JEREMIAH 42:21 - Edisana ñwed Abasi Ibom

²¹ Ndien mmasian mbufo mfin emi; ndien mbufo ikopke uyo Jehovah Abasi mbufo, inyuŋ ikopke baba ŋkpɔ kiet eke enye ɔkɔdɔŋde mi utom ke ɔtɔ mbufo abaŋa.

JEREMIAH 42:21 ပူးပေါင်းရင်းမြစ်များ

ŊWED MME PSALM 81:12

Ndien nyak mmɔ nnɔ nsɔŋesit mmɔ: mmɔ esaŋa ke uduak idem mmɔ.

JEREMIAH 43:1

EDIKEM adaŋemi Jeremiah eketrede ndimen kpukpru ikɔ Jehovah Abasi mmɔ, eke Jehovah Abasi mmɔ ɔkɔdɔŋde enye utom ke ɔtɔ mmɔ abaŋa, ntiŋ nnɔ kpukpru owo, kpa kpukpru ikɔ emi,

JEREMIAH 43:4

Ndien Johanan, eyen Kareah ye kpukpru mme etubom mbon-ekɔŋ, ye kpukpru owo eŋwen ikopke uyo Jehovah, ete etie ke isɔŋ Judah.

JEREMIAH 43:7

Ndien mmɔ eka ke isɔŋ Egypt: koro mmɔ minyimeke ndikop uyo Jehovah: ndien mmɔ eka ke Tahpanhes.

EZEKIEL 2:7

Nyuŋ tiŋ ikɔ emi nɔ mmɔ, ke mmɔ ekopde, ye ke etrede ndikop: koro mmɔ edide mbon nsɔŋ-ibuot.

EZEKIEL 3:17

kop ndien ikɔ emi otode mi ke inua, nyuŋ da uyo mi teme mmɔ.

EZEKIEL 33:31

ndien mmɔ edi ke ɔtɔ fo, kpa nte mbio-obio edide, enyuŋ etie ke iso fo, kpa nte ikɔt mi etiede, mmɔ enyuŋ ekop ikɔ fo; edi inamke mmɔ: koro mmɔ enamde nte mbon-ima ke mkpɔk-inua mmɔ, edi esit mmɔ ebine udori mmɔ.

EZEKIEL 33:32

Ndien mmɔ ese fi ke ikwɔ mbonima, eke owo edinem uyo, ɔfiɔk nditim mbre ndido: ndien mmɔ ekop ikɔ fo, edi inamke mmɔ baba:

UTOM MME APOSTLE 20:20

Mbufo emefiɔk ete ŋkefeheke ndisian mbufo se ededi eke odorode mbufo ŋkpɔ, mma nnyuŋ ŋkpep mbufo ŋkpɔ aŋwa-aŋwa,

DEUTERONOMY 29:19

ndien ama ekem ke ini enye okopde uyo uŋwɔŋɔ emi, enye ɔkɔm idem esie ke esit esiemɔ, ete, Ke eyefɔn imɔ, okposuk edi eke imɔ isaŋade ke itun esit imɔ, inyuŋ idiande uyuhɔ mmin ye nsat-itɔŋ:

DEUTERONOMY 30:15

Sese, mmada uwem, ye nti ŋkpɔ, ye mkpa, ye idiɔk, nnim fi ke iso mfin emi;

DEUTERONOMY 30:19

Mmowuk enyɔŋ ye isɔŋ, nte edi ntiense ebaŋa mbufo mfin emi; mmada uwem ye mkpa, eridiɔŋ ye isuŋi, nnim fi ke iso; mek uwem, ndien man afo ye nditɔ fo edu uwem: