JEREMIAH 44:5 - Edisana ñwed Abasi Ibom

⁵ Edi mmɔ ikopke, inyuŋ ikpaŋke utɔŋ mmɔ, inyuŋ ikabakede ikpɔŋ mme idiɔk ido mmɔ, inyuŋ itreke ndifɔp ŋkpɔ nnɔ abasi efen.

JEREMIAH 44:5 ပူးပေါင်းရင်းမြစ်များ

2 CHRONICLES 36:16

edi mmɔ esak mme isuŋ-utom Abasi, enyuŋ esin ikɔ esie ke ndek, enyuŋ esuŋi mme prophet esie, tutu Jehovah obumere iyaresit ye ikɔt esie, tutu inyeneke erikure.

NEHEMIAH 9:30

Edi afo eme ime ye mmɔ ediwak isua, onyuŋ ada spirit fo asua ɔnɔ mmɔ ke ubɔk mme prophet fo: edi mmɔ ikpaŋke utɔŋ. Ndien afo emen mmɔ esin mbio mme idut ke ubɔk.

ISAIAH 48:18

Afo akpakam akpaŋ utɔŋ ke mbet mi! ndien emem fo ekpebiet akpa mmɔŋ, edinen ido fo ekpebiet mbufut inyaŋ.

ISAIAH 48:4

Oto koro ŋkɔfiɔkde nte ke afo ɔsɔsɔŋ ibuot, itɔŋ fo onyuŋ edi idut ukwak, ɔkpɔ-iso fo onyuŋ edi okpoho;

JEREMIAH 11:10

Mmɔ efiak edem ke mme idiɔk ido akpa mme ete mmɔ oro mikenyimeke ndikop ikɔ mi; ndien mmɔ ebine abasi efen enyuŋ enam ŋkpɔ mmɔ: ufɔk Israel ye ufɔk Judah emebiat ediomi mi oro ŋkanamde ye mme ete mmɔ.

JEREMIAH 11:13

Koro mme abasi fo ekemde ke ibat mme obio fo, O Judah; mbufo emenyuŋ enim itie-uwa ekem ke ibat mme efak Jerusalem, enɔ oburobut ŋkpɔ oro, kpa itie-uwa eke efɔpde ŋkpɔ enɔ Baal.

JEREMIAH 11:17

Ndien Je-hovah mme udim emi ɔkɔtɔde fi ke isɔŋ, ɔdɔhɔ idiɔk abaŋa fi, abaŋa idiɔk ido ufɔk Israel, ye eke ufɔk Judah oro mmɔ ekenamde ke idem mmɔ, enyuŋ eyatde mi esit ke erifɔp ŋkpɔ nnɔ Baal.

JEREMIAH 11:8

Mbufo ekop uyo mi. Edi mmɔ ikopke, inyuŋ ikpaŋke utɔŋ mmɔ, edi kpukpru owo kiet kiet esaŋa ke itun idiɔk esit mmɔ. Ndien nyeda kpukpru ikɔ ediomi oro ŋkowukde nte enam, ndien mmɔ minamke, nda ntiene mmɔ.

JEREMIAH 13:10

Mme idiɔk mbio-obio emi minyimeke ndikop ikɔ mi, emi esaŋade ke itun esit mmɔ, enyuŋ ebinede abasi efen, enyuŋ enam ŋkpɔ mmɔ, enyuŋ etuak ibuot enɔ mmɔ, kpa mmɔ eyebiet ubɔp-isin emi mifɔnke ke baba nkpɔ kiet.

JEREMIAH 19:13

ndien ufɔk Jerusalem, ye ufɔk ndidem Judah eyebiet ebiet Topheth, edi edidehe, kpa kpukpru ufɔk eke efɔpde ŋkpɔ ke enyɔŋ ɔkɔm mmɔ enɔ ofuri udim enyɔŋ, enyuŋ eŋwaŋade ediŋwɔŋ uwa enɔ abasi efen.

JEREMIAH 43:4

Ndien Johanan, eyen Kareah ye kpukpru mme etubom mbon-ekɔŋ, ye kpukpru owo eŋwen ikopke uyo Jehovah, ete etie ke isɔŋ Judah.

JEREMIAH 7:24

Ndien mmɔ ikopke, inyuŋ ikpaŋke utɔŋ mmɔ, edi esaŋa ke uduak ye ke itun idiɔk esit mmɔ, enyuŋ efiak edem, ikaha iso.

DANIEL 9:6

nnyin ikonyuŋ ikopke uyo ikɔt fo mme prophet, emi eketiŋde ikɔ ke enyiŋ fo, edɔhɔ edidem nnyin, ye mbɔŋ nnyin, ye mme ete nnyin, ye kpukpru mbio-obio.

HOSEA 11:2

Mmɔ ekot mmɔ, ntem ke mmɔ edaha ekpɔŋ mmɔ: mmɔ ewa uwa enɔ Baal, enyuŋ efɔp ŋkpɔ enɔ ndisɔi mbiet.