JEREMIAH 4:7 - Edisana ñwed Abasi Ibom

⁷ Lion oto ke mfuhɔ ikɔt esie ɔdɔk, andisobo mme idut onyuŋ otibi isaŋ; oto ke ebiet esie, ete inim isɔŋ fo ke nsobo; mme mbio fo eyebiara, ndien baba owo kiet eke oduŋde ididuhe.

JEREMIAH 4:7 ပူးပေါင်းရင်းမြစ်များ

2 NDIDEM 24:1

KE eyo esie Nebuchadnezzar edidem Babylon ɔdɔk edi, ndien Jehoiakim akabare edi owo esie ke isua ita, ndien akabare ɔsɔŋ ibuot ye enye.

2 NDIDEM 25:1

EDIKEM ke ɔyɔhɔ isua usukkiet nte enye akada ubɔŋ, ke ɔyɔhɔ ɔfiɔŋ duop, ke ɔyɔhɔ usen ɔfiɔŋ duop, Nebuchadnezzar edidem Babylon, ye ofuri udim-ekɔŋ esie edi ekɔŋ ye Jerusalem, edikan enye ekuk.

ISAIAH 1:7

Esobo isɔŋ mbufo, mme obio mbufo eta ikaŋ; ama edi obot iŋwaŋ mbufo, isen owo ke edia enye ke iso mbufo, enyuŋ esobo enye nte ŋkpɔ eke isen owo ebiatde.

ISAIAH 5:9

Jehovah mme udim ɔdɔhɔ mi ke utɔŋ, ete, Kakpan ediwak ufɔk, ikpɔ ye nti, eyekabare edi ŋwure, koro owo eke oduŋde miduhe.

ISAIAH 6:11

Ndien enye ɔbɔrɔ, ete, Tutu mme obio ewure enana mme andiduŋ, mme ufɔk enyuŋ ebiara enana owo, isɔŋ onyuŋ abiara fap,

JEREMIAH 2:15

Nsinam ndien enye akabarede edi ŋkpɔ mbume? Mkparawa lion ke ekuni enye, emenere uyo mmɔ, enyuŋ enim isɔŋ esie ke ŋkpɔ nsobo: mme obio esie emenyuŋ eta ikaŋ, enana owo eke oduŋde.

JEREMIAH 22:6

Koro ntem ke Jehovah ɔdɔhɔ abaŋa ufɔk edidem Judah, ete, Mbat fi nte Gilead, kpa ibuot Lebanon: edi nyakabare fi edi wilderness, kpa obio eke owo miduŋke.

JEREMIAH 22:7

Ndien nyenim owo eke esobode fi, kpukpru mmɔ ye ŋkpɔ ekɔŋ mmɔ: ndien mmɔ eyesibe ata ndimek cedar esie, emen eduɔk ke ikaŋ.

JEREMIAH 25:38

Enye ɔmɔkpɔŋ mfuhɔ ikɔt esie nte lion: koro isɔŋ mmɔ amakabare edi se mmɔ ebiatde, kabaŋa iyaresit owo ŋkanubɔk, ye ikaŋ iyaresit esie.

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

JEREMIAH 26:9

Nsinam afo etiŋde prophecy ke enyiŋ Jehovah, ete, Ufɔk emi eyebiet Shiloh, obio emi eyenyuŋ abiara, tutu owo eke oduŋde iduhe? Ndien kpukpru owo esop idem enam ikɔ ye Jeremiah ke ufɔk Jehovah.

JEREMIAH 27:8

Ndien ama edi idut ye obio eke midinyimeke ndinam ŋkpɔ nnɔ enye, kpa Nebuchadnezzar edidem Babylon, ye eke midinyimeke ndisin itɔŋ mmɔ ke ɔkpɔnɔ edidem Babylon, ami nyeda ofut, ye biɔŋ, ye idiɔk udɔŋɔ nnɔ idut oro ufen, tutu mma mmɔ ke ubɔk esie; emi edi uyo Jehovah.

JEREMIAH 33:10

Ntem ke Jehovah ɔdɔhɔ, ete, Ke ebiet emi mbufo edɔhɔde ete ke enye omosobo, anana owo, onyuŋ anana ufene, ke mme obio Judah ye ke mme efak Jerusalem, emi ebiarade enana owo, enyuŋ enana andiduŋ, enyuŋ enana ufene,

JEREMIAH 34:22

Jehovah ɔdɔhɔ ete, Sese, ami mmɔŋ ŋwuk, nnyuŋ nda mmɔ mfiak ndi ke obio emi; ndien mmɔ eyeŋwana ekɔŋ ye enye, enyuŋ eda enye, enyuŋ efɔp enye ke ikaŋ: ndien nyenim mme obio Judah ke ŋkpɔ nsobo tutu anana owo eke oduŋde.

JEREMIAH 4:29

Uyom mme horse ye eke mme otop-utiga eyesin ofuri obio efeŋe: mmɔ eduk ke mfuhɔ ikɔt, enyuŋ edɔk ke ikpɔ itiat: ekpɔŋ kpukpru obio, baba owo kiet eke oduŋde mmɔ ke esit inyuŋ iduhe.

JEREMIAH 44:2

Ntem ke Jehovah mme udim Abasi Israel ɔdɔhɔ, ete, Mbufo emekut ofuri idiɔk-ŋkpɔ oro ŋkadade ntiene Jerusalem, ye kpukpru mme obio Judah; ndien, sese, mmɔ ebiara mfin, baba owo kiet eke oduŋde mmɔ ke esit inyuŋ iduhe,

JEREMIAH 46:18

Edidem emi enyiŋ esie edide Jehovah mme udim ɔdɔhɔ, ete, Ma uwem mi, nte Tabor ke otu ikpɔ obot, ye nte Carmel ke mben inyaŋ, enye eyedi.

JEREMIAH 49:19

Sese, enye eyeto ke iseri Jordan nte lion, ɔdɔk aka ke iduŋ ata ɔkpɔsɔŋ: koro nyeyip enyin nnam enye oto ke esit efehe ndien anie edi edimek owo eke ndinimde ke etubom esie? Koro anie ebiet mi? Anie edinyuŋ odori ini ɔnɔ mi? Anie owo onyuŋ edi ɔbɔk ufene eke edidade ke iso mi?

JEREMIAH 5:6

Mmɔdo lion eyeto ke akai owot mmɔ, wolf mbubreyo eyesobo mmɔ: ekpe eyekpeme obio mmɔ: eyeta kpukpru owo eke ewɔŋɔde ke esit: koro mme idiɔk ido mmɔ ewakde, mfiakedem mmɔ onyuŋ ɔdɔdiɔŋ ɔsɔŋ.

JEREMIAH 50:17

Israel edi erɔŋ eke esuanade: mme lion emebin enye efep: edidem Assyria ama ebem iso adia enye; ndien ke emi Nebucha-drezzar edidem Babylon emi etiene edem obuŋ enye ɔkpɔ.

JEREMIAH 50:44

Sese, enye eyeto ke iseri Jordan nte lion, ɔdɔk aka ke iduŋ ata ɔkpɔsɔŋ: koro nyeyip enyin nnam enye oto ke esit efehe, ndien anie edi edimek owo eke ndinimde ke etubom esie? Koro anie ebiet mi? Anie edinyuŋ odori ini ɔnɔ mi? Anie owo onyuŋ edi ɔbɔk ufene eke edidade mi ke iso?

JEREMIAH 8:16

Ekop nte mme horse esie efiaride ke Dan: uyo emi mkpɔsɔŋ horse esie esiorode esin ofuri isɔŋ enyek; ndien mmɔ eyedi edidia isɔŋ ye kpukpru se iyɔhɔde ke esit, edia obio ye mmɔ eke eduŋde ke esit.

JEREMIAH 9:11

Ndien nyenim Jerusalem ke ibombom, ye ke nna mme jackal; nyenyuŋ nnim mme obio Judah; ke ndobo, enana owo eke eduŋde.

EZEKIEL 12:20

Mmɔ eyenyuŋ esuan mme obio emi eduŋde, isɔŋ ŋko eyekabare edi ndon; ndien mbufo eyefiɔk ete ke ami ndi Jehovah.

EZEKIEL 21:31

Ndien nyeŋwaŋa fi ikpahesit mi ke idem, nyeda ikaŋ iyaresit mi mfuri fi, nnyuŋ nda fi nsin ke ubɔk mbon afai, mbon-usɔ ŋkpɔ eke osobode nsobo.

EZEKIEL 32:2

Eyen owo, men ikwɔ eseme baŋa Pharaoh edidem Egypt, nyuŋ dɔhɔ enye, ete, Afo ekebiet akparawa lion mme idut, afo onyuŋ edi ofiom ke akwa mmɔŋ, onyuŋ oto ke mme akpa mmɔŋ fo obumere ɔwɔrɔ, onyuŋ etimere mmɔŋ ke ukot fo, onyuŋ anam mmɔŋ mmɔ edehe.

DANIEL 5:19

ndien ubom oro Enye ɔkɔnɔde enye esin kpukpru mme idut ye obio ye usem edikhe enye, enyuŋ enyek ke iso esie; enye owot owo eke enye amade, onyuŋ ada owo eke enye amade onim ke uwem; ofori mmɔ eke enye amade, onyuŋ ɔsuhɔre mmɔ eke enye amade.

DANIEL 7:4

Akpa ebiet lion, onyuŋ enyene mba ntrukpom. Ŋkut tutu edibere enye mba, enyuŋ emenere enye ekpɔŋ isɔŋ, enyuŋ emenere enye ewuk ke ukot esie nte owo, enyuŋ enɔ enye esit owo.

LEVITICUS 26:31

Nyenyuŋ ŋwuri mme obio mbufo, nnyuŋ nnam mme edisana ebiet mbufo ekabare ndon, ndinyuŋ ŋŋwuneke edinem utebe mbufo.

LEVITICUS 26:33

Nyenyuŋ nsuan mbufo ke otu mme idut, nnyuŋ ndabare ofut mbine mbufo; ndien isɔŋ mbufo eyedobo, mme obio mbufo eyenyuŋ ewure.