JEREMIAH 4:4 - Edisana ñwed Abasi Ibom

⁴ O mbio Judah, ye mme andiduŋ Jerusalem, mbufo ena mbobi enɔ Jehovah, enyuŋ esibe esit mbufo edut efep: mbak ifiopesit mi ediwɔrɔ nte ikaŋ, onyuŋ ata, ndien baba owo kiet eke onimede iduhe, abaŋa mme idiɔk ido mbufo.

JEREMIAH 4:4 ပူးပေါင်းရင်းမြစ်များ

2 CHRONICLES 34:25

koro mmɔ emekpɔŋ mi, enyuŋ efɔp uwa enɔ mme abasi efen, man mmɔ eyat mi esit ke kpukpru se ubɔk mmɔ enamde mmɔdo ndiŋwaŋade iyaresit mi ke ebiet emi, ndien enye idinimeke.

ISAIAH 10:17

Ndien uŋwana Israel eyekabare edi ikaŋ, Edisana Abasi esie eyenyuŋ edi edemikaŋ: ndien eyefɔp onyuŋ ata akpap ye ikɔt ŋkukim esie ke usen kiet;

ISAIAH 30:33

Koro ema etim Topheth ebigi; ema enyuŋ ediɔŋ enye enɔ edidem; enye ama otuŋ enye, ama onyuŋ anam okpon: ebok ikaŋ ye ifia emekpon: ibifik Jehovah, nte akpa brimstone, ɔfɔp enye.

ISAIAH 51:17

Demere, demere, daha ke enyɔŋ, Jerusalem, emi ɔkɔbɔde Jehovah cup iyaresit esie ke ubɔk ɔŋwɔŋ; afo ɔkɔŋwɔŋ bowl, kpa cup ufum, ɔkɔrɔde.

JEREMIAH 15:14

Ndien nyenam mme asua fo ebe eduk ke idut kiet eke afo mufiɔkke: koro ikaŋ obuberede ke iyaresit mi, eyesak mbufo ke idem.

JEREMIAH 21:12

O ufɔk David, ntem ke Jehovah ɔdɔhɔ ete, Mbufo ebiere ikpe ke usenubɔk, enyuŋ esio owo eke ebumede ke ubɔk andituk, mbak ifuresit mi ediwɔrɔ nte ikaŋ onyuŋ asak, baba owo kiet eke onimede idinyuŋ iduhe, kabaŋa mme idiɔk ido mbufo.

JEREMIAH 21:5

Ndien ami nyeŋwana ekɔŋ ye mbufo ke edinyanare ita, ye ke ɔkpɔsɔŋ ubɔk, ye ke akwa iyaresit ye ifuresit ye ikpahesit.

JEREMIAH 23:19

Sese, oyobio Jehovah ɔwɔrɔ ke iyaresit, kpa ibumere-ibumere oyobio: eyebumere ɔtɔ mme idiɔk owo ke ibuot.

JEREMIAH 36:7

Mme mmɔ eyesuhɔre idem mmɔ eseme ke iso Jehovah, kpukpru mmɔ enyuŋ efiak edem ekpɔŋ idiɔk usuŋ mmɔ: koro iyaresit ye ifuresit emi Jehovah ɔkɔdɔhɔde abaŋa mbio-obio emi ekponde.

JEREMIAH 44:22

Ndien Jehovah ikemeke aba ndiyɔ idiɔk ido mbufo, ye ŋkpɔ mbubiam emi mbufo enamde; ndien isɔŋ mbufo amakabare edi nsobo, ye ndobo, ye isuŋi, ndien owo eke oduŋde iduhe du, kpa nte edide mfin emi.

JEREMIAH 9:25

Jehovah ɔdɔhɔ ete, Sese, mme usen ke edi eke ndinɔde kpukpru mbon mbobi ufen ŋkɔrɔ ye mbon edut:

JEREMIAH 9:26

kpa Egypt, ye Judah, ye Edom, ye nditɔ Ammon, ye Moab, ye kpukpru mmɔ eke efatde ntaŋ-ebek, emi eduŋde ke wilderness: koro kpukpru mme idut edide edut, ofuri ufɔk Israel enyuŋ edi edut ke esit.

ŊWED ESEME 4:11

Jehovah ama ama ifuresit esie; amaŋwaŋa ikaŋ iyaresit esie. Enye omonyuŋ okim ikaŋ ke Zion, emi atade tutu osim ke isɔŋ esie.

EZEKIEL 16:38

Ndien nyekpe ikpe ye afo, kpa nte ekpede ikpe ye iban eke esinde efibe enyuŋ eduɔkde iyip; nnyuŋ nnɔ fi iyip ifuresit ye ufup.

EZEKIEL 18:31

Mbufo esioŋo kpukpru mme oburobut ido eke mbufo ekeduede ke esit ke idem mbufo efep; enyuŋ enam obufa esit ye obufa spirit esin mbufo ke idem: koro mbufo edinam didie ekpaŋa, O ufɔk Israel?

EZEKIEL 20:33

Ɔbɔŋ Jehovah ɔdɔhɔ ete. Ma uwem mi, nditreke ndikara mbufo ke ɔkpɔsɔŋ ita, ye ke edimenere ubɔk, ye ke ifuresit eke eŋwaŋade.

EZEKIEL 21:17

Ndien ami ŋko nyekwak ubɔk mi ke ubɔk mi, nnyuŋ nnam ifuresit mi ana: ami Jehovah ndɔhɔ.

EZEKIEL 24:13

Oburobut ido odu ke ndek fo: koro nnamde fi edi edisana, ndien afo usanake, idisioho aba fi ndek fo ke idem inam asana, tutu nda ifuresit mi ndori fi ke idem.

EZEKIEL 24:8

man ifuresit ɔdɔk, man esio usiene; mmada iyip esie nduɔk ke edisat itiat, man ekufuk enye.

EZEKIEL 44:7

koro mbufo emade mbon idut emi minaŋa mbobi ke esit, minyuŋ inaŋa mbobi ke obukidem, eduk, man mmɔ edu ke edisana ebiet mi, enyuŋ esabare ufɔk mi, ke adaŋemi mbufo edade uyo mi, ye ikpɔŋ, ye iyip edisɔk; ndien mmɔ ebiat ediomi mi, oto ke kpukpru mbubiam mbufo.

EZEKIEL 6:12

owo eke oyomde usuŋ eyekpa ke idiɔk udɔŋɔ; owo eke ekperede eyenyuŋ ɔduɔ ke ofut: ndien owo eke ɔsuhɔde, eke owo enyuŋ ekande enye ekuk, eyekpa biɔŋ: ntem ke ami ndima iyaresit mi ke idem mmɔ.

EZEKIEL 8:18

Ndien ami ŋko nyenam ke ifuresit: enyin mi idinyeneke mbɔm, ndinyuŋ nyakke: ndien mmɔ eyefiori mi ɔkpɔsɔŋ uyo ke utɔŋ, edi ndikopke uyo mmɔ.

LEVITICUS 26:28

ndien ami nyesaŋa ke ifuresit ye mbufo; ami ŋko nyemia mbufo utim ikatiaba mbaŋa mme idiɔk ido mbufo.

LEVITICUS 26:41

ye nte ami ŋko ŋkasaŋade ke ndusuara ye mmɔ, ŋkonyuŋ nda mmɔ nsin ke isɔŋ mme asua mmɔ; edieke edut esit mmɔ ɔsuhɔde ndien mmɔ enyuŋ enem esit ke ufen ukwaŋ-ŋkpɔ mmɔ:

AMOS 5:6

Mbufo eyom Jehovah, enyuŋ edu uwem, mbak enye edibumere nte ikaŋ ke ufɔk Joseph, onyuŋ ata enye, ndien baba owo kiet eke onimede enye iduhe ke Bethel.

ZEPHANIAH 2:2

ke ewuhɔ mika-imanke kaŋa; usen eyebe nte mbio ibokpot; ke ikaŋ iyaresit Jehovah mika-isimke kaŋa mbufo.

ŊWED MBON ROME 2:25

Koro ke akpanikɔ mbobi ɔfɔn fi edieke ononim ibet; edi edieke edide abiat-ibet, mbobi fo amakabare nte ŋkpɔ eke munaŋa mbobi.

DEUTERONOMY 10:16

Mbufo enim ndien esit mbufo mbobi, ekunyuŋ etun aba itun.

DEUTERONOMY 30:6

Ndien Jehovah Abasi fo eyenim esit fo mbobi, ye esit nditɔ fo, man afo ama Jehovah Abasi fo ke ofuri esit fo, ye ke ofuri ukpɔŋ fo, man afo odu uwem.

DEUTERONOMY 32:22

Koro ikaŋ obuberede ke iyaresit mi, eyenyuŋ ɔfɔp tutu osim ke udem hell, onyuŋ ata isɔŋ ye mbuŋwum-ŋkpɔ esie, onyuŋ okim ikaŋ ke itie obot.

ŊWED MBON COLOSSAE 2:11

Ke Enye ke ekenyuŋ enim mbufo mbobi eke midaha ubɔk owo inim, kpa mbobi eke edide erisio idiɔk udɔŋ obukidem mfep, kpa mbobi eke Christ onimde;