JEREMIAH 42:14 - Edisana ñwed Abasi Ibom

¹⁴ ete, Ih ih; edi nnyin iyeka isɔŋ Egypt, eke nnyin midikwe ekɔŋ, midinyuŋ ikopke uyom ukorowo, minyuŋ inanake udia, ndien iyetie do:

JEREMIAH 42:14 ပူးပေါင်းရင်းမြစ်များ

EXODUS 16:3

nditɔ Israel enyuŋ edɔhɔ mmɔ ete, Akpakam ɔfɔn nnyin ndikpa ke ubɔk Jehovah ke isɔŋ Egypt, ke nnyin iketiede ke ɔtɔ eso unam, inyuŋ idiade udia iyuhɔ! koro mbufo emeda nnyin edi ke wilderness emi, ndiwot ofuri udim owo emi ke biɔŋ.

EXODUS 17:3

Ndien itɔŋ mmɔŋ asat mmɔ do; ndien mmɔ esuk Moses uyo, ete, Nsinam afo osiode nnyin ntem ke Egypt ada ɔdɔk ete iwot nnyin, ye nditɔ nnyin, ye ufene nnyin ke nsat-itɔŋ?

ISAIAH 30:16

Ndien mbufo ekedɔhɔ, ete, Ih ih, koro nnyin iyeda horse ifeŋe; mmɔdo mbufo eyefeŋe: nnyin iyenyuŋ idoro ke mme ɔsɔp-ukot; mmɔdo mmɔ eke ebinede mbufo eyesɔp ukot.

ISAIAH 30:2

Mmɔ esuhɔre eka Egypt, edi ibupke uyo mi; ebine odudu Pharaoh, enyuŋ ebuɔt idem ke mfut Egypt.

ISAIAH 31:1

IFƆNKE fɔn inɔ mmɔ eke esuhɔrede ke Egypt eyom owo eke aŋwamde mmɔ; enyuŋ eberede idem ke horse, enyuŋ ebuɔtde idem mmɔ ke chariot, koro ewakde; ye ke mbio horse, koro mmɔ esɔŋɔde eti-eti; edi mmɔ isehe Edisana Abasi Israel, inyuŋ iyomke Jehovah!

JEREMIAH 4:19

Nsia mi! nsia mi! ɔwɔŋ esit mi abiak mi; esit mi eseme ɔnɔ mi; ndidopke uyo, koro, O ukpɔŋ mi, ŋkopke uyo ukorowo ye mkpo ekɔŋ.

JEREMIAH 4:21

Adaŋa didie ke ndikut banner, nnyuŋ ŋkop uyo ukorowo?

JEREMIAH 41:17

ndien mmɔ eka eketie ke Geruth Chimham emi, ekperede Bethlehem, ete isaŋa ika Egypt;

JEREMIAH 43:7

Ndien mmɔ eka ke isɔŋ Egypt: koro mmɔ minyimeke ndikop uyo Jehovah: ndien mmɔ eka ke Tahpanhes.

NUMBERS 14:3

Ndien nsinam Jehovah akadade nnyin edi ke isɔŋ emi, ete ikpaŋa ke ofut, man iban nnyin ye nsek nditɔ nnyin enyuŋ edi ŋkpɔ mbume? Nte ndifiak ke Egypt ifɔnke nnyin ikan?

NUMBERS 14:4

Ndien kiet ɔdɔhɔ kiet, ete, Yak nnyin inim owo ke etubom, ndien ifiak ke Egypt.

NUMBERS 16:13

Nte emi afo okosiode nnyin ke isɔŋ emi ɔfiɔrɔde mmɔŋ-eba ye aran-ɔkɔk, ndiwot nnyin ke wilderness, ikemke fi, ibɔhɔke ini afo onyuŋ ada ubɔŋ ke otu nnyin ŋko?

DEUTERONOMY 17:16

Edi yak enye okukɔ ediwak horse ke idem esie, okunyuŋ anam mbon emi afiak eka ke Egypt, man ekɔ ediwak horse: koro Jehovah ɔkɔdɔhɔde mbufo, ete, Mbufo ekufiak aba usuŋ oro.

DEUTERONOMY 29:19

ndien ama ekem ke ini enye okopde uyo uŋwɔŋɔ emi, enye ɔkɔm idem esie ke esit esiemɔ, ete, Ke eyefɔn imɔ, okposuk edi eke imɔ isaŋade ke itun esit imɔ, inyuŋ idiande uyuhɔ mmin ye nsat-itɔŋ: