JEREMIAH 42:18 - Edisana ñwed Abasi Ibom

¹⁸ Koro ntem ke Jehovah mme udim Abasi Israel ɔdɔhɔ, ete, Kpa nte ŋkaŋwaŋade iyaresit mi ye ifuresit mi ke idem mme andiduŋ Jerusalem, kpa ntre ŋko ke ndiŋwaŋa mbufo iyaresit mi ke idem, ke mbufo ekade Egypt; ndien mbufo eyekabare edi ŋkpɔ isuŋi, ye nsobo, ye itɔk, ye esuene; idinyuŋ ikwe aba ebiet emi.

JEREMIAH 42:18 ပူးပေါင်းရင်းမြစ်များ

2 CHRONICLES 34:25

koro mmɔ emekpɔŋ mi, enyuŋ efɔp uwa enɔ mme abasi efen, man mmɔ eyat mi esit ke kpukpru se ubɔk mmɔ enamde mmɔdo ndiŋwaŋade iyaresit mi ke ebiet emi, ndien enye idinimeke.

ISAIAH 30:3

Ndien odudu Pharaoh eyekabare edi ŋkpɔ but mbufo, mbuɔtidem ke mfut Egypt eyenyuŋ akabare edi esuene.

ISAIAH 65:15

Ndien mbufo eyekpɔŋ enyiŋ mbufo enim ke ŋkpɔ isuŋi enɔ edimek ikɔt mi: ndien Ɔbɔŋ Jehovah eyewot fi, onyuŋ osio ikɔt esiemɔ enyiŋ efen:

JEREMIAH 18:16

Ndien mmɔ enam isɔŋ mmɔ akabare edi se ibiarade, ye nsinsi ŋkpɔ nsi: kpukpru mmɔ eke esaŋade ebe eyekpa idem, enyuŋ eyibi ibuot mmɔ.

JEREMIAH 22:27

Ndien ama edi isɔŋ emi unyɔŋ ɔdɔŋde mmɔ ukpɔŋ do, mmɔ idifiakke do.

JEREMIAH 23:40

nyenyuŋ nnim mbufo ke ŋkpɔ nsinsi but, ye nsinsi esuene, eke owo midifreke.

JEREMIAH 24:9

nyeda mmɔ nnɔ ndutuhɔ ye idiɔk-ŋkpɔ ke kpukpru mme idut ererimbot, ke kpukpru ebiet eke ndibinde mmɔ nsin do.

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

JEREMIAH 26:6

ndien nyenam ufɔk emi ebiet Shiloh, nyenyuŋ nnim obio emi ke ŋkpɔ isuŋi nnɔ kpukpru mme idut ererimbot.

JEREMIAH 29:18

Nyenyuŋ nda ofut, ye biɔŋ, ye idiɔk udɔŋɔ mbine mmɔ, nnyuŋ nnim mmɔ ke ŋkpɔ ndutime nnɔ kpukpru mme idut ke ererimbot, ye ke isuŋi, ye ke nsobo, ye ke nsi, ye ke esuene ke otu kpukpru mme idut eke mbinde mmɔ nsin do:

JEREMIAH 29:22

Ndien kpukpru nditɔ Judah oro eketaŋde efep emi edude ke Babylon, eyeda mmɔ ikɔ isuŋi ke idem, ete, “Yak Jehovah osuk onim fi nte Zedekiah, ye nte Ahab emi edidem Babylon ɔkɔfɔpde ke ikaŋ.”

JEREMIAH 33:5

mmɔ edi ndiyi ekɔŋ ye mme Chaldean, ndinyuŋ nda mme okpo owo oro ŋwotde ke iyaresit mi ye ke ifuresit mi nyɔhɔ ke esit, ami nnyuŋ ndip obio emi iso mi mbaŋa ofuri idiɔk ido mmɔ.

JEREMIAH 44:12

nyenyuŋ nda Judah emi esuhɔde, emi ewukde iso mmɔ, ete ika isɔŋ Egypt ikoduŋ do, ndien kpukpru mmɔ eyesobo; ke isɔŋ Egypt ke mmɔ ediduɔŋɔ; eyesobo mmɔ ke ofut ye ke biɔŋ; ŋkpri ye ikpɔ eyekpaŋa ke ofut ye ke biɔŋ; enyuŋ ekabare edi ŋkpɔ isuŋi ye nsobo ye itɔk ye esuene.

JEREMIAH 44:22

Ndien Jehovah ikemeke aba ndiyɔ idiɔk ido mbufo, ye ŋkpɔ mbubiam emi mbufo enamde; ndien isɔŋ mbufo amakabare edi nsobo, ye ndobo, ye isuŋi, ndien owo eke oduŋde iduhe du, kpa nte edide mfin emi.

JEREMIAH 44:6

Ndien ami ŋkaŋwaŋa ifuresit mi ye iyaresit mi, ndien enye asak ke mme-obio Judah, ye ke mme efak Jerusalem; ndien mmɔ ekabare edi ndon ye ndobo, kpa nte edide mfin emi.

JEREMIAH 44:8

Enyuŋ eyat mi esit ke se ubɔk mbufo enamde, enyuŋ efɔp ŋkpɔ enɔ abasi efen ke isɔŋ Egypt emi mbufo edide ndiduŋ do, man esibe idem mbufo efep, man mbufo enyuŋ edi ŋkpɔ isuŋi ye esuene ke otu kpukpru mme idut ke ererimbot?

JEREMIAH 6:11

Ndien iyaresit Jehovah ɔyɔhɔ mi ke idem; idem emem mi ke mmum-ŋkama: nyeŋwaŋa enye ke idem eyenɔwɔŋ ke esien, ye ke otu mkparawa ini kiet: koro eyeda ebe ye ŋwan ŋko, ye mbiowo ye owo eke uwem ɔyuhɔde enye.

JEREMIAH 7:20

Mmɔdo ntem ke Ɔbɔŋ Jehovah ɔdɔhɔ, ete, Sese, ke eŋwaŋa iyaresit mi ye ifuresit mi ke ebiet emi, odoro owo, ye ufene, ye eto ikɔt, ye mbuŋwum iŋwaŋ; ndien enye eyesak, idinyuŋ inimeke.

ŊWED ESEME 2:4

Enye odudi utiga esie nte asua; onim nnasia esie nte owo utɔk, onyuŋ owot kpukpru mmɔ eke enemde owo ke enyin ke ataya adiaha Zion: enye aŋwaŋa ifuresit esie nte ikaŋ.

ŊWED ESEME 2:6

Enye omonyuŋ owuri ɔkɔ esie, kpa nte eke iŋwaŋ: amabiat ebiet esop esie: Jehovah amanam efre usɔrɔ ye sabbath ke Zion, onyuŋ ɔduɔk edidem ye oku ke ikaŋ iyaresit esie.

ŊWED ESEME 4:11

Jehovah ama ama ifuresit esie; amaŋwaŋa ikaŋ iyaresit esie. Enye omonyuŋ okim ikaŋ ke Zion, emi atade tutu osim ke isɔŋ esie.

EZEKIEL 20:34

Nyenyuŋ nda ɔkpɔsɔŋ ita, ye edimenere ubɔk, ye ifuresit eke eŋwaŋade, nsio mbufo ke otu mme idut mfep, nnyuŋ ntaŋ mbufo ke mme obio emi mbufo esuanade ke esit, mbon.

EZEKIEL 22:22

Kpa nte etarade silver ke ufɔt ikaŋ, kpa ntre ke editara mbufo ke esit; ndien mbufo eyefiɔk ete ke ami Jehovah ŋŋwaŋa mbufo ifuresit mi ke idem.

DANIEL 9:11

Ofuri Israel ŋko ema ebiat mbet fo, enyuŋ ekabare ete ikukop uyo fo. Ndien afo aŋwaŋa nnyin isuŋi ke idem, ye uŋwɔŋɔ emi ewetde ke ŋwed mme ewuhɔ Moses owo Abasi, koro nnyin iduede ye enye.

DANIEL 9:27

Enye eyenyuŋ ɔsɔŋɔ onim ediomi ɔnɔ ediwak owo ke urua kiet; ndien ke ufɔt urua enye eyenam uwa ye inuak-udia etre: ndien andisobo eyedoro ke ibuot ŋkpɔ mbubiam: tutu enyuŋ eda se enamde ema enyuŋ ewukde, eŋwaŋa andisobo ke idem.

HOSEA 7:16

Mmɔ ifiakke itiene Ata Edikoŋ: mmɔ ebiet emik-utiga: mbɔŋ mmɔ eyeduɔŋɔ ke ofut ebaŋa emiom edeme mmɔ: emi edidi se edidade esak mmɔ ke isɔŋ Egypt.

NAHUM 1:6

Anie ekeme ndibigi ke iso ifuresit esie? Anie onyuŋ ekeme ndida ke ikaŋ iyaresit esie? Enye aŋwaŋa ifuresit esie nte ikaŋ, onyuŋ obom ikpɔ itiat.

ZECHARIAH 8:13

Ndien ama ekem, kpa nte mbufo ekedide ŋkpɔ isuŋi ke otu mme idut, O ufɔk Judah, ye ufɔk Israel: kpa ntre ke ndiŋyaŋa mbufo, ndien mbufo eyekabare edi ŋkpɔ eridiɔŋ.

NUMBERS 5:27

Ndien ke enye ama ɔkɔnɔ ŋwan mmɔŋ oro ɔŋwɔŋ, ama ekem, edieke enye akasabarede idem esie, onyuŋ ɔdiɔk ye ebe esie, mmɔŋ isuŋi eyebe oduk enye ke idibi, odoro, ndien idibi eyefut enye, ifuhi eyenyuŋ eyemere enye: ndien ŋwan oro eyekabare edi ata idiɔk isuŋi ke otu mbio-obio mmɔ.

ERIYARARE 14:10

enye nde eyeŋwɔŋ wine ifuresit Abasi, emi ebuakde enana mbɔm ke cup iyaresit Esie; eyenyuŋ etuhɔre enye ke ikaŋ ye brimstone ke iso nti angel ye ke iso Eyen-erɔŋ: