JEREMIAH 4:27 - Edisana ñwed Abasi Ibom

²⁷ Koro ntem ke Jehovah ɔdɔhɔ ete, Ofuri isɔŋ eyebiara; edi ndinamke mma.

JEREMIAH 4:27 ပူးပေါင်းရင်းမြစ်များ

2 CHRONICLES 36:21

kpaŋ uyo Jehovah ke inua Jeremiah ekpekem, tutu isɔŋ adia mme sabbath esie: ofuri ini emi enye anade ikpikpu, enye onim sabbath tutu isua ata ye duop eyɔhɔ.

NEHEMIAH 9:31

Edi uwak mbɔm fo iyakke fi osobo mmɔ fap, inyuŋ iyakke fi ɔkpɔŋ mmɔ: koro afo edide Abasi mfɔn ye mbɔm.

ISAIAH 17:6

Ndien ndusuk eyesuhɔ ke esit, kpa nte ke etetde olive, olive ita mme iba ke nsom edikoŋ ŋkɔk, inaŋ mme ition ke ŋkɔk eti mfri eto; emi edi uyo Jehovah Abasi Israel.

ISAIAH 24:1

SESE, Jehovah aŋwaŋa ŋkpɔ ke isɔŋ efep, anam enye edi ukpɔk, onyuŋ okubi iso esie, onyuŋ asuan mme andiduŋ enye.

JEREMIAH 18:16

Ndien mmɔ enam isɔŋ mmɔ akabare edi se ibiarade, ye nsinsi ŋkpɔ nsi: kpukpru mmɔ eke esaŋade ebe eyekpa idem, enyuŋ eyibi ibuot mmɔ.

JEREMIAH 25:11

Ofuri obio emi eyenyuŋ ekabare edi se esobode enyuŋ ebiatde; ndien mme idut emi eyenam ŋkpɔ edidem Babylon ke ofuri isua ata ye duop.

JEREMIAH 30:11

Koro ami ndude ye afo, nte nnyaŋa fi. Jehovah ɔdɔhɔ: koro nyenam kpukpru mme idut eke ŋkasuande fi do etak, edi ndinamke fi atak: edi nyetunɔ fi nte enende, ndien ndiyakke fi ɔbɔhɔ ikpikpu.

JEREMIAH 4:20

Mmɔ ebuk ŋwure ekɔrɔ ke ŋwure: koro ofuri isɔŋ amabiara: mme tent mi emebiara ke isɔrɔ kiet, mme ikpehe mi emebiara ke idaha kiet.

JEREMIAH 4:7

Lion oto ke mfuhɔ ikɔt esie ɔdɔk, andisobo mme idut onyuŋ otibi isaŋ; oto ke ebiet esie, ete inim isɔŋ fo ke nsobo; mme mbio fo eyebiara, ndien baba owo kiet eke oduŋde ididuhe.

JEREMIAH 44:6

Ndien ami ŋkaŋwaŋa ifuresit mi ye iyaresit mi, ndien enye asak ke mme-obio Judah, ye ke mme efak Jerusalem; ndien mmɔ ekabare edi ndon ye ndobo, kpa nte edide mfin emi.

JEREMIAH 46:28

Jehovah ɔdɔhɔ ete, Afo owo mi Jacob, kufehe: koro ami ndude ye afo: koro nyesobo kpukpru mme idut emi ŋkebinde fi nsin do: edi ndisoboke fi mma, edi nyetunɔ fi ke ufat; ndien ndiyakke fi ɔbɔhɔ ikpikpu.

JEREMIAH 5:10

Mbufo edɔk ke ibibene esie ekewuri; edi ekunam ema: ekibi enye nnyɔninyɔ efep: koro mmɔ minyeneke Jehovah.

JEREMIAH 5:18

Jehovah onyuŋ ɔdɔhɔ ete, Ke idem mme usen oro ndinamke mbufo mma.

JEREMIAH 7:34

Ndien ami nyenam uyom mbre, ye uyom idara, uyo ɔdɔ-ŋwan, ye uyo ŋwan ndɔ, odop ke mme obio Judah ye ke mme efak Jerusalem: koro isɔŋ eyebiara.

JEREMIAH 9:11

Ndien nyenim Jerusalem ke ibombom, ye ke nna mme jackal; nyenyuŋ nnim mme obio Judah; ke ndobo, enana owo eke eduŋde.

ŊWED ESEME 2:7

Ɔbɔŋ ɔmɔduɔk itie-uwa esie, amasua edisana ebiet esie, ada ibibene ikpɔ ufɔk esie esin mbon usua ke ubɔk; mmɔ emenere uyo ke ufɔk Jehovah, kpa nte eke usen ederi.

EZEKIEL 11:13

Edikem adaŋemi nsuk ntetiŋ prophecy, Pelatiah eyen Benaiah akpa. Ndien nduɔ ke isɔŋ ŋkubi iso mi, nnyuŋ mfiori ke ɔkpɔsɔŋ uyo, nnyuŋ ndɔhɔ nte. Ah, Ɔbɔŋ Jehovah, nte afo ɔmɔŋ anam ubak Israel emi esuhɔde ama?

EZEKIEL 20:17

Ndien enyin mi akatua mmɔ mbɔm; ndien nsoboke mmɔ, nnyuŋ mmaŋa ye mmɔ ke wilderness.

EZEKIEL 33:28

Ndien mmɔŋ nnam isɔŋ edi ndon ye nditaha, nnyuŋ nnam iseri odudu esie etre; ndien ikpɔ obot Israel eyena ikpikpu, baba owo kiet idinyuŋ isaŋake ibe.

EZEKIEL 6:14

Ndien ami nyenyanare ubɔk mi ntuk mmɔ, nnyuŋ nnim isɔŋ ke nsobo, ye ke ndon ŋkan wilderness emi esede Diblah, ke kpukpru ebiet-iduŋ mmɔ; ndien mmɔ eyefiɔk ete ke ami ndi Jehovah.

LEVITICUS 26:31

Nyenyuŋ ŋwuri mme obio mbufo, nnyuŋ nnam mme edisana ebiet mbufo ekabare ndon, ndinyuŋ ŋŋwuneke edinem utebe mbufo.

LEVITICUS 26:44

Edi okposuk edidi ntre, ke ini mmɔ edidude ke isɔŋ mme asua mmɔ, ndiduɔkke mmɔ, ndinyuŋ nsuaha mmɔ, nte nsobode mmɔ fap-fap, nte nnyuŋ mbiatde ediomi emi ŋkodiomide ye mmɔ: koro ami ndide Jehovah Abasi mmɔ.

ZEPHANIAH 1:18

Ndien silver mmɔ ye gold mmɔ idikemeke ndinyaŋa mmɔ baba ke usen ifuresit Jehovah: edi ofuri idut eyeta ikaŋ ufup esie; koro enye eyenam kpukpru mme andiduŋ isɔŋ ama ke iwiwa.