JEREMIAH 4:6 - Edisana ñwed Abasi Ibom

⁶ Mbufo emenere banner ke enyɔŋ ke Zion: efeŋe itɔk: ekutuak eda: koro ami mmɔŋ nda idiɔk ye akwa ŋwure ke edem edere ndi.

JEREMIAH 4:6 ပူးပေါင်းရင်းမြစ်များ

ISAIAH 62:10

Mbufo esaŋa ke mme inua-otop, esaŋa ebe; ediɔŋ usuŋ mbio-obio; ekubi ɔkpɔ-usuŋ; etaŋ mme itiat efep; emenere banner enɔ mbio-obio.

JEREMIAH 10:22

Uyo etop! sese, ke edi. Akamba mkpo onyuŋ oto ke idut edere edi, ndinim mme obio Judah ke ŋkpɔ nditaha, ye ke iduŋ mme jackal.

JEREMIAH 18:11

Kam dɔhɔ ndien ye mbio Judah ye mme andiduŋ Jerusalem, ete, Ntem ke Jehovah ɔdɔhɔ ete, Sese, ami mmɔŋ mbot idiɔk-ŋkpɔ mbaŋa mbufo, nnyuŋ nduak uduak mbaŋa mbufo: yak kpukpru mbufo ndien kiet kiet ekabare ekpɔŋ idiɔk usuŋ mbufo, mbufo enyuŋ eneŋere usuŋ mbufo ye ido mbufo.

JEREMIAH 21:7

Jehovah onyuŋ ɔdɔhɔ ete, Ke ini ŋkpɔ oro ebede, nyeda Zedekiah, edidem Judah, ye ikɔt esie, ye mbio-obio, ye mmɔ eke udɔŋɔ ye ofut ye akaŋ esuhɔde ke obio emi, nsin Nebuchadrezzar edidem Babylon ke ubɔk, ye ke ubɔk mme asua mmɔ, ye ke ubɔk mmɔ eke eyomde uwem mmɔ: ndien enye eyekpeŋe mmɔ ke iso ofut; idituaha mmɔ, idinyuŋ iyakke mmɔ, idinyuŋ inyeneke mbɔm.

JEREMIAH 22:7

Ndien nyenim owo eke esobode fi, kpukpru mmɔ ye ŋkpɔ ekɔŋ mmɔ: ndien mmɔ eyesibe ata ndimek cedar esie, emen eduɔk ke ikaŋ.

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

JEREMIAH 4:21

Adaŋa didie ke ndikut banner, nnyuŋ ŋkop uyo ukorowo?

JEREMIAH 50:2

Mbufo etiŋ, ke otu mme idut enyuŋ ekwɔrɔ, enyuŋ emenere banner, ekwɔrɔ, ekudip; edɔhɔ ete, Ema emum Babylon, but anam Bel, Merodach amasuana; but anam mbiet esie, ekpat eto esie emesuana.

JEREMIAH 50:22

Uyom ekɔŋ odu ke isɔŋ, ye eke akwa ŋwure.

JEREMIAH 51:12

Mbufo emenere banner ke ibibene Babylon, enam mme itie-ukpeme esɔŋ, enim owo eke ekpemede, etim mbon-udibe: koro Jehovah amaduak omonyuŋ anam se enye ɔkɔdɔhɔde abaŋa, mme andiduŋ Babylon.

JEREMIAH 51:27

Mbufo emenere banner ke isɔŋ, efuri ukorowo ke otu mme idut, etim mme idut ete eŋwana ye enye, ekot mme idut Ararat, ye Minni, ye Ashkenaz, ete edi ekɔŋ ye enye: enim etubom ekɔŋ ebaŋa enye; eda horse eke ebietde ŋkukuŋkpɔyɔripɔ ŋkɔi edɔk.

JEREMIAH 51:54

Uyom eseme oto ke Babylon, ye eke akwa ŋwure onyuŋ oto ke isɔŋ mme Chaldean.

JEREMIAH 6:1

MBUFO nditɔ Benjamin ewɔŋɔ ke ufɔt Jerusalem efeŋe, enyuŋ efuri ukorowo ke Tekoa, enyuŋ emenere ŋkpɔ idiɔŋɔ ke enyɔŋ ke Beth-haccherem: koro idiɔk-ŋkpɔ ye akwa ŋwure etiede ke edem edere ese.

JEREMIAH 6:22

Ntem ke Jehovah ɔdɔhɔ, ete, Sese, idut kiet oto ke edem edere edi, akamba idut eyenyuŋ edemere ke ŋkaŋ ererimbot.

EZEKIEL 9:1

NDIEN enye ofiori mi akwa uyo ke utɔŋ, ete, Yak mmɔ eke ekpemede obio esaŋa ekpere, kpukpru owo ye ŋkpɔ afai mmɔ ke ubɔk.

EZEKIEL 9:2

Ndien sese, owo itiokiet eto ke enyɔŋ-enyɔŋ usuŋ inua-otop emi esede edem edere, kpukpru owo ye ŋkpɔ ekɔŋ mmɔ ke ubɔk; owo kiet emi esinede ɔfɔŋ-idem linen onyuŋ odu ke otu mmɔ, ndien enye ɔkɔŋɔ ekpeme ewet-ŋwed ke isin esie: ndien mmɔ eduk edida ke ŋkaŋ itie-uwa okpoho.

ZEPHANIAH 1:10

Jehovah onyuŋ ɔdɔhɔ, ete, Ndien ama ekem ke usen oro, uyo mfiori eyeto ke inua-otop iyak: ntuaŋa eyenyuŋ oto ke edem obio eken; akwa nsobo eyenyuŋ oto ke ŋkpri obot (ete),

ZECHARIAH 6:6

Eke mbubit horse edude ke esit eto eka idut edem edere; mfia enyuŋ etiene mmɔ eka; ndien mme ntɔi-ntɔi enyuŋ ewɔŋɔ eka edem usuk.