JEREMIAH 48:26 - Edisana ñwed Abasi Ibom

²⁶ Mbufo enɔ enye mmin ɔŋwɔŋ akpa: koro enye okokde idem esie ye Jehovah: ndien Moab eyemiaŋa ke ikpɔhi esie, enye ŋko eyenyuŋ edi se esakde.

JEREMIAH 48:26 ပူးပေါင်းရင်းမြစ်များ

ŊWED JOB 15:25

Koro enye emenerede ubɔk esie aŋwana ye Abasi, onyuŋ anam uko ye Ata Ɔkpɔsɔŋ;

ŊWED JOB 9:4

Anie ɔsɔŋ ibuot ye enye, ndien okut ifure?

ŊWED MME PSALM 2:4

Enye etie ke enyɔŋ asak: Ɔbɔŋ ababiaŋa mmɔ.

ŊWED MME PSALM 59:8

Ndien afo, O Jehovah, eyekpa imam; afo eyesak kpukpru mme idut nsahi.

ŊWED MME PSALM 60:3

Afo okowut ikɔt fo nsɔŋido: akanam nnyin iŋwɔŋ wine eke esinde owo eteŋ.

ŊWED MME PSALM 75:8

Koro cup odude Jehovah ke ubɔk; wine onyuŋ ofut mbuaha ɔyɔhɔ ke esit; enye onyuŋ ada enye ɔtɔhɔ: kpu-kpru mme idiɔk owo ke ererimbot enyene ndikɔrɔde nnyuŋ ŋŋwɔŋ ntak esie.

EXODUS 5:2

Ndien Pharaoh ɔdɔhɔ ete, Jehovah edi anie, eke ŋkopde uyo esie, nnyuŋ nyak Israel eka?

EXODUS 9:17

Afo ke osuk emen idem fo ɔbiɔŋɔ ikɔt mi, unyuŋ usanake mmɔ uyak.

ISAIAH 10:15

Nte ekuri ekeme ndibure mbure ŋkan andida enye ŋkpi? Nte uyɔk-ŋkpɔ ekeme ndimenere idem ŋkan andida enye nyɔk? Eto ikemeke ndimen andikama enye, esaŋ ikemeke ndimen se midige eto.

ISAIAH 19:14

Jehovah amada spirit ndutime abuak enye ke esit: ndien mmɔ enam Egypt oyo ke kpukpru se enye anamde, kpa nte owo mmin asaŋade oyo ke ikpɔhi esie.

ISAIAH 28:8

Koro ikpɔhi ye ndek eyɔhɔde kpukpru mme okpokoro, baba ebiet iduhe.

ISAIAH 29:9

Mbufo enam ubigi, enyuŋ eyik, ebre mbre, enyuŋ etie nnan; mmɔ eyuhɔ, edi idige wine anam; mmɔ eteŋ, edi idige mmin anam.

ISAIAH 51:17

Demere, demere, daha ke enyɔŋ, Jerusalem, emi ɔkɔbɔde Jehovah cup iyaresit esie ke ubɔk ɔŋwɔŋ; afo ɔkɔŋwɔŋ bowl, kpa cup ufum, ɔkɔrɔde.

ISAIAH 63:6

Ndien nyedigi mme idut ke iyaresit mi, nnyuŋ nnam mmɔ eŋwɔŋ eyuhɔ ke ifuresit mi, nnyuŋ nnam enyam mmɔ ɔsuhɔre ke isɔŋ.

JEREMIAH 48:39

Mmɔ efiori ete, Enye asuana didie! didie ke but esin Moab akpa edem! Moab onyuŋ akabare edi ŋkpɔ nsahi ye mkpa-idem ɔnɔ kpukpru mmɔ eke ekande enye ekuk.

JEREMIAH 48:42

Eyenyuŋ esobo Moab, ndien enye ididige aba obio, koro enye okokokde idemesie ye Jehovah.

JEREMIAH 50:29

Mbufo ekot mbon utiga edi ekɔŋ ye Babylon: kpukpru mbufo emi enukde utiga enam nna ekɔŋ ekan enye ekuk; ekuyak baba owo kiet ɔbɔhɔ ke esit, enɔ enye utip nte ekemde ye utom esie; mbufo enam enye kpukpru nte enye akanamde, koro enye ataŋde idem ye Jehovah, ye Edisana Abasi Israel.

JEREMIAH 51:39

Ke ini mmɔ efiopde nyenim udia mmɔ, nnyuŋ nnam mmɔ eŋwɔŋ mmin ekpa, man mmɔ ebre mbre, ndien ede nsinsi idap, ekunyuŋ edemere: ke edi Jehovah ɔdɔhɔ.

JEREMIAH 51:57

Ndien nyenam mbɔŋ mmɔ, ye mme ɔfiɔkŋkpɔ owo mmɔ, ye mme etubom mmɔ, ye ikpɔ owo mmɔ, ye mbon uko mmɔ eŋwɔŋ ekpa: ndien mmɔ eyede nsinsi idap, idinyuŋ idemekede; emi edi uyo edidem, Jehovah mme udim edi enyiŋ esie.

JEREMIAH 51:7

Babylon ekedi cup o-gold ke ubɔk Jehovah, eke esinde ofuri ererimbot eŋwɔŋ ekpa: mme idut ekeŋwɔŋ wine esie; mmɔdo mme idut edamade idat.

ŊWED ESEME 1:21

Mmɔ ekop ete ke ami nseme; nnyuŋ nnyeneke owo eke ɔdɔŋde mi esit: kpukpru mme asua mi ekop ebaŋa idiɔk itie mi; esit adat mmɔ, koro afo anamde mi: afo eyeda usen eke afo okokotde edi, man mmɔ ebiet mi.

ŊWED ESEME 3:15

Enye ɔnɔ mi ndot-ndot ŋkpɔ nyuhɔ, onyuŋ anam mi ŋŋwɔŋ etidot ŋkpa.

ŊWED ESEME 4:21

O adiaha Edom, emi oduŋde ke isɔŋ Uz, dara nyuŋ bre; cup eyenyuŋ ebe fi ŋko: afo eyeŋwɔŋ akpa, onyuŋ ɔfuhɔre idem fo.

DANIEL 11:36

Ndien edidem eyenam kpa nte enye amade, onyuŋ emenere idem esie ke enyɔŋ, onyuŋ onim idem esie ke akamba akan kpukpru abasi, onyuŋ etiŋ mme utibe ŋkpɔ abaŋa Abasi mme abasi, eyenyuŋ oforo tutu ikpahesit okure ama: koro enye eyenam se ekewukde.

DANIEL 5:23

Edi afo ememenere idem fo ke enyɔŋ aŋwana ye Ɔbɔŋ heaven: mmɔ emenyuŋ eda mkpoduoho ufɔk esie edi ke iso fo, ndien afo ye ikpɔ owo fo ye iban fo ye iban-esa fo emeŋwɔŋ wine ke esit, afo omonyuŋ ɔkɔm mme abasi silver, ye eke gold, ye eke okpoho, ye eke ukwak, ye eke eto, ye eke itiat, emi mikwe ŋkpɔ, minyuŋ ikopke, minyuŋ ifiɔkke: ndien ama edi Abasi emi ibifik fo odude enye ke ubɔk, emi kpukpru usuŋ fo enyuŋ enyenede enye, afo ukponoke enye.

DANIEL 8:10

Ndien enye akabare okpon tutu osim mme udim enyɔŋ; ndien emen usuk udim enyɔŋ ye usuk ntanta ɔfiɔŋ ɔduɔk ke isɔŋ, enyuŋ edigi mmɔ.

NAHUM 3:11

Afo ŋko eyeŋwɔŋ mmin akpa, onyuŋ onimi: afo ŋko eyenyuŋ oyom ebiet ifure abak usua.

HABAKKUK 2:16

But ɔyɔhɔ fi ke idem, idige ubɔŋ: afo ŋwɔŋ ŋko; ndien eyekut ete ke unaŋa mbobi: cup ubɔk nnasia Jehovah eyekanade osim fi:

2 ŊWED THESSALONICA 2:4

eyen nsobo, kpa enye emi ɔbiɔŋɔde Abasi, onyuŋ emenerede idem onim kenyɔŋ ɔbiɔŋɔ kpukpru se ekotde Abasi enyuŋ etuakde ibuot enɔ; tutu enye etie ke temple Abasi osio idem owut, ete idi Abasi.

ERIYARARE 16:19

Unyek-isɔŋ oro okpon, onyuŋ ɔsɔŋ eti-eti. Akwa obio onyuŋ abahare ke mbak ita, mme obio eke mme idut enyuŋ ewure. Ndien Abasi eti akwa obio Babylon, ete inɔ enye cup wine ikaŋ-ikaŋ iyaresit Imɔ.