JEREMIAH 42:2 - Edisana ñwed Abasi Ibom

² edidɔhɔ Jeremiah prophet, ete, Mbɔk, yak mkpe-ubɔk nnyin ɔsuhɔre ana fi ke iso, nyuŋ kpe Jehovah Abasi fo ubɔk baŋa nnyin, baŋa kpukpru mmɔ eke esuhɔde mi: koro nnyin emi ikewakde isuhɔde esisit, kpa nte enyin fo okutde nnyin:

JEREMIAH 42:2 ပူးပေါင်းရင်းမြစ်များ

1 NDIDEM 13:6

Ndien edidem ɔbɔrɔ owo Abasi oro, ete, Mbɔk, beŋe Jehovah Abasi fo, nyuŋ kpe enye ubɔk nɔ mi, ete Enye ayak ubɔk mi afiak mi ke idem. Ndien owo Abasi oro ebeŋe Jehovah, ndien ubɔk edidem afiak adiana enye ke idem, onyuŋ akabare etie nte akpa.

ŊWED MME PSALM 119:170

Yak mkpe-ubɔk mi edi fi ke iso: nyaŋa mi nte ekemde ye uyo fo.

EXODUS 8:28

Ndien Pharaoh ete, Ami nyeyak mbufo eka, man mbufo ewa uwa enɔ Jehovah Abasi mbufo ke wilderness; edi mbufo ekuka anyan usuŋ: enam mkpe-ubɔk enɔ mi.

EXODUS 9:28

Mbufo ekpe Jehovah ubɔk, ndien yak uyom Abasi ye edim - itiat ekem; ndien nyeyak mbufo eka, ndien mbufo idibigike aba. Ndien Moses ɔdɔhɔ enye, ete,

ISAIAH 1:15

Ndien ke ini mbufo emenerede ubɔk mbufo, ndip mbufo enyin mi: ndien ŋko ke ini mbufo ewakde ndibɔŋ akam, ami ŋkopke: iyip ɔmɔyɔhɔ mbufo ke ubɔk.

ISAIAH 1:9

Ke mikpedige Jehovah mme udim ɔsuhɔ ata ekpri nsuhɔ ɔnɔ nnyin, nnyin ikpekabare itie nte Sodom, ibiet Gomorrah.

ISAIAH 37:4

Mme Jehovah Abasi fo eyekop ikɔ Rabshakeh emi ete esie edidem Assyria ɔkɔdɔŋde ndisuene Abasi uwem; onyuŋ asua ɔnɔ ikɔ emi Jehovah Abasi fo okopde: menere ndien mkpeubɔk baŋa nsuhɔ emi edude mi.

ISAIAH 42:20

Afo omokut ediwak ŋkpɔ, edi udunimke; ke esirere utɔŋ, edi idikopke.

JEREMIAH 15:11

Jehovah ɔdɔhɔ, ete, Nditreke nditat fi nnɔ mfɔn; nditreke ndinam mme asua ekpe fi ubɔk ke ini idiɔk ye ke ini ukut.

JEREMIAH 2:27

Ke edɔhɔ eto, ete, Afo edi ete mi; enyuŋ edɔhɔ itiat, ete, Afo ekaman mi: koro mmɔ emekabare ekɔt enɔ mi, ikabakede iso: ndien ke ini ukut mmɔ, mmɔ eyedɔhɔ, ete, Daha ke enyɔŋ di nyaŋa nnyin.

JEREMIAH 21:2

Mbɔk, bup Jehovah baŋa nnyin: koro Nebuchadrezzar edidem Babylon ke aŋwana ekɔŋ ye nnyin; mme Jehovah eyenam ye nnyin nte asaŋade ye kpukpru mme utibe ŋkpɔ esie, man enye ɔkpɔŋ nnyin ɔdɔk.

JEREMIAH 36:7

Mme mmɔ eyesuhɔre idem mmɔ eseme ke iso Jehovah, kpukpru mmɔ enyuŋ efiak edem ekpɔŋ idiɔk usuŋ mmɔ: koro iyaresit ye ifuresit emi Jehovah ɔkɔdɔhɔde abaŋa mbio-obio emi ekponde.

JEREMIAH 37:20

Kop ndien, ɔbɔŋ mi edidem, yak mkpe-ubɔk mi ɔsuhɔre ana fi ke iso, kunyuŋ uyak mi mfiak ke ufɔk Jonathan ewet ŋwed, man ŋkukpa mkpa.

JEREMIAH 37:3

Ndien edidem Zedekiah ɔdɔŋ Jehucal eyen Shelemiah, ye Zephaniah eyen Maaseiah oku, utom ke ɔtɔ Jeremiah prophet, ete, Mbɔk, kpe Jehovah Abasi nnyin ubɔk nɔ nnyin.

JEREMIAH 38:14

Ndien Zedekiah edidem ɔdɔŋ ekeda Jeremiah prophet esɔk enye ke ɔyɔhɔ enyin-usuŋ ita emi odude ke ufɔk Jehovah; ndien edidem ɔdɔhɔ Jeremiah, ete, Ami mmɔŋ mbup fi ŋkpɔ kiet; kudip mi baba ikɔ kiet.

JEREMIAH 40:15

Ndien Johanan eyen Kareah ɔdɔhɔ Gedaliah ndibe-ndibe ke Mizpah, ete, Mbɔk, yak ŋka ŋkowot Ishmael eyen Nethaniah, ndien baba owo kiet idifiɔkke: enye edinam didie owot fi, ofuri Judah emi ebonode ke ɔtɔ fo edinyuŋ esuana, ubak Judah emi ɔsuhɔde onyuŋ atak?

JEREMIAH 42:20

Koro mbufo ekeduede etuk ukpɔŋ mbufo: koro mbufo ekedɔŋde mi utom ke ɔtɔ Jehovah Abasi mbufo, ete, Kpe Jehovah Abasi nnyin ubɔk baŋa nnyin; nyuŋ sian nnyin kpukpru se Jehovah Abasi nnyin edidɔhɔde, ndien nnyin iyenam.

ŊWED ESEME 1:1

OBIO emi akawakde owo anam didie etie ikpɔŋ! Enye emi okokponde ke otu mme idut akabare edi ebe-akpa! Ɔbɔŋ-aŋwan ke otu mme esien akabare otomo utomo!

EZEKIEL 12:16

Ndien nyesio owo mmɔ esisit mfep ke ofut, ye biɔŋ, ye idiɔk udɔŋɔ, nsuhɔ; man mmɔ ebuk kpukpru mbubiam ŋkpɔ mmɔ ke otu mme idut eke edisimde do; ndien mmɔ eyefiɔk ete ke ami ndi Jehovah.

HOSEA 8:10

Ndien ŋko koro mmɔ enɔde mme idut utip, nyebon mmɔ ndo-ndo emi: ndien osuk esisit mbiomo edidem mbɔŋ eyeyat mmɔ.

LEVITICUS 26:22

Nnyuŋ ndɔŋ mme unam ikɔt ke otu mbufo, eke edibɔde mbufo nditɔ, enyuŋ esobo ufene mbufo, enyuŋ enam mbufo ekpri; ndien ɔkpɔ-usuŋ mbufo eyedobo.

AMOS 7:2

Ndien edikem adaŋemi mmɔ ema eketa ofuri mbiet isɔŋ ema, ami ndɔhɔ, nte, Mbɔk, Ɔbɔŋ Jehovah, dahado: Jacob edinam didie adaha ada? koro enye emekpri.

MATTHEW 24:22

Ndien ke mikpesibeke mme usen oro emuhɔ, baba owo kiet ikpɔbɔhɔke; edi kabaŋa ndimek ikɔt Abasi eyesibe mme usen oro emuhɔ.

UTOM MME APOSTLE 8:24

Edi Simon ɔbɔrɔ ete, Ekpe Ɔbɔŋ ubɔk enɔ mi, ete, se mbufo etiŋde baba kiet okusim mi.

DEUTERONOMY 28:62

Ndien mbufo eyesuk owo esisit eti-eti, emi mbufo ekewakde nte ntanta-ɔfiɔŋ ke enyɔŋ; koro afo mukonyimeke ndikop uyo Jehovah Abasi fo.

DEUTERONOMY 28:63

Ndien ama ekem, nte Jehovah akadatde esit abaŋa mbufo, ndifɔn ye mbufo, nnyuŋ nnam mbufo ewak; kpa ntre ke Jehovah edinyuŋ adat esit abaŋa mbufo ndibiat mbufo, nnyuŋ nsobo mbufo; ndien eyedibere mbufo efep ke isɔŋ emi mbufo ekade do ndida enye nnyene.

DEUTERONOMY 4:27

Ndien Jehovah eyesuan mbufo ke otu mme idut, ndien mbufo eyesuhɔ esisit ke otu mme idut emi Jehovah adade mbufo aka do.

JAMES 5:16

Mmɔdo eyarare idiɔk-ŋkpɔ mbufo enɔ kiet eken, enyuŋ ebɔŋ akam ebaŋa kiet eken, man ekɔk udɔŋɔ mbufo. Mkpe-ubɔk edinen owo enyene odudu eti-eti ndinam ŋkpɔ.

1 SAMUEL 12:19

Ndien kpukpru owo edɔhɔ Samuel, ete, Kpe Jehovah Abasi fo ubɔk nɔ ikɔt fo, man nnyin ikukpaŋa: koro nnyin imada idiɔkŋkpɔ ke eriyom edidem ikɔrɔ ye mme idiɔk ido nnyin efen.

1 SAMUEL 12:23

Ndien ama edi ami, nsa mi! nduehe Jehovah ke eritre ndikpe enye ubɔk nnɔ mbufo: edi nyeteme mbufo eti ye edinen usuŋ:

1 SAMUEL 7:8

Ndien nditɔ Israel edɔhɔ Samuel, ete, Kutre ndiseme nnɔ Jehovah Abasi nnyin unɔ nnyin, ete enye anyaŋa nnyin osio mme Philistine ke ubɔk.