JEREMIAH 4:30 - Edisana ñwed Abasi Ibom

³⁰ Ndien afo andibiara edinam didie? Koro afo eyesine ididuot: koro afo eyeda mbana-ŋkpɔ o-gold abana idem, koro afo adade stibium awai enyin fo: eyenam idem fo eye ikpikpu: mmɔ eke emade fi esin fi, eyeyom uwem fo.

JEREMIAH 4:30 ပူးပေါင်းရင်းမြစ်များ

2 NDIDEM 9:30

Ekem Jehu osim ke Jezreel; ndien adaŋemi Jezebel okopde, enye ada stibium ewet enyin esie, onyuŋ ɔdiɔŋ ibuot esie, ndien etie ke window ese.

MME ŊKE 6:25

Kuyak itɔŋ uyai esie ɔdɔŋ esit fo; kunyuŋ uyak enye omum fi ke mkpɔk-enyin esie.

MME ŊKE 7:10

Ndien, sese, ŋwan kiet osobo ye enye, esine edisine-ŋkpɔ akpara, onyuŋ enyene ŋkari ke esit.

ISAIAH 10:3

Ndien mbufo edinam nso ke usen ufen, ye ke ini eke nsobo otode ke anyan usuŋ edi? Mbufo edifeŋe etiene anie eyom uŋwam? Ndien ke ebiet ewe ke mbufo edinim ubɔŋ mbufo?

ISAIAH 20:6

Ndien owo eke oduŋde ke edem inyaŋ emi eyedɔhɔ ke usen oro, ete, Sese, ntem ke iberedem nnyin etie, emi nnyin ifehede itiene enye, iyom ubɔhɔ man enyaŋa nnyin efep ke iso edidem Assyria: ndien nnyin idinam didie ibɔhɔ?

ISAIAH 33:14

Mme idiɔk owo ke Zion ke edikhe; unyek-idem omum mme oburobut owo: “Anie ke otu nnyin ekeme ndiduŋ ke ikaŋ eke atade? Anie ke otu nnyin ekeme ndiduŋ ke nsinsi erisak?”

JEREMIAH 13:21

Afo edidɔhɔ didie ke ini eke enye edinɔde fi ufen? (Ŋkɔm afo amayak mmɔ emehe ndida ata ubɔŋ fo:) nte ubiak idimumke fi nte omumde ŋwan uman?

JEREMIAH 22:23

O andiduŋ Lebanon, emi enamde efɔk fo ke mme cedar, editua fi mbɔm didie ke ini ndutuhɔ ye ubiak, nte eke aŋwan uman, edisimde fi?

JEREMIAH 30:14

Kpukpru mme ufan fo emefre fi; mmɔ iyomke fi; koro ŋkamiade fi ufen usua, ye ata ɔkpɔsɔŋ ntunɔ: koro mme idiɔk ido fo ewakde; mme ukwaŋ ŋkpɔ fo enyuŋ ekɔride.

JEREMIAH 5:31

mme prophet etiŋ prophecy nsunsu, mme oku enyuŋ eda ubɔk mmɔ ekan obio; ikɔt mi enyuŋ ema ntre: ndien mbufo edinam didie ke ukperedem esie?

ŊWED ESEME 1:19

Ŋkokot mmɔ eke emade mi; edi mmɔ ebiaŋa mi: mme oku mi ye ebiowo mi ekpaŋa ke obio, ke ini mmɔ eyomde udia ke idem mmɔ, man edemere ukpɔŋ mmɔ.

ŊWED ESEME 1:2

Enye atua eyet eti-eti ke okoneyo, mmɔŋeyet esie onyuŋ eyere enye ke mfuk: baba owo kiet eke ɔdɔŋde enye esit iduhe ke otu kpukpru mmɔ eke emade enye: kpukpru mme ufan esie ebiaŋa enye emekabare edi mme asua esie.

ŊWED ESEME 4:17

Ke ini nnyin isuk idedu, enyin okim nnyin, ke nnyin isede mmɔ eke ekpeŋwamde nnyin, ikpikpu; ŋnyin ikekpeme ke itie ukpeme, ise idut eke mikemeke ndinyaŋa nnyin.

EZEKIEL 28:13

Afo okodu ke Eden, iŋwaŋ-esa Abasi: kpukpru ɔsɔŋ-urua itiat ke efuk fi idem, sardius, ye topaz, ye diamond, ye beryl, ye onyx, ye jasper, ye sapphire, ye emerald, ye carbuncle, ye gold; ubɔk-usɔ ekɔmɔ fo ye eke iban fo edu fi ke esit, eketim mmɔ enim ke usen emi ekebotde fi.

EZEKIEL 28:9

Nte afo eyedɔhɔ, ete, Ami ndi Abasi ke iso enye emi owotde fi? Ndien afo edi owo, udige Abasi, ke ubɔk enye emi owotde fi.

OBADIAH 1:7

Kpukpru mmɔ emi ediomide ediomi ye afo esin fi ke adaŋa: mmɔ emi etiede ufan-ufan ye afo ebiaŋa fi enyuŋ ekan fi: mmɔ emi etade uyo fo ekɔk afia esin ke idak ukot fo: eti ibuot iduhe enye ke idem.

MME HEBREW 2:3

Nnyin idinam didie ibɔhɔ edieke nnyin isinde erinyaŋa eke okponde ntem? eke Ɔbɔŋ ekebemde iso etiŋ, mmɔ emi ekekopde Enye enyuŋ esɔŋɔ ikɔ oro enɔ nnyin;

ERIYARARE 17:13

Mmɔ emi enyene uduak kiet, mmɔ enyuŋ eyak ukeme ye nsɔŋ-uyo mmɔ enɔ unam oro.

ERIYARARE 17:2

emi ndidem isɔŋ ekenamde use ye enye, mme andiduŋ ke isɔŋ ekenyuŋ eŋwɔŋde wine use esie eyuhɔ.

ERIYARARE 17:4

Ŋwan oro onyuŋ esine iyip-iyip ididuot ɔfɔŋidem, onyuŋ ada gold ye ɔsɔŋ-urua itiat ye pearl abana idem, onyuŋ enyene cup o-gold ke ubɔk, emi ɔyɔhɔde ye mbubiam kpa ido ndek use esie.