JEREMIAH 48:8 - Edisana ñwed Abasi Ibom

⁸ Ndien andibume eyesim kpukpru obio, baba obio kiet idinyuŋ ibɔhɔke: ndien itihere eyebiara, una-isɔŋ eyenyuŋ osobo, kpa nte Jehovah ɔkɔdɔhɔde.

JEREMIAH 48:8 ပူးပေါင်းရင်းမြစ်များ

JEREMIAH 15:8

Mme ebe-akpa mmɔ ewak enɔ mi ekan ntan inyaŋ: nda owo eke osobode ntiene mmɔ, ntiene eka ye mkparawa, ke ufɔt uwemeyo: mmanam ubiak ye akwa ndik eduɔ enye ke idem ke isɔrɔ kiet.

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

JEREMIAH 48:18

Wɔrɔ ke ubɔŋ, suhɔre tie ke nsat-itɔŋ, O eyen-aŋwan emi oduŋde ke Dibon; koro andibiat Moab ɔmɔdɔk osim fi, enye eyesobo mkpɔsɔŋ ebiet fo.

JEREMIAH 51:56

koro owo eke abiatde omosim enye, omosim Babylon, ndien emum mbon uko esie; mme utiga mmɔ ebuŋɔ: koro Jehovah edide Abasi usiene, enye iditreke ndinɔ utip.

JEREMIAH 6:26

O adiaha ikɔt mi, bɔbɔ ɔfɔŋ-ikpo ke idem, nyuŋ duɔŋɔ ke ntɔŋ: nam ntua-eyet ikpɔŋ eyen; seme ata ndot-ndot eseme: koro owo eke osobode eyebuat nnyin ke isɔrɔ kiet.

EZEKIEL 25:9

mmɔdo, sese, nyetat ŋkaŋ Moab ɔtɔŋɔde ke mme obio, ke mme obio esie ke mme adaŋa esie, ata ediye idut, Beth-jeshi-moth, Baal-meon, ye Kiriathaim,

JOSHUA 13:17

Hehsbon, ye kpukpru obio esie emi edude ke una-isɔŋ oro; Dibon, ye Bamoth-baal, ye Beth-baal-meon,

JOSHUA 13:21

ye Beth-jeshimoth; ye kpukpru obio una-isɔŋ, ye ofuri isɔŋ Sihon ɔbɔŋ mme-Amorite, emi akadade ubɔŋ ke Heshbon, emi Moses akasuande ye mbɔŋ Midian, kpa Evi, ye Rekem, ye Zur, ye Hur, ye Reba, ikpɔ owo Sihon, emi ekeduŋde isɔŋ oro.

JOSHUA 13:9

Ɔtɔŋɔde ke Aroer emi odude ke mben itihere Arnon, ye obio emi anade ke ufɔt itihere, ye ofuri una-isɔŋ Medeba, tutu osim ke Dibon;