JEREMIAH 43:12 - Edisana ñwed Abasi Ibom

¹² Ndien nyebara ikaŋ ke ufɔk mme abasi Egypt, ndien enye eyefɔp mmɔ, onyuŋ ataŋ mmɔ efep; ndien enye eyeda isɔŋ Egypt esine ke idem, kpa nte ekpemerɔŋ esinede ɔfɔŋ-idem esie; ndien eyewɔrɔ ke esit ke ifure.

JEREMIAH 43:12 ပူးပေါင်းရင်းမြစ်များ

2 SAMUEL 5:21

Mmɔ enyuŋ ekpɔŋ mbiet abasi mmɔ do, ndien David ye ikɔt esie etaŋ mmɔ efep.

ESTHER 6:9

yak enyuŋ eda edisine-ŋkpɔ emi, ye horse, esin ke ubɔk ata akamba ɔbɔŋ edidem kiet, man esine owo emi edidem amade ndikpono, enyuŋ edori enye ke edem horse oro, esaŋa ke aŋwa obio, enyuŋ ekwɔrɔ enye ke iso, ete, Ke ntem ke edinam ye owo emi edidem amade ndikpono.

ŊWED JOB 40:10

Bana idem fo ndien ke ubɔŋ ye ubom; nyuŋ sine mbana ye uyai ke idem.

ŊWED MME PSALM 104:2

Ada uŋwana nte ɔfɔŋidem ofuk idem: onyuŋ anyanare ikpa-enyɔŋ nte ukara:

ŊWED MME PSALM 132:16

Ndien nyeda erinyaŋa nsine mme oku esie ke idem: ndien mbon ima esie eyesio mkpo idara.

ŊWED MME PSALM 132:18

Nyeda but nsine mme asua esie ke idem: edi anyanya emi enye ayarade eyesiaha.”

EXODUS 12:12

Koro nyesaŋa ke ufɔt isɔŋ Egypt ke okoneyo emi mbe, nyenyuŋ ŋwot kpukpru akpan ke isɔŋ Egypt, ntɔŋɔ ye owo nsim ufene; nnyuŋ mmia kpukpru mme abasi Egypt ufen; ami ndi Jehovah.

ISAIAH 19:1

UYO Abasi emi abaŋa Egypt. Sese, Jehovah ke odoro ke obubit enyɔŋ, awara oduk ke Egypt: ndien mme ibɔk Egypt enyek idem ke iso esie, esit Egypt onyuŋ akpa enye ke idem.

ISAIAH 21:9

Ndien enye ɔbɔrɔ ete, Babylon ɔmɔduɔ, ɔmɔduɔ; enye omonyuŋ anuak kpukpru edisɔi mbiet mme abasi esie adian ke isɔŋ.

ISAIAH 46:1

BEL ɔnuhɔ, Nebo ɔtuhɔ, eda mbiet mmɔ enɔ unam ye ufene: emenere mbiomo mbufo edori; mmɔ edi se mfum-mfum unam obiomde.

ISAIAH 46:2

Mmɔ enuhɔ, esɔrɔ ɔtɔ kiet; ikemeke ndida mbiomo mmɔ mbɔhɔ: ndien idem mmɔ eka nte mbuot ekɔŋ.

ISAIAH 49:18

Menere enyin fo kanare kuk, nyuŋ se; kpukpru mmɔ esop idem, edi ke ɔtɔ fo. Jehovah ɔdɔhɔ ete, Ma uwem mi, afo udutreke ndisine mmɔ kpukpru, nte ŋkpɔ mbana, nnyuŋ mbɔbɔ mmɔ ke idem nte ŋwan ndɔ.

ISAIAH 52:1

DEMERE, demere, sine odudu fo ke idem, O Zion; sine edisine-ŋkpɔ uyai fo, O Jerusalem, edisana obio: koro owo edut ye ndek miditɔŋɔke aba ntak iduk fi ke esit.

ISAIAH 59:17

Ndien enye esine edinen ido ke idem nte edisine-ŋkpɔ, onyuŋ ayara ndun erinyaŋa ke ibuot: onyuŋ esine ɔfɔŋ-idem usiene ke edisine-ŋkpɔ, onyuŋ ada ufup ofuk idem nte ekura.

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

ISAIAH 61:5

Ndien isen owo eyeda ebɔk ŋkpri ufene mbufo, nditɔ idut eyenyuŋ ekabare edi mme ofuŋ-isɔŋ mbufo ye mme ɔdiɔŋ-vine mbufo.

JEREMIAH 10:11

Ntem ke mbufo edidɔhɔ mmɔ, ete, Eyesobo mme abasi oro mikenamke enyɔŋ ye isɔŋ, efep ke isɔŋ ye ke idak ikpa-enyɔŋ emi.

JEREMIAH 10:15

Mmɔ edi ikpikpu, ŋkpɔ nsahi, eyetak ke ini ufen mmɔ. Udeme Jacob ibietke mmɔ emi ŋkpɔ:

JEREMIAH 25:19

nnɔ Pharaoh edidem Egypt, ye ikɔt esie, ye mbɔŋ esie, ye ofuri mbio-obio esie:

JEREMIAH 43:13

Ndien enye eyenuak mbiet ŋkpɔ Beth-she-mesh emi odude ke isɔŋ Egypt, onyuŋ ɔfɔp ufɔk mme abasi Egypt ke ikaŋ.

JEREMIAH 46:25

Jehovah mme udim Abasi Israel ɔdɔhɔ, ete, Sese, ami mmɔŋ nda ufen ntiene Amon emi otode ke No, ye Pharaoh ye Egypt ye mme abasi mmɔ, ye ndidem mmɔ; kpa Pharaoh ye mmɔ eke ebuɔtde idem mmɔ ye enye.

JEREMIAH 48:7

Ŋkɔm eyenyuŋ emum fi ŋko, koro afo ɔbuɔtde idem ke se afo akanamde ye ke inyene fo: eyenyuŋ etaŋ Chemosh efep ye mme oku esie, ye mbɔŋ esie, ini kiet.

JEREMIAH 49:27

Ndien nyekim ikaŋ ke ibibene Damascus, ndien enye eyeta ikpɔ ufɔk Benhadad.

JEREMIAH 50:2

Mbufo etiŋ, ke otu mme idut enyuŋ ekwɔrɔ, enyuŋ emenere banner, ekwɔrɔ, ekudip; edɔhɔ ete, Ema emum Babylon, but anam Bel, Merodach amasuana; but anam mbiet esie, ekpat eto esie emesuana.

JEREMIAH 51:44

Nyenyuŋ nnɔ Bal ke Babylon ufen, nnyuŋ nsio enye se enye emende esin ke idibi ke inua mfep: ndien mme idut idibuŋɔke aba itiene enye: ibibene Babylon omonyuŋ ɔduɔ.

EZEKIEL 29:11

Ndien ukot owo idisaŋake ke esit ibe, ukot enaŋ idinyuŋ isaŋake ke esit ibe, owo idinyuŋ iduŋke enye ke ofuri isua aba.

EZEKIEL 29:19

mmɔdo ntem ke Ɔbɔŋ Jehovah ɔdɔhɔ, ete, Sese, mmɔŋ nda isɔŋ Egypt nnɔ Nebuchadrezzar edidem Babylon; ndien enye eyemen ŋkpɔ emi enye okonimde efep, onyuŋ obume enye, onyuŋ ataŋ ŋkpɔ esie ke ŋkan-ubɔk; ndien oro eyedi ŋkpɔ-eyen-utom mbon-ekɔŋ esie.

EZEKIEL 30:13

Ntem ke Ɔbɔŋ Jehovah ɔdɔhɔ ete, Nyenyuŋ nsobo ibɔk, nnyuŋ nnam mbukpo ibɔk mmɔ etre ke Noph; ndien Ɔbɔŋ isɔŋ Egypt ididuhe aba; nyenyuŋ nda ndik ndori isɔŋ Egypt.

DANIEL 11:8

onyuŋ ataŋ mme abasi mmɔ ŋko, ye mbɔŋ mmɔ, ye ŋkpɔ utom mmɔ, kpa silver ye gold, ke mbuot-ekɔŋ ɔnyɔŋ ke Egypt: ndien enye eyedaŋ ndusuk isua akan edidem edem edere.

ZEPHANIAH 2:11

Jehovah enyene ndik akan mmɔ: koro enye eyesobo kpukpru mme abasi ererimbot; ndien kpukpru mme isuo mme idut eyetuak ibuot enɔ enye, kpukpru owo ke ebiet mmɔ.

ŊWED MBON ROME 13:12

Okoneyo ɔnyɔŋ ebe efep, uwem-eyo ke ekpere; eyak nnyin ifɔrɔre ndien utom ekim, inyuŋ isine ŋkpɔ-ekɔŋ uŋwana.

ŊWED MBON EPHESUS 4:24

emi ebotde ebiet Abasi ke edinen ido ye edisana ido akpanikɔ.

ŊWED MBON EPHESUS 6:11

Esine ofuri ŋkpɔ-ekɔŋ Abasi, man mbufo edikeme ndiŋwana ye ŋkari Satan.

ŊWED MBON COLOSSAE 3:12

Nte mmɔ emi Abasi ekemekde, emi Abasi akanamde mmɔ esana onyuŋ amade, eda ndien esit mbɔm esine, ye mfɔn-ido, ye nsuk-idem, ye ifure-ifure ido, ye ime;

ŊWED MBON COLOSSAE 3:14

Ndien ekɔrɔ ke kpukpru ŋkpɔ, esine ima, emi edide se ibɔpde uwem adiana inam ɔfɔn ama.