JEREMIAH 43:10 - Edisana ñwed Abasi Ibom

¹⁰ Ntem ke Jehovah mme udim Abasi Israel ɔdɔhɔ, ete, Sese, ami nyedɔŋ ekeda Nebuchadrezzar edidem Babylon owo mi edi, nyenyuŋ ndori ebekpo esie ke enyɔŋ mme itiat emi ndipde; ndien enye eyetat ediye ɔfɔŋ ebekpo esie ke enyɔŋ mmɔ.

JEREMIAH 43:10 ပူးပေါင်းရင်းမြစ်များ

1 NDIDEM 20:12

Edikem adaŋemi enye (Ben-hadad) okopde ikɔ emi, enye ke ɔŋwɔŋwɔŋ mmin ye ndidem oro ke ataya esie; ndien enye ɔdɔhɔ ikɔt esie, ete, Mbufo etim idem mbufo ke ŋka ke ŋka. Ndien mmɔ etim idem mmɔ ke ŋka, ete iŋwana ekɔŋ ye obio.

1 NDIDEM 20:16

Edi Ben-hadad ke ɔŋwɔ-ɔwɔŋɔ mmin akpa ke ataya, ye mbɔŋ edip ye duopeba oro eŋwamde enye.

ŊWED MME PSALM 18:11

Enye onim ekim ke ebiet udibe esie; tent esie emi akande enye okuk, edi obubit mmɔŋ ye idiɔk ikpa-enyɔŋ.

ŊWED MME PSALM 27:5

Koro enye eyefuk mi ke ataya esie ke usen idiɔk: eyedip mi ke ndibe ebiet iduŋ esie; onyuŋ emenere mi odori ke ebiet akwa itiat.

ŊWED MME PSALM 31:20

Afo eyedip mmɔ ke ebiet udibe ke iso fo, abak odu owo: eyefuk mmɔ ke ataya, abak utɔk mme edeme.

ISAIAH 44:28

emi ɔdɔhɔde abaŋa Cyrus, ete, Ekpemerɔŋ mi, ndien enye eyenam kpukpru se mmade ama: eyenyuŋ ɔdɔhɔ Jerusalem, ete, Eyediɔŋ fi; ɔdɔhɔ temple, ete, Eyetɔŋɔ ndibɔp fi.

ISAIAH 45:1

NTEM ke Jehovah ɔdɔhɔ Cyrus, emi enye eyetde aran, emi mmumde enye ubɔk nnasia, nte, Nyedigi mme idut ke iso esie; nnyuŋ ntat ndidem isin, man mberere itim ke iso esie; ndien mmɔ idiberike enyin-usuŋ;

JEREMIAH 1:15

Koro, sese, ami mmɔŋ ŋkot kpukpru mme ubon mme idut edem edere, Jehovah ɔdɔhɔ; ndien mmɔ eyedi, kpukpru mmɔ eyenyuŋ ediɔk ebekpo mmɔ ke inua-otop Jerusalem, ye ke enyɔŋ kpukpru ibibene esie ekan ekuk, ye ke kpukpru mme obio Judah.

JEREMIAH 43:9

Men ikpɔ itiat ke ubɔk fo, kodip mmɔ ke mbat ke itie ufɔp-brick, emi odude ke inua-otop ufɔk Pharaoh ke Tahpanhes, ke iso mbio Judah; nyuŋ dɔhɔ mmɔ, ete,

JEREMIAH 46:13

Uyo emi ke Jehovah ɔdɔhɔ ye Jeremiah prophet, ke ini Nebuchadrezzar edidem Babylon edide ndisuan isɔŋ Egypt.

JEREMIAH 49:38

Nyenyuŋ nnim ebekpo mi ke Elam, nnyuŋ nsobo edidem ye mbɔŋ ke esit mfep, Jehovah ɔdɔhɔ.

EZEKIEL 5:12

Ɔyɔhɔ ubak mbufo ita eyekpaŋa ke udɔŋɔ, eyenyuŋ ekpa idem ke akaŋ ke otu mbufo; ɔyɔhɔ ubak ita eyenyuŋ ekpaŋa ke ofut ekan mbufo ekuk; nyenyuŋ nsuan ɔyɔhɔ ubak ita nsin ke kpukpru mme ofum, nnyuŋ nsio ofut mbine mmɔ.

DANIEL 2:21

enye onyuŋ ɔkpuhɔre ini ye mme isua, ke emen ndidem efep, onyuŋ onim ndidem ke itie: ke ɔnɔ mbon-ɔniɔŋ eti ibuot, onyuŋ ɔnɔ mme asian ifiɔk.

MATTHEW 22:7

Edi edidem ayat esit, onyuŋ osio mbon-ekɔŋ esie ɔdɔŋ, ete esobo mbio obio oro, enyuŋ efɔp obio mmɔ ke ikaŋ.