JEREMIAH 48:47 - Edisana ñwed Abasi Ibom

⁴⁷ Jehovah onyuŋ ɔdɔhɔ, ete, Nyeda nditɔ Moab emi etaŋde mmɔ efep, nnyɔŋ ndi ke utit eyo. Ikpe Moab etie ntem.

JEREMIAH 48:47 ပူးပေါင်းရင်းမြစ်များ

ŊWED JOB 19:25

Ndien ami mmɔfiɔk nte ke Andifak mi odu uwem; ndien ke akpatre enye eyedaha ada ke ntan isɔŋ:

ISAIAH 18:7

Ke ini oro mmɔ eyeda mbio emi ekoŋde idaha enyuŋ edɔnɔde idem, kpa obio emi enyenede ndik toto nte ɔkɔtɔtɔŋɔ, tutu osim mfin emi, ata ɔkpɔsɔŋ idut emi edigide (mme idut efen), emi mme akpa mmɔŋ ebaharede isɔŋ mmɔ, edi edisɔk Jehovah mme udim ke enɔ, ke ebiet enyiŋ Jehovah mme udim ke obot Zion.

ISAIAH 23:18

Ndien utip esie ye udori esie eyekabare edi edisana ŋkpɔ Jehovah: mmɔ idinimke enye, idinyuŋ ibonke enye: koro udori esie eyekabare edi se mmɔ eke eduŋde ke iso Jehovah edade edia eyuhɔ, enyuŋ esine ata eti edisine-ŋkpɔ.

ISAIAH 25:11

Ndien enye (Moab) eyetop ubɔk esie ke esit, kpa nte ɔwɔk otopde ke eriwɔk: ndien Enye eyesuhɔre iseri esie ye ŋkari ubɔk esie.

ISAIAH 45:20

Mbufo mbio mme idut eke ebɔhɔde, esop idem edi; esaŋa ɔtɔ kiet ekpere; mmɔ eke ebiomde eto edisɔi mbiet mmɔ, enyuŋ enamde mkpe ubɔk enɔ Abasi eke mikemeke ndinyaŋa, ifiɔkke ŋkpɔ.

JEREMIAH 12:14

Ntem ke Jehovah ɔdɔhɔ abaŋa kpukpru mme idiɔk mbɔhiduŋ mi, emi etukde udeme emi ŋkɔnɔde ikɔt mi Israel enyene; ete, Sese, nyedibere mmɔ ke isɔŋ mmɔ mfep, nnyuŋ ndibere ufɔk Judah ke ufɔt mmɔ.

JEREMIAH 12:15

Ndien ama ekem ke adaŋemi ndiberede mmɔ mma, nyetɔŋɔ ntak ntua mmɔ mbɔm, nnyuŋ nda mmɔ mfiak kiet kiet ke udeme mmɔ, ye kiet kiet ke obio mmɔ.

JEREMIAH 23:20

Iyaresit Jehovah idikabakede, tutu enye anam, onyuŋ ama uduak esit esie: mbufo eyetim efiɔk enye ke utit mme usen oro.

JEREMIAH 30:24

Ikaŋ iyaresit Jehovah idikabakede, tutu enye anam, tutu enye onyuŋ ama uduak esit esie; mbufo eyekere enye ke utit usen.

JEREMIAH 46:26

Nyenyuŋ nda mmɔ nsin ke ubɔk mmɔ eke eyomde uwem mmɔ, ye ke ubɔk Nebuchadrezzar edidem Babylon, ye ke ubɔk ikɔt esie; ndien ke ini oro ebede owo eyeduŋ ke esit kpa nte ke eset: emi edi uyo Jehovah.

JEREMIAH 49:39

Ndien ama ekem ke utit mme usen, nyeda nditɔ Elam emi eketaŋde efep mfiak ndi. Uyo Jehovah edi emi.

JEREMIAH 49:6

Ndien ke ini oro ebede, nyeda nditɔ Ammon emi mmɔ eketaŋde efep mfiak ndi. Edi Jehovah ɔdɔhɔ.

EZEKIEL 38:8

Ke ediwak usen ema ebe eyenim fi ke etubom: ke utit mme isua oro afo eyesim idut emi ekesiode enye efep ke ubɔk ofut efiak edi, emi eketaŋde ke ediwak mme idut ebon, ke enyɔŋ obot Israel, emi ekedide nditaha kpukpru ini: edi esioŋo mmɔ ke mme idut efep, kpukpru mmɔ enyuŋ eduŋ ke ifure.

DANIEL 10:14

Mmedi ndien ndisian fi se iditibede inɔ oruk fo ke ukperedem usen: koro ŋkukut emi eyena kaŋa ɔnɔ ini iso.

DANIEL 11:41

Enye eyenyuŋ oduk ke edinem isɔŋ, ediwak owo eyeduɔŋɔ: edi mme mmɔ emi eyebɔhɔ enye ke ubɔk, kpa Edom, ye Moab, ye akpan owo nditɔ Ammon.

DANIEL 2:28

edi Abasi emi ayararede ndibe ŋkpɔ odu ke enyɔŋ, ndien edi enye asian edidem Nebuchadnezzar se ididide ke ukperedem usen. Ndap fo ye ŋkukut ibuot fo ke bed fo ekedi mme mmɔ emi;

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

NUMBERS 24:14

Ndien, sese, ami mmɔŋ nnyɔŋ ntiene oruk mi: yak nsian fi ndien se mbon emi edinamde mbon fo ke ini iso.

DEUTERONOMY 31:29

Koro mmɔfiɔk, adaŋemi ndikpade mbufo eyekabare edi ata idiɔk, enyuŋ ewɔŋɔre ekpɔŋ usuŋ emi ŋtemede mbufo; ndien idiɔk ŋkpɔ eyesim mbufo ke ini iso: koro mbufo edinamde idiɔk ido ke iso Jehovah, ke eyat enye esit ke utom ubɔk fo.

DEUTERONOMY 4:30

Ke adaŋemi afo etiede ke itie ukut, kpukpru ŋkpɔ emi enyuŋ etienede fi, ke ini iso, ndien afo ama afiak etiene Jehovah Abasi fo, onyuŋ okop uyo;