JEREMIAH 49:1 - Edisana ñwed Abasi Ibom

¹ EKE nditɔ Ammon. Ntem ke Jehovah ɔdɔhɔ, ete, Nte israel inyeneke nditɔ-iren? Nte enye inyeneke adia-akpa? Nsinam edidem mmɔ adade Gad adia? Nsinam ikɔt esie enyuŋ eduŋde ke mme obio esie?

JEREMIAH 49:1 ပူးပေါင်းရင်းမြစ်များ

GENESIS 19:38

emi. Ndien uduŋwan onyuŋ aman eyen-eren ŋko, onyuŋ osio enye enyiŋ Ben-ammi enye edi ete nditɔ Ammon tutu osim mfin emi.

2 NDIDEM 10:33

ɔtɔŋɔde ke Jordan ke edem usiaha-utin, kpa ofuri isɔŋ Gilead, nditɔ Gad, ye eke Reuben, ye eke Manasseh, ɔtɔŋɔde ke Aroer, emi odude ke itihere Arnon, kpa Gilead ye Bashan.

2 NDIDEM 24:2

Ndien Jehovah ɔdɔŋ mme udim mme Chaldean, ye mme udim mme Syrian, ye mme udim Moab, ye mme udim nditɔ Ammon utom, ete eŋwana ekɔŋ ye enye, onyuŋ ɔdɔŋ mmɔ, ete enam Judah, enyuŋ esobo enye, ekem ke uyo Jehovah emi enye ɔkɔdɔhɔde ke inua ikɔt esie mme prophet.

2 CHRONICLES 20:1

EDIKEM ke ŋkpɔ emi ema ekebe, nditɔ Moab, ye nditɔ Ammon, ye ubak mme Meunim ŋko edi ndiŋwana ekɔŋ ye Jehoshaphat.

2 CHRONICLES 20:23

Ndien nditɔ Ammon ye Moab edaha ke enyɔŋ eŋwana ekɔŋ ye mme andiduŋ obot Seir, enyuŋ ewot enyuŋ esobo mmɔ: ndien ema ekesuan mme andiduŋ obot Seir ema, kpukpru owo ufan anyaŋa ndisobo ufan.

NEHEMIAH 2:19

Ekem adaŋemi Sanballat Horonite oro, ye Tobiah ofin, eyen Ammon, ye Geshem Arabian, ekopde, mmɔ esak nnyin, enyuŋ esin nnyin ke ndek, ete Nsidi ŋkpɔ emi mbufo enamde? Nte mbufo eyom ndisɔŋ ibuot ye edidem?

NEHEMIAH 4:7

Edikem adaŋemi Sanballat, ye Tobiah, ye mme Arabian, ye mme Ammonite, ye mme Ashdodite, ekopde ete ke ediɔŋ ibibene Jerusalem eka iso, ke etɔŋɔ ndisiri ŋwure, ndien esit ayat mmɔ eti-eti.

ŊWED MME PSALM 83:7

ye Ammon, ye Amalek; Philistia, ye mme andiduŋ Tyre;

ŊWED MME PSALM 9:6

Ama edi mme asua, emema ŋwure (mmɔ) ke nsinsi. Afo omonyuŋ osobo obio (mmɔ); owo itihi aba mmɔ.

JEREMIAH 12:14

Ntem ke Jehovah ɔdɔhɔ abaŋa kpukpru mme idiɔk mbɔhiduŋ mi, emi etukde udeme emi ŋkɔnɔde ikɔt mi Israel enyene; ete, Sese, nyedibere mmɔ ke isɔŋ mmɔ mfep, nnyuŋ ndibere ufɔk Judah ke ufɔt mmɔ.

JEREMIAH 25:21

ye Edom, ye Moab, ye nditɔ Ammon;

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

JEREMIAH 27:3

ndien sin mmɔ ke ubɔk mme isuŋutom emi edide ke Jerusalem ke ɔtɔ Zedekiah edidem Judah, ete esɔk edidem Edom, ye edidem Moab, ye edidem nditɔ Ammon, ye edidem Tyre, ye edidem Zidon; nyuŋ tobo mmɔ,

JEREMIAH 48:1

NTEM ke Jehovah mme udim Abasi Israel ɔdɔhɔ abaŋa Moab, ete, Ɔdɔdiɔk ɔnɔ Nebo! koro ebumede enye: enam Kiriathaim but, enyuŋ eda enye: enam edikoŋ ebiet but ye ndik.

JEREMIAH 49:23

Eke Damascus. But anam Hamath ye Arpad: koro mmɔ ekopde idiɔk etop: mmɔ eyemere: ndutime mmɔdo ke inyaŋ ibom; enye ikemeke ndina suŋ.

JEREMIAH 49:28

Ntem ke Jehovah ɔdɔhɔ abaŋa Kedar, ye mme idut Hazor emi Nebuchadrezzar edidem Babylon akasuande, ete. Mbufo edaha ke enyɔŋ edɔk eka ke Kedar, enyuŋ ebiat nditɔ edem usiaha utin.

JEREMIAH 49:7

Eke Edom. Ntem ke Jehovah mme udim ɔdɔhɔ, ete, Nte eti ibuot iduhe aba ke Teman? Nte item amatak ke otu mbon asian?

EZEKIEL 21:25

Ndien afo idiɔk ɔbɔŋ Israel emi ewotde, emi usen esie edide ke ini akpatre idiɔk ido,

EZEKIEL 25:1

EDIKEM uyo Jehovah osim mi, ete, Eyen owo, wuk iso fo se nditɔ Ammon,

ZEPHANIAH 1:5

ye mmɔ eke etuakde ibuot enɔ mbon ikpa-enyɔŋ ke enyɔŋ ɔkɔm ufɔk; ye mmɔ eke etuakde ibuot enyuŋ eŋwɔŋɔde enɔ Jehovah, enyuŋ eŋwɔŋɔde enɔ Malcam;

NUMBERS 1:24

Eke nditɔ Gad, nte ubon mmɔ, ye oruk mmɔ, ye ufɔk mme ete mmɔ esaŋade, ke ibat enyiŋ, ɔtɔŋɔde ke owo isua edip, ye mmɔ eke ebede oro, kpukpru owo eke esaŋade ke udim ekɔŋ ewɔŋɔ;

DEUTERONOMY 2:19

ndien ke adaŋemi afo edisimde nditɔ Ammon, ekem ye mmɔ, kudutuhɔ mmɔ, kunyuŋ uŋwana ekɔŋ ye mmɔ: koro mmendaha baba ubak isɔŋ nditɔ Ammon nnɔ fi ada: koro mma ŋkada enye nnɔ nditɔ Lot eda.

DEUTERONOMY 23:3

Eyen Ammon ye eyen Moab ekuduk ke esop Jehovah, baba ke idem ɔyɔhɔ emana mmɔ duop, ekuduk ke esop Jehovah ke nsinsi:

DEUTERONOMY 23:4

koro mmɔ mikedaha uyo ye mmɔŋ isobo ye mbufo ke usuŋ, ke ini mbufo etode ke Egypt ewɔŋɔ; koro mmɔ ekenyuŋ edade okuk enɔ Balaam eyen Beor emi otode ke Pethor ke Mesopotamia, ebaŋa fi, ete enye edisuŋi fi.