JEREMIAH 4:23 - Edisana ñwed Abasi Ibom

²³ Nse isɔŋ, ndien, sese, isɔŋ edi ikpikpu ye ukpɔk; nse ikpa-enyɔŋ, ndien uŋwana iduhe ke esit.

JEREMIAH 4:23 ပူးပေါင်းရင်းမြစ်များ

GENESIS 1:2

Ndien isɔŋ edi ikpikpu, ye ukpɔk; ekim onyuŋ odu ke enyɔŋ inyaŋ. Spirit Abasi onyuŋ ɔkubɔ ke enyɔŋ mmɔŋ.

ISAIAH 13:10

Koro mme ntantafiɔŋ enyɔŋ ye mme constellation midiyamake: utin eyekim ke ini enye ɔwɔrɔde, ɔfiɔŋ idinyuŋ iyakke uŋwana esie ayama.

ISAIAH 5:30

Ndien enye eyekuni enye ke usen oro, kpa nte inyaŋ ibom oyomode: enye eyenyuŋ ese obot, ndien, sese, ekim! nnanenyin, ye uŋwana! ke okim ke mbubit enyɔŋ esie.

JEREMIAH 2:12

Jehovah ɔdɔhɔ, ete, O enyɔŋ, mbufo eyik ŋkpɔ emi, enyuŋ edikhe, yak idem onyuŋ akpa mbufo eti-eti.

JEREMIAH 9:10

Nyemen eyet ye ntuaŋa mbaŋa ikpɔ obot, nyemen eseme mbaŋa mbiet wilderness koro esobode mmɔ, owo minyuŋ isaŋake ke esit ibe: ndien mmɔ ikopke uyo ufene; mme inuen enyɔŋ ye mme unam isɔŋ emefeŋe; emedaŋa!

ŊWED ESEME 3:2

Enye ada mi usuŋ, onyuŋ anam mi nsaŋa ke ekim, idige ke uŋwana.

JOEL 2:10

Isɔŋ enyek ke iso mmɔ; enyɔŋ onyuŋ etimere: utin ye ɔfiɔŋ ebire, ntantafiɔŋ enyuŋ enimi uyama mmɔ.

AMOS 8:9

Ɔbɔŋ Jehovah onyuŋ ɔdɔhɔ, ete, ndien ama ekem ke usen oro, ke ndinam utin oduk ikɔt ke ufɔt uwemeyo, nnyuŋ nnam isɔŋ okim ke usen uŋwana:

ZECHARIAH 14:6

Ndien ama ekem ke usen oro uŋwana ididuhe: ŋkpɔ uto eyedaŋa.

MATTHEW 24:29

Edi ukut mme usen oro ama ekebe, idaha oro utin eyekabare okim, ɔfiɔŋ idinyuŋ inɔŋɔ uŋwana esie, mme ntantafiɔŋ eyeyuŋ eto ke ikpa-enyɔŋ eduɔŋɔ, eyenuŋ enyeŋe mme odudu ikpa-enyɔŋ.

MATTHEW 24:35

Enyɔŋ ye isɔŋ eyebe efep, edi ikɔ Mi idibehe ifep.

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.