JEREMIAH 4:9 - Edisana ñwed Abasi Ibom

⁹ Jehovah onyuŋ, ɔdɔhɔ, ete, Ama ekem ke usen oro, esit eyeduɔ edidem, esit eyenyuŋ ɔduɔ mbɔŋ; idem eyenyuŋ akpa mme oku, mme prophet eyenyuŋ eyik.

JEREMIAH 4:9 ပူးပေါင်းရင်းမြစ်များ

2 NDIDEM 25:4

Ekem ebuŋ obio, kpukpru mbon-ekɔŋ enyuŋ efeŋe ke okoneyo ke usuŋ inua-otop ke ufɔt ibibene mbiba emi ekperede iŋwaŋ-esa edidem: (koro mme Chaldean enyuŋ ekan obio ekuk:) ndien (edidem) efehe aka usuŋ una-isɔŋ.

ŊWED MME PSALM 102:4

Ebɔŋ mi esit, esit onyuŋ eyemere nte mbiet: koro mmefre ndidia udia mi.

ISAIAH 19:16

Ke usen oro Egypt eyebiet iban: eyenyuŋ enyek, onyuŋ edikhe abaŋa mfuŋ-ubɔk Jehovah mme udim emi Enye ofuŋde ese enye.

ISAIAH 19:3

Ndien eyeŋwaŋa Egypt spirit esie ke idem efep; nyeyuŋ mmen uduak esie nsin ke idibi: ndien mmɔ eyebine mme ibɔk, ye mbia-inuen, ye mme nsaŋa ekpo, ye mbia-idiɔŋ.

ISAIAH 28:19

Adaŋa ini nte ebede, enye eyeda mbufo, koro enye eyebe kpupkru usenubɔk, ke uwemeyo ye ke okoneyo: ndien erifiɔk ŋkpɔ eke edikopde edidi ndik-ndik.

JEREMIAH 2:26

Kpa nte but anamde inɔ, koro emumde enye, kpa ntre ke but edinam ufɔk Israel, mmɔ, ye ndidem mmɔ, ye mbɔŋ mmɔ, ye mme oku mmɔ, ye mme prophet mmɔ.

JEREMIAH 25:34

Mbufo mme ekpemerɔŋ eseme enyuŋ efiori; mme etubom ufene, mbufo emiaŋa ke ntɔŋ: koro ekemde ke usen nte ewotde mbufo enyuŋ esuande mbufo; ndien mbufo eyeduɔŋɔ nte ŋkpɔ uto.

JEREMIAH 37:19

Ndien mme prophet mbufo oro eketiŋde prophecy enɔ mbufo, ete, “Edidem Babylon ididige ekɔŋ ye mbufo ke isɔŋ emi”, edu mmɔŋ?

JEREMIAH 48:41

Eda mme obio, emum mkpɔsɔŋ ebiet, ndien esit mbon uko Moab ke usen oro eyebiet esit aŋwan uman.

JEREMIAH 5:31

mme prophet etiŋ prophecy nsunsu, mme oku enyuŋ eda ubɔk mmɔ ekan obio; ikɔt mi enyuŋ ema ntre: ndien mbufo edinam didie ke ukperedem esie?

JEREMIAH 52:7

Ndien obio ɔbuŋɔ, kpukpru mbon-ekɔŋ enyuŋ efeŋe, eto ke obio ewɔŋɔ ke okoneyo, eka ke usuŋ inua-etop ke ufɔt ibibene iba emi ekperede iŋwaŋ-esa edidem; mme Chal-dean enyuŋ ekan obio ekuk; ndien mmɔ eka usuŋ una-isɔŋ.

UTOM MME APOSTLE 13:41

Mbufo emi esuenede Jehovah, ese, enyuŋ eyik, enyuŋ etak; Koro mmanam erinam ke eyo mbufo, Kpa erinam eke mbufo midinimke ke akpanikɔ, owo ekpetetiŋ ɔnɔ mbufo.