JEREMIAH 45:5 - Edisana ñwed Abasi Ibom

⁵ Ndien afo osuk oyom ikpɔ ŋkpɔ ke idem fo. Kuyom: koro, sese, ami nyeda idiɔk ntiene kpukpru owo, Jehovah ɔdɔhɔ: edi nyenɔ fi uwem fo ke ŋkpɔ mbume, ke kpukpru ebiet eke afo akade do.

JEREMIAH 45:5 ပူးပေါင်းရင်းမြစ်များ

GENESIS 6:12

Ndien Abasi ese ererimbot, ndien, sese, ababiara: koro kpukpru owo ekebiatde usuŋ mmɔ ke isɔŋ.

1 NDIDEM 3:11

Ndien Abasi ɔdɔhɔ enye, ete, Koro afo ekebeŋede ŋkpɔ emi, mukonyuŋ ubeŋeke ediwak usen ke idemfo: mukonyuŋ ubeŋeke inyene ke idemfo; mukonyuŋ ubeŋeke uwem mme asua fo; edi ama ebeŋe ke idemfo, ete afo ɔfiɔk nditim ŋkpe ikpe;

1 NDIDEM 3:9

onyuŋ abat. Nɔ owo fo ndien esit ɔniɔŋ, man ŋkpe ikpe ikɔt fo, man ntim mfiɔk eti ye idiɔk: koro anie ekeme ndikpe akwa ikɔt fo emi?

2 NDIDEM 5:26

Ndien enye ɔdɔhɔ enye, ete, Nte esit mi ikakaha, ke ini owo oro otode ke chariot esie afiak edisobo ye afo? Nte emi edi ini nte owo ɔkpɔbɔde okuk, okponyuŋ ɔbɔde ɔfɔŋ-idem, ye iŋwaŋ olive, ye iŋwaŋ vine, ye erɔŋ, ye enaŋ, ye ifin iren, ye ifin iban?

ŊWED MME PSALM 131:1

O JEHOVAH, esit mi ikoŋke, mmenekede enyin mi ke enyɔŋ: nnyuŋ nsaŋake ke ikpɔ ŋkpɔ, emi edide utibe ekan mi.

ISAIAH 66:16

Koro Jehovah adade ikaŋ ye ofut esie ɔtɔhɔ ye ofuri obukidem: ndien mmɔ eke Jehovah owotde ewak.

JEREMIAH 21:9

Owo eke editiede ke obio emi eyekpa ke ofut, ye ke biɔŋ, ye ke udɔŋɔ: edi owo eke ɔwɔrɔde akadian idem ye mme Chaldean emi ekande mbufo ekuk, eyedu uwem, onyuŋ ada uwem esiemɔ ke mbume.

JEREMIAH 25:15

Koro ntem ke Jehovah Abasi Israel ɔdɔhɔ mi, ete, Bɔ mi cup wine ifuresit emi ke ubɔk, nyuŋ da enye nɔ kpukpru mme idut oro ami ŋkɔdɔŋde fi utom ke otu mmɔ, ete eŋwɔŋ.

JEREMIAH 25:16

Ndien mmɔ eyeŋwɔŋ, enyuŋ efum, enyuŋ edama idat, ebaŋa ofut eke ami ndidɔŋde utom ke otu mmɔ.

JEREMIAH 25:26

ye kpukpru ndidem edem edere mkpet-mkpet ye nsan-nsan, kiet ɔkɔrɔ ye eken, ye kpukpru mme idut ererimbot eke edude ke iso isɔŋ: ndien edidem Sheshach eyetiene mmɔ ɔŋwɔŋ.

JEREMIAH 25:31

Uyom eyewɔrɔ okosim ke utit ererimbot: koro Jehovah enyenede utɔk ye mme idut, eyekpe ikpe ye ofuri obukidem; eyeda mme idiɔk owo ɔnɔ ofut. Jehovah ɔdɔhɔ.

JEREMIAH 38:2

Ntem ke Jehovah ɔdɔhɔ, ete, Owo eke etiede ke obio emi eyekpa ke ofut, ye ke biɔŋ, ye ke udɔŋɔ: ndien owo eke ɔwɔrɔde etiene mme Chaldean eyedu uwem: enye eyenyuŋ enyene uwem esie ke ŋkpɔ mbume, onyuŋ odu uwem.

JEREMIAH 39:18

Koro menditreke ndiyak fi ɔbɔhɔ, afo udunyuŋ uduɔhɔ ke ofut: edi ukpɔŋ fo eyedi okuo ke ŋkpɔ mbume: koro afo ɔkɔbuɔtde idem fo ye ami. Uyo Jehovah edi emi.

ZEPHANIAH 3:8

Jehovah ɔdɔhɔ, ete, Mbufo ebet mi ndien, tutu osim ke usen eke ndidahade ke enyɔŋ nda mbume. Koro mmaduak ndisop mme idut, nnyuŋ mbon mme obio ndidem, man ŋŋwaŋa mmɔ ifuresit mi ke idem, ofuri ikaŋ iyaresit mi: koro ofuri ererimbot eyeta ikaŋ ufup mi.

ŊWED MBON ROME 12:16

Enyene esit kiet ye kiet eken. Ekusin esit ke ikpɔ ŋkpɔ, edi esuhɔre idem eduk nsaŋa ye mbon nsuk-idem. Ekunim idem ke mfiɔk-ŋkaha.

MME HEBREW 13:5

Ekukɔmɔ ke ima inyene; enemesit ye se mbufo enyenede; koro Abasi ɔdɔhɔde ete, Ndikpuhu fi, ndinyuŋ ŋkpɔŋke fi.