JEREMIAH 44:3 - Edisana ñwed Abasi Ibom

³ ebaŋa idiɔk ido oro mmɔ ekenamde, ke eriyat mi esit, nnyuŋ ŋka ŋkɔfɔp ŋkpɔ, nnyuŋ nnam ŋkpɔ nnɔ abasi efen, eke mmɔ ye mbufo ye mme ete mbufo mikɔfiɔkke.

JEREMIAH 44:3 ပူးပေါင်းရင်းမြစ်များ

NEHEMIAH 9:33

Edi afo emenen ke kpukpru se ama okosim nnyin; koro afo akanamde akpanikɔ; edi nnyin imɔdiɔk:

ISAIAH 3:8

Koro Jerusalem ke ofofum, Judah onyuŋ ɔduɔ: koro edeme mmɔ ye ido mmɔ eduede Jehovah, enyuŋ eyatde enyin ubɔŋ esie.

JEREMIAH 11:17

Ndien Je-hovah mme udim emi ɔkɔtɔde fi ke isɔŋ, ɔdɔhɔ idiɔk abaŋa fi, abaŋa idiɔk ido ufɔk Israel, ye eke ufɔk Judah oro mmɔ ekenamde ke idem mmɔ, enyuŋ eyatde mi esit ke erifɔp ŋkpɔ nnɔ Baal.

JEREMIAH 16:10

Ndien ama ekem ke ini afo editiŋde kpukpru ikɔ emi ɔnɔ mbio-obio emi, ndien mmɔ eyedɔhɔ fi, ete, Ke didie ke Jehovah ɔdɔhɔ ofuri akwa idiɔk-ŋkpɔ emi abaŋa nnyin? Nsinyuŋ idi idiɔk ido nnyin, ye oburobut ido nnyin, eke nnyin iduede ye Jehovah Abasi nnyin?

JEREMIAH 22:9

Ndien mmɔ eyebɔrɔ, ete, Koro mmɔ ekekpɔŋde ediomi jehovah Abasi mmɔ, ekenyuŋ etuakde ibuot enɔ abasi efen, enyuŋ enam ŋkpɔ enɔ mmɔ.

JEREMIAH 29:19

koro mmɔ mikekopke uyo mi (Jehovah ɔdɔhɔ), ke ini oro ŋkɔdɔŋde ikɔt mi mme prophet utom ke ɔtɔ mmɔ, mbabak ndɔŋ: ndien mbufo ikopke, Jehovah ɔdɔhɔ.

JEREMIAH 32:30

Koro nditɔ Israel ye nditɔ Judah esuk enam idiɔk-idiɔk ke iso mi, toto ke ini uyen mmɔ: koro nditɔ Israel esuk eyeyat mi esit ke se ubɔk mmɔ enamde; Jehovah ɔdɔhɔ.

JEREMIAH 44:23

Koro mbufo ekefɔpde ŋkpɔ, koro enyuŋ enamde idiɔk ye Jehovah, minyuŋ ikopke uyo Jehovah, minyuŋ isaŋake ke mbet esie, ye ke mme ewuhɔ esie, ye ke mme item esie; mmɔdo idiɔk-ŋkpɔ emi osimde mbufo, kpa nte edide mfin emi.

JEREMIAH 44:8

Enyuŋ eyat mi esit ke se ubɔk mbufo enamde, enyuŋ efɔp ŋkpɔ enɔ abasi efen ke isɔŋ Egypt emi mbufo edide ndiduŋ do, man esibe idem mbufo efep, man mbufo enyuŋ edi ŋkpɔ isuŋi ye esuene ke otu kpukpru mme idut ke ererimbot?

JEREMIAH 5:19

Ndien ama ekem ke mbufo edidɔhɔde ete, Jehovah Abasi nnyin edinam nnyin kpukpru ŋkpɔ emi abaŋa nso? Dɔhɔ mmɔ ndien, ete, Kpa nte mbufo ekpɔŋde mi, enyuŋ enamde ŋkpɔ isen abasi ke isɔŋ mbufo, kpasuk ntre ke mbufo edinam ŋkpɔ isen owo ke isɔŋ eke midige eke mbufo.

JEREMIAH 5:29

Jehovah ɔdɔhɔ ete, Nte ndinɔŋɔ ufen mbaŋa ŋkpɔ emi? Nte ukpɔŋ mi idisioho usiene ye oruk idut emi?

JEREMIAH 7:19

Nte idige idem-mmɔ? ndien oto do mmɔ eda but ke iso.

ŊWED ESEME 1:8

Jerusalem amanam idiɔk eti-eti; mmɔdo enye akabarede edi edidehe: kpukpru mmɔ eke ekekponode enye ese enye ke ndek, koro mmɔ ekutde enye iferi: enye onyuŋ eseme, onyuŋ akabare afiak edem.

ŊWED ESEME 4:13

Mme idiɔk ido mme prophet esie, mme ukwaŋ-ŋkpɔ mme oku esie, eke ekeduɔkde iyip mme andinen owo ke ufɔt esie,

EZEKIEL 9:9

Ndien enye ɔdɔhɔ mi, ete, Idiɔk ido ufɔk Israel ye Judah omokpon eti-eti; iyip onyuŋ ɔyɔhɔ ke isɔŋ emi; ndek onyuŋ ɔyɔhɔ ke obio: koro mmɔ edɔhɔde ete, Jehovah ɔmɔkpɔŋ isɔŋ emi, Jehovah inyuŋ ikwe.

DANIEL 9:5

Nnyin imedue, imonyuŋ inam ukwaŋ-ŋkpɔ, imonyuŋ idiɔk, inyuŋ isɔŋ ibuot, inyuŋ ikabare ikpɔŋ ido fo ye mme item fo:

DEUTERONOMY 13:6

Ke adaŋemi eyen-uka, mme eyen-eren fo, mme eyen fo aŋwan, mme ŋwan ikpanesit fo, mme ufan fo emi etiede nte ukpɔŋ fo, edinukde fi ke ndibe-ndibe, ete, Yak nnyin ika ikanam ido mme abasi efen, eke afo, ye mme usɔ mikɔfiɔkke;

DEUTERONOMY 29:25

Ndien mmɔ eyedɔhɔ ete, Koro mmɔ ekekpɔŋde ediomi Jehovah Abasi mme ete mmɔ, emi enye akanamde ye mmɔ ke ini enye okosiode mmɔ ke isɔŋ Egypt efep:

DEUTERONOMY 29:26

ndien eka ekenam ŋkpɔ mme abasi efen, enyuŋ etuak ibuot enɔ mmɔ, kpa abasi eke mmɔ mikɔfiɔkke, enye mikonyuŋ inɔŋɔ mmɔ:

DEUTERONOMY 32:17

Mmɔ ewa uwa enɔ ekpo, eke midige Abasi: abasi eke mmɔ mikefiɔkke, mbufa abasi eke etode edi ke idahemi eke mme ete mbufo mikebakke.

MME HEBREW 3:16

Koro manie ekokop enyuŋ eyat Enye esit? nte idige kpukpru mmɔ eke esaŋade ye Moses ewɔŋɔ ke Egypt?