JEREMIAH 48:36 - Edisana ñwed Abasi Ibom

³⁶ Oro eyesin esit mi oyomo nti ifiom abaŋa Moab, esit mi onyuŋ oyomo nte ifiom abaŋa mbio-obio Kir-heres: koro inyene oro enye ɔkɔkɔde omosop.

JEREMIAH 48:36 ပူးပေါင်းရင်းမြစ်များ

2 NDIDEM 3:25

Mmɔ enyuŋ ewuri mme obio, kpukpru owo kiet kiet enyuŋ emen itiat mmɔ etop esin ke kpukpru nti iŋwaŋ eyɔhɔ; enyuŋ esiri kpukpru obube mmɔŋ, enyuŋ eduɔk kpukpru nti eto: edi ke Kir-hareseth ikpɔŋ-ikpɔŋ ke mme itiat esie esuk ke esit; edi mbon-utop-itiat ekan enye ekuk, enyuŋ etɔŋɔ enye.

MME ŊKE 11:4

Inyene ididoroke ke usen iyaresit: edi eti ido osio owo ke mkpa.

MME ŊKE 13:22

Eti owo ada akpa ɔnɔ nditɔ-nditɔ: inyene idiɔk owo onyuŋ ana ɔnɔ eti owo.

MME ŊKE 18:11

Inyene ɔbɔŋ edi ɔkpɔsɔŋ obio esie, enye onyuŋ ese ete ke etie nte edikoŋ ibibene.

ISAIAH 15:5

Esit mi ke eseme abaŋa Moab; nditɔ esie emi ebɔhɔde emesim ke Zoar, ke Eglath-shelishiyah: koro edɔkde obot Luhith etua eyet; koro ke usuŋ Horonaim ke mmɔ emenere eseme nditaha.

ISAIAH 15:7

Oro esin emen nsuhɔ ŋkpɔ eke owo ɔkɔde, ye inyene mmɔ, ebiom ekebe ebedeŋ mme willow.

ISAIAH 16:11

Mmɔdo nsia mi oyomode nte harp abaŋa Moab, ŋkpɔ esit idibi mi oyomo abaŋa Kir-heres.

ISAIAH 63:15

Tie ke heaven tiŋ enyin, nyuŋ tie ke edisana ebiet iduŋ fo, ye iduŋ ubɔŋ fo, se: ufup fo ye nsɔŋidem fo edu mmɔŋ? Nte emum uyom nsia fo ye mbɔm fo oro afo ekenyenede ye ami.

JEREMIAH 17:11

Kpa nte nduduɔk ɔkubɔde nsen, ndien mibotke; kpa ntre ke owo eke ɔkɔde inyene ke usuŋ eke minenke, edikpɔŋ mmɔ ke ufɔt mme usen esie, ndien ke utit esie enye eyekabare edi ndisime.

JEREMIAH 4:19

Nsia mi! nsia mi! ɔwɔŋ esit mi abiak mi; esit mi eseme ɔnɔ mi; ndidopke uyo, koro, O ukpɔŋ mi, ŋkopke uyo ukorowo ye mkpo ekɔŋ.

JEREMIAH 48:31

Mmɔdo nyefiori mbaŋa Moab, nyeseme mbaŋa ofuri Moab: owo eyemum mbio-obio Heres.