JEREMIAH 41:2 - Edisana ñwed Abasi Ibom

² Ndien Ishmael eyen Nethaniah, ye owo duop oro edude ye enye, edaha ke enyɔŋ ekpi Gedaliah eyen Ahikam, eyen Shaphan, ke ofut, ewot enye, emi edidem Babylon okonimde ke etubom isɔŋ.

JEREMIAH 41:2 ပူးပေါင်းရင်းမြစ်များ

2 SAMUEL 3:27

Ekem ke ini Abner afiakde okosim Hebron, Joab ada enye ɔkpɔnɔre ada ke inua-otop, ete idɔhɔ ikɔ suŋ-suŋ ye enye; ndien okim enye do ke idibi owot, abaŋa iyip Asahel eyen-eka esie.

2 NDIDEM 25:25

Edikem ke ɔyɔhɔ ɔfiɔŋ itiaba, Ishmael eyen Nethaniah, eyen Elishama, emi otode ke ubon edidem ye owo duop ŋko, eka eketɔ Gedaliah ewot, ye mme Jew, ye mme Chaldean emi edude ye enye ke Mizpah.

ŊWED MME PSALM 109:5

Mmɔ enyuŋ edori mi idiɔk ke usiene eti, ye usua ke ibuot ima mi.

ŊWED MME PSALM 41:9

Kpa owo emi edide ufan mi, emi mbuɔtde idem mi ye enye, emi adiade udia mi, ememen ukot etiga mi.

JEREMIAH 40:14

Ndien mmɔ edɔhɔ enye, ete, Nte afo ufiɔkke ete ke Baalis, edidem nditɔ Ammon, ɔmɔdɔŋ Ishmael eyen Nethaniah utom, ete ediwot fi? Edi Gedaliah eyen Ahikam inimke uyo mmɔ ke akpanikɔ.

JEREMIAH 40:16

Ndien Gedaliah eyen Ahikam ɔdɔhɔ Johana eyen Kareah, ete, Kunam ŋkpɔ emi: koro afo ososu abaŋa Ishmael.

JEREMIAH 40:5

Ndien ke enye (Jeremiah) mika-ibɔrɔke kaŋa, (enye eken ɔdɔhɔ, ete,) Fiak ka ke ɔtɔ Gedaliah eyen Ahikam, eyen Shapham, emi edidem Babylon onimde ke etubom mme obio Judah, nyuŋ tie ye enye ke otu mbio-obio; midige ntre, ka ke ebiet ekededi eke afo amade ndika do. Ndien etubom mbon ukpeme ɔnɔ enye udia usuŋ ye enɔ, onyuŋ ayak enye aka.

JEREMIAH 40:7

Ekem kpukpru mme etubom mbon-ekɔŋ emi edude ke iŋwaŋ mmɔ ye ikɔt mmɔ edikop, ete ke edidem Babylon okonim Gedaliah eyen Ahikam ke etubom ke isɔŋ, okonyuŋ ada iren-owo, ye iban ye nditɔwɔŋ, ye ndusuk mbon ubuene, ubak mmɔ emi miketaŋke ifep ika Babylon, onim ye enye;

JEREMIAH 40:8

ndien mmɔ eka ke ɔtɔ Gedaliah ke Mizpah, kpa Ishmael eyen Nethaniah, ye Johanan ye Jonathan nditɔ Kareah, ye Seraiah eyen Tanhumeth, ye nditɔ Ephai Netophathite, ye Jezaniah eyen Maachathite kiet, mmɔ ye ikɔt mmɔ.

JEREMIAH 41:3

Ishmael onyuŋ owot kpukpru mme Jew emi edude ye enye, kpa ye Gedaliah ke Mizpah, ye mme Chaldean kpa mbon-ekɔŋ emi ekutde do.

JOHN 13:18

Ntiŋke mbaŋa mbufo kpukpru; mmɔfiɔk mmɔ emi ŋkemekde: edi ŋkpɔ etie ntem man osu nte ewetde ete, Adia-udia Mi osio ukot atiga Mi.