JEREMIAH 40:5 - Edisana ñwed Abasi Ibom

⁵ Ndien ke enye (Jeremiah) mika-ibɔrɔke kaŋa, (enye eken ɔdɔhɔ, ete,) Fiak ka ke ɔtɔ Gedaliah eyen Ahikam, eyen Shapham, emi edidem Babylon onimde ke etubom mme obio Judah, nyuŋ tie ye enye ke otu mbio-obio; midige ntre, ka ke ebiet ekededi eke afo amade ndika do. Ndien etubom mbon ukpeme ɔnɔ enye udia usuŋ ye enɔ, onyuŋ ayak enye aka.

JEREMIAH 40:5 ပူးပေါင်းရင်းမြစ်များ

2 NDIDEM 22:12

Ndien edidem eteme Hilkiah oku, ye Ahikam eyen Shaphan, ye Achbor eyen Micaiah, ye Shaphan andiwet ŋwed, ye Asaiah owo edidem kiet, ete,

2 NDIDEM 22:14

Ndien Hilkiah oku, ye Ahikam, ye Achbor, ye Shaphan, ye Asaiah, eka ke ɔtɔ Huldah prophet aŋwan, ŋwa Shallum eyen Tikvah, eyen Harhas, emi akamade edisine-ŋkpɔ; (ndien enye oduŋ ke Jerusalem, ke edem obio eken); ndien mmɔ eneme nneme ye enye.

2 CHRONICLES 34:20

Ndien edidem eteme Hilkiah, ye Ahikam eyen Shaphan, ye Abdon eyen Micah, ye Shaphan andiwet ŋwed, ye Asaiah owo edidem kiet, ete,

EZRA 7:27

Etoro Jehovah abasi mme ete nnyin, emi ekesinde edidem oruk ekikere emi ke esit, ete ɔdiɔŋ ufɔk Jehovah emi odude ke Jerusalem:

EZRA 7:6

enye Ezra oto ke Babylon ɔdɔk, ndien enye edi owo ŋwed emi otimde ɔfiɔk ŋwed ibet Moses, emi Jehovah Abasi Israel ɔkɔnɔde: ndien oto ke ubɔk Jehovah Abasi esie emi odude ye enye, edidem ɔnɔ enye kpukpru se enye ebeŋede.

NEHEMIAH 1:11

Mbɔk, O Ɔbɔŋ, kpaŋ utɔŋ fo ke mkpeubɔk owo fo, ye ke mkpeubɔk ikɔt fo emi emade ndibak enyiŋ fo: mbɔk, nyuŋ nam owo fo okut unen mfin emi nyuŋ nam owo emi atua enye mbɔm. Ndien ami ndi akama-wine edidem.

ŊWED JOB 22:29

Ke ini emende owo eduɔk ke isɔŋ, afo eyedɔhɔ, ete, Emenere enim ke enyɔŋ: ndien eyenyaŋa owo eke ɔfuhɔde.

MME ŊKE 16:7

Ke adaŋemi usuŋ owo enemde Jehovah esit, enye anam idem mme asua esie etie emem-emem ye enye.

MME ŊKE 21:1

ESIT ɔbɔŋ edi idim mmɔŋ ke ubɔk Jehovah: enye akabare enye nte amade.

JEREMIAH 15:11

Jehovah ɔdɔhɔ, ete, Nditreke nditat fi nnɔ mfɔn; nditreke ndinam mme asua ekpe fi ubɔk ke ini idiɔk ye ke ini ukut.

JEREMIAH 26:24

Edi ubɔk Ahikam eyen Shaphan ada ye Jeremiah, ete ekusin enye ke ubɔk mbio-obio, ete ekewot enye.

JEREMIAH 39:14

edɔŋ ekesio Jeremiah ke okure ufɔk ukwak, ndien eda enye enɔ Gedaliah eyen Ahikam, eyen Shaphan, ete osio enye aka ufɔk esiemɔ. Ndien enye ɔduŋ ke otu mbio-obio.

JEREMIAH 40:4

Sese, ndien, mfin emi ŋkpɔhɔre fi ŋkpɔkɔbi emi edude fi ke ubɔk. Edieke afo amade nditiene mi ndi Babylon, di; ndien ami nyetiŋ fi enyin mi ke idem; edieke mumaŋa nditiene mi ndi Babylon, yak etie: sese, ofuri isɔŋ emi ana fi ke iso: ka ke ebiet ekededi eke ɔfɔnde onyuŋ enende fi ke enyin ndika do.

JEREMIAH 41:1

EDIKEM ke ɔyɔhɔ ɔfiɔŋ itiaba, Ishmael eyen Nethaniah, eyen Elishama, emi otode oruk edidem, ye ikpɔ owo edidem, ye owo duop ŋko, edi edisim Gedaliah, eyen Ahikam, ke Mizpah; ndien mmɔ edia ŋkpɔ do ɔtɔ kiet ke Mizpah.

JEREMIAH 41:18

ebak mme Chaldean, koro efehede mmɔ, koro Ishmael eyen Nethaniah okowotde Gedaliah eyen Ahikam, emi edidem Babylon okonimde ke etubom isɔŋ.

JEREMIAH 41:2

Ndien Ishmael eyen Nethaniah, ye owo duop oro edude ye enye, edaha ke enyɔŋ ekpi Gedaliah eyen Ahikam, eyen Shaphan, ke ofut, ewot enye, emi edidem Babylon okonimde ke etubom isɔŋ.

UTOM MME APOSTLE 27:3

Ke ndaŋ-nsiere nnyin idian ke Sidon; do Julius owut Paul mfɔn-ido, ayak enye aka ekese mme ufan esie, man idem atara enye.

UTOM MME APOSTLE 27:43

Edi ɔdɔŋ etubom mbon-ekɔŋ ndinyaŋa Paul; ntre ke enye ɔbiɔŋɔ mmɔ ndinam uduak oro. Enye onyuŋ ɔnɔ uyo ete, mmɔ eke ekemede ndiwɔk ewɔk ebem iso eduɔ ke mmɔŋ ekesim isɔŋ;

UTOM MME APOSTLE 28:10

Mmɔ enyuŋ ekpono nnyin eti-eti, ndien ke ini iyomde ndisio, mmɔ enɔ nnyin kpukpru se inanade nnyin.

MME HEBREW 13:6

Ntre ke nnyin imekeme ndisɔŋɔ esit ndɔhɔ ete, Jehovah edi Andiŋwam mi, ndifeheke ndik: Nso ke owo edikeme ndinam mi?