JEREMIAH 4:31 - Edisana ñwed Abasi Ibom

³¹ Koro ŋkopde uyo ebiet aŋwan uman, ubiak ebiet eke ŋwan eke amande akpan eyen, uyo adiaha zion, enye eŋwek, anyan ekaubɔk esie; ete, “Mbɔm mi ndien: koro mme owot-owo esinde ukpɔŋ akpa mi.”

JEREMIAH 4:31 ပူးပေါင်းရင်းမြစ်များ

GENESIS 27:46

mbufo mbiba ke usen kiet? Ndien Rebekah ɔdɔhɔ Isaac, ete, Nditɔ iban Heth esin uwem efek mi; edieke Jacob ɔdɔde ŋwan ke otu nditɔ-iban Heth, nte mmɔ emi ke otu iban isɔŋ emi, uwem mi ɔfɔn ke nso?

ŊWED JOB 10:1

UWEM mi efek ukpɔŋ mi, nyeyak idem mi nnɔ eseme mi; nyedɔhɔ ikɔ ke iyaresit mi.

ŊWED MME PSALM 120:5

Mbɔm mi, koro ndaŋde ke Meshech, nnyuŋ nduŋde ŋkpere mme tent Kedar!

ISAIAH 1:15

Ndien ke ini mbufo emenerede ubɔk mbufo, ndip mbufo enyin mi: ndien ŋko ke ini mbufo ewakde ndibɔŋ akam, ami ŋkopke: iyip ɔmɔyɔhɔ mbufo ke ubɔk.

ISAIAH 13:8

ubiak ye ndutuhɔ emum mmɔ; mmɔ emiaŋa nte ŋwan uman; kiet ese kiet eyik; iso mmɔ esak nte ikaŋ.

ISAIAH 21:3

Oro esin ata ndik ɔyɔhɔ mi ke isin: ubiak omum mi, nte ubiak aŋwan uman: se ŋkopde anam idem esiŋede mi; se ŋkutde esin mi ndutime.

ISAIAH 26:17

Kpa nte ŋwan idibi eke oyomde ndiman, okopde ubiak onyuŋ ofioride ke ndutuhɔ esie; kpa ntre ke nnyin iketie ke ini nnyin mikoduhe ke iso fo, O Jehovah.

ISAIAH 42:14

Mma ndop uyo tutuko; (nte) ndisioroke uyo, nyemum idem mi ŋkama: nyefiori nte ŋwan uman; esit eyekibe mi, nyenyuŋ ŋkot ibifik ini kiet.

ISAIAH 6:5

Ndien ami ndɔhɔ, nte, Mbɔm mi! koro mmakpa: koro ami ndide owo edidehe mkpɔk-inua, nnyuŋ nduŋ ke otu mbon edidehe mkpɔk-inua: koro enyin mi okutde edidem, Jehovah mme udim.

JEREMIAH 10:19

Ɔdɔdiɔk ye ami abaŋa unan mi! ufen abiak mi: edi ami ŋkɔdɔhɔ, nte, Emi edi ubiak ke akpan, ndien mmenyene ndiyɔ enye.

JEREMIAH 13:21

Afo edidɔhɔ didie ke ini eke enye edinɔde fi ufen? (Ŋkɔm afo amayak mmɔ emehe ndida ata ubɔŋ fo:) nte ubiak idimumke fi nte omumde ŋwan uman?

JEREMIAH 14:18

Edieke ŋwɔrɔde ke iŋwaŋ, sese, mmɔ emi ekpaŋade ke ofut! ndien edieke ndukde ke obio, sese, mmɔ emi edɔŋɔde biɔŋ! koro mme prophet ye mme oku ŋko ediyode eka idut eke mmɔ mifiɔkke.

JEREMIAH 15:18

Nsinam ubiak mi ebigide ke nsinsi? Nsinam unan ɔdiɔkde mi ntem, minyimeke ndikpa? Nte afo ɔmɔŋ etie ye ami nte osu-nsu, ye nte mmɔŋ eke asatde.

JEREMIAH 18:21

Da ndien nditɔwɔŋ mmɔ nɔ biɔŋ, nyuŋ men mmɔ sin ke ubɔk ofut; yak iban mmɔ ekabare edi mme anana nditɔ, ye mme ebe-akpa; yak mkpa onyuŋ owot irenowo mmɔ; yak ofut onyuŋ ekpeŋe mkparawa mmɔ ke ekɔŋ.

JEREMIAH 22:23

O andiduŋ Lebanon, emi enamde efɔk fo ke mme cedar, editua fi mbɔm didie ke ini ndutuhɔ ye ubiak, nte eke aŋwan uman, edisimde fi?

JEREMIAH 30:6

Mbufo ebup ndien, enyuŋ ese, mme eren owo aman eyen? Nnam didie ŋkut kpukpru mbon uko nte etɔde ubɔk ke isin, ebiet aŋwan uman, kpukpru iso enyuŋ ekabare akpai?

JEREMIAH 45:2

Ntem ke Jehovah Abasi Israel ɔdɔhɔ abaŋa fi, O Baruch.

JEREMIAH 48:41

Eda mme obio, emum mkpɔsɔŋ ebiet, ndien esit mbon uko Moab ke usen oro eyebiet esit aŋwan uman.

JEREMIAH 49:22

Sese, enye eyedɔk, onyuŋ efe nte ntrukpom, onyuŋ atat mba esie ofuk Bozrah: ndien esit mbon uko Edom ke usen oro eyebiet esit aŋwan uman

JEREMIAH 49:24

Idem emem Damascus, enye akabare ete ifehe, ndik onyuŋ omum enye; ukut ye ubiak nte eke aŋwan uman etuk enye.

JEREMIAH 50:43

O adiaha Babylon. Edidem Babylon okokop etop mmɔ, ndien ubɔk emem enye, nnanenyin omum enye, ye ubiak kpa nte eke aŋwan uman.

JEREMIAH 6:2

Mmosobo adiaha Zion ediye ye edinem aŋwan oro.

ŊWED ESEME 1:17

Zion anyan ubɔk esie, baba owo kiet eke ɔdɔŋde enye esit iduhe: Jehovah ama owuk mme asua Jacob emi ekande enye ekuk abaŋa enye, Jerusalem etie ke otu mmɔ nte ŋwan eke odude ke esien.

ŊWED ESEME 1:20

O Jehovah, sese: koro mmetie ke itie ukut: nsia oyomo mi; esit ɔduɔ mi ke idem; koro ŋkpɔ ododoro mi eti-eti: ofut adia ke aŋwa, ke ufɔk ke ebiet mkpa.

ŊWED ESEME 2:21

Nditɔwɔŋ ye mbiowo ena ke isɔŋ ke efak: nditɔ-iban mi ye mkparawa mi eduɔŋɔ ke ofut; afo okowot mmɔ ke usen iyaresit fo; owot, ndien utuaha mmɔ mbɔm.

HOSEA 13:13

Ubiak aŋwan uman omotuk enye: enye edi eyen eke ananade ibuot; koro ekemde ke ini, idibigike: nditɔ ke eyom ndiwɔrɔ.

MICAH 4:10

Kop ubiak, nyuŋ man eyen, O adiaha Zion, kpa nte ŋwan uman: koro afo eyeto ke obio ɔwɔrɔ ke idahemi, eyenyuŋ oduŋ ke iŋwaŋ, onyuŋ osim Babylon: eyenyaŋa fi do: do ke Jehovah edifak fi osio mme asua fo ke ubɔk.

MICAH 4:9

Ke emi nsinsm afo ofioride mfiori? Nte edidem iduhe ke otu mbufo? nte owo item fo amatak? koro ubiak omomum fi kpa nte ŋwan uman.

MICAH 7:1

ƆDƆDIƆK ye ami! koro ntiede nte etetde ndat-ndat mfri: mbiet ŋkeŋe-ŋkeŋe mfri vine: baba etuek kiet eke owo adiade iduhe: baba akpa ndat fig eke ɔdɔŋde mi ukpɔŋ.

MATTHEW 21:5

Mbufo edɔhɔ adiaha Zion, ete, Sese, Edidem fo ke edi ke ɔtɔ fo, Ɔsuhɔre idem, onyuŋ odoro ke ass, Ke abak ass, eyen uman ass.

1 ŊWED CORINTH 9:16

Koro edieke ŋkwɔrɔde gospel, nnyeneke ntak mbure; utom oro obiomo mi ke idem nte ŋkpɔ eke nnyenede ndinam; koro idifɔnke fɔn inɔ mi edieke mmeŋkwɔrɔke gospel.

1 ŊWED THESSALONICA 5:3

Ini mme owo edɔhɔde ete, idu ke emem ye ifure, kpa adaŋoro ke nsobo abuat mmɔ, nte emi uman abuatde ŋwan idibi; ndien mmɔ idikwe usuŋ ubɔhɔ.