JEREMIAH 4:8 - Edisana ñwed Abasi Ibom

⁸ Mbufo eda ɔfɔŋ-ikpo ebɔbɔ ke idem ebaŋa ŋkpɔ emi, etuaŋa enyuŋ eseme: koro ifiopesit Jehovah midiwɔŋɔ-kede ikpɔŋ nnyin.

JEREMIAH 4:8 ပူးပေါင်းရင်းမြစ်များ

ŊWED MME PSALM 78:49

Enye ɔdɔŋ ikaŋ iyaresit esie etiene mmɔ, ye ifuresit, ye ikpahesit, ye ndutuhɔ; ke ɔdɔŋ mme idiɔk angel utom ke ɔtɔ mmɔ.

ISAIAH 10:4

Mikpedige ami mmɔ ekpenuhɔ ke otu mbuot ekɔŋ, ekpenyuŋ eduɔŋɔ ke otu mme akpaŋa afai. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 13:6

Mbufo etuaŋa; koro usen Jehovah emekpere: ɔmɔŋ edi nte nsobo eke otode Ata Ɔkpɔsɔŋ.

ISAIAH 22:12

Ndien ke usen oro Ɔbɔŋ Jehovah mme udim okot eyet, ye eseme, ye ibɔ, ye ukune ɔfɔŋ-ikpo.

ISAIAH 32:11

Mbufo iban unana ekikere enyek idem: iban ndue-idem, mbufo etimere; esioŋo ŋkpɔ ke idem, etie iferi, ebɔbɔ ŋkpɔ ke isin.

ISAIAH 5:25

Oro esin Jehovah obumerede iyaresit ye ikɔt esie, onyuŋ anyan ubɔk esie odori mmɔ ke idem, onyuŋ ɔtɔ mmɔ: ndien ikpɔ obot enyek idem, mme okpo mmɔ enyuŋ ena nte ifum ke efak. Ofuri ŋkpɔ emi isinke iyaresit esie afiak edem, edi enye osuk anyanyan ubɔk esiemɔ.

ISAIAH 9:12

Syria ke iso, ye mme Philistine ke edem; ndien mmɔ eyeŋwaŋade inua eta Israel. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 9:17

Oro esin mkparawa mmɔ midinemke Ɔbɔŋ esit, esin enye mituaha nditɔ-akpa mmɔ, ye mme ebe-akpa mmɔ mbɔm: koro kpukpru mɔ edide mme oburobut ye mme anam idiɔk, kpukpru inua enyuŋ edɔhɔ ndisime. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 9:21

Manasseh ata Ephraim: Ephraim onyuŋ ata Manasseh; mmɔ mbiba enam ikɔ ye Judah. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

JEREMIAH 25:34

Mbufo mme ekpemerɔŋ eseme enyuŋ efiori; mme etubom ufene, mbufo emiaŋa ke ntɔŋ: koro ekemde ke usen nte ewotde mbufo enyuŋ esuande mbufo; ndien mbufo eyeduɔŋɔ nte ŋkpɔ uto.

JEREMIAH 30:24

Ikaŋ iyaresit Jehovah idikabakede, tutu enye anam, tutu enye onyuŋ ama uduak esit esie; mbufo eyekere enye ke utit usen.

JEREMIAH 48:20

But anam Moab, koro enye owurede: fiori nyuŋ seme; mbufo etiŋ ke Arnon, ete ke Moab amabiara.

JEREMIAH 6:26

O adiaha ikɔt mi, bɔbɔ ɔfɔŋ-ikpo ke idem, nyuŋ duɔŋɔ ke ntɔŋ: nam ntua-eyet ikpɔŋ eyen; seme ata ndot-ndot eseme: koro owo eke osobode eyebuat nnyin ke isɔrɔ kiet.

ŊWED ESEME 1:12

Nte mbufo emi esaŋade ke usuŋ ebe ikereke? Mbufo etiŋ enyin enyuŋ ese me ndutuhɔ odu eke ebietde ndutuhɔ emi enamde mi, emi Jehovah ɔkɔtuhɔde mi ke usen ikaŋ iyaresit esie.

EZEKIEL 21:12

Fiori nyuŋ seme, O eyen owo: koro enye eyedoro ikɔt mi ke idem: enye eyedoro kpukpru mbɔŋ Israel ke idem: emeyak mmɔ enɔ ofut ye ikɔt mi: tuak ndien ifuhi.

EZEKIEL 30:2

Ntem ke Ɔbɔŋ Jehovah ɔdɔhɔ ete, Mbufo eseme, ete, Mbɔm usen emi!

JOEL 1:13

Mbufo mme oku ebɔbɔ mbɔbɔ, enyuŋ etuaŋa: mbufo mme anam-ŋkpɔ itie-uwa eseme: mbufo mme anam-ŋkpɔ Abasi mi edi edina ke ɔfɔŋ-ikpo ke ofuri okoneyo: koro ebɔde ufɔk Abasi mbufo inuak-udia ye uwa ediŋwɔŋ-ŋkpɔ efep.

AMOS 8:10

ndien nyekabare usɔrɔ mbufo nsin ke ntuaŋa, ye kpukpru ikwɔ mbufo nsin ke eseme; ndien nyeda ɔfɔŋ-ikpo nsine kpukpru owo ke isin; nnyuŋ ndori ibɔ ke kpukpru ibuot, nnyuŋ nnim enye ke ntuaŋa ikpɔŋ eyen: ndien utit esie eyedi ndot-ndot usen.

MICAH 1:16

Sin ibɔ, nyuŋ fat idet baŋa edima nditɔ fo: nam ufaŋ ibɔ fo aŋwaŋa nte ntrukpom: koro etaŋde mmɔ efep ekpɔŋ fi.

NUMBERS 25:4

Jehovah onyuŋ ɔdɔhɔ Moses, ete, Da kpukpru mme etubom mbio emi; ndien yiri mmɔ oro ke iso utin nɔ Jehovah, man ifiopesit Jehovah ɔkpɔŋ Isarel.