŋ mme idiɔk owo.

ŊWED MME PSALM 68:5

Abasi edi ete nditɔ-akpa, ye ebierikpe mme ebe-akpa, ke edisana iduŋ esie.

ŊWED MME PSALM 82:3

Mbufo ekpe ikpe mme ubuene, ye eke eyen-akpa: enam se inende ye mbon ukut ye unana.

HOSEA 14:3

Asshur idinyaŋake nnyin: nnyin ididoroke ke horse: idinyuŋ idɔhɔke aba ye se ubɔk nnyin ekenamde, ite, Abasi nnyin: koro afo atuade eyen eke ananade ete mbɔm.

JONAH 4:11

Nte ami ndien ŋkpenyeneke mbɔm ye Nineveh, akwa obio emi tɔsin owo itie ikie ye edip ye udori, emi midiɔŋɔke ubɔk nnasia mmɔ ye ufien mmɔ, ye ediwak ufene ŋko, edude ke esit.

ZECHARIAH 7:10

Mbufo ekunyuŋ etuk mme ebe-akpa, ye eyen-akpa, ye esen owo, ye eyen ubuene; mbufo ekunyuŋ eduak idiɔk kiet ye kiet ke esit mbufo.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

DEUTERONOMY 10:18

emi ekpede edinen ikpe ɔnɔ eyen-akpa ye ebe-akpa, onyuŋ amade esen owo, ɔnɔ enye udia ye edisine-ŋkpɔ.

1ŊWED TIMOTHY 5:5

Edi ŋwan emi edide ebe-akpa ke akpanikɔ onyuŋ etiede ikpɔŋ ama odori enyin ke Abasi, onyuŋ eyire ke akam ye mkpe-ubɔk ke okoneyo ye uwemeyo.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.