JEREMIAH 4:22 - Edisana ñwed Abasi Ibom

²² Koro ikɔt mi edide ndisime, mmɔ ifiɔkke mi; mmɔ edi nditeŋ nditɔ, inyuŋ inyeneke ibuot; etim efiɔk ndinam idiɔk, edi ifiɔkke ndinam eti.

JEREMIAH 4:22 ပူးပေါင်းရင်းမြစ်များ

GENESIS 39:16

Ndien enye emen ɔfɔŋidem Joseph onim ke ɔtɔ esie, tutu ete

2 SAMUEL 13:3

Amnon onyuŋ enyene ufan kiet, ekere Jonadab, eyen Shimeah, eyenete David: Jonadab onyuŋ edi ata ɔfiɔkŋkpɔ owo.

ŊWED MME PSALM 36:3

Ikɔ inua esie edi abiaŋa ye nsu: enye emetre ndidi ɔniɔŋ nnyuŋ nnam eti.

ŊWED MME PSALM 36:4

Enye ana ke bed esie ekere abiaŋa; onim idem esie ke usuŋ eke midige eti; isuaha idiɔk.

ŊWED MME PSALM 53:4

Nte mme anam-idiɔk ifiɔkke ŋkpɔ, mmɔ emi ediade ikɔt mi nte ediade udia, ndien misemeke inɔ Abasi?

ŊWED MME PSALM 82:5

Mmɔ ifiɔkke, inyuŋ idige mme asian; mmɔ esesaŋa ke ekim: kpukpru se ererimbot odorode ke esit enyek.

MME ŊKE 28:5

Mme idiɔk owo itimke ifiɔk ikpe: edi mmɔ eke eyomde Jehovah etim efiɔk kpukpru.

ISAIAH 1:3

Enaŋ ɔfiɔk andinyene enye, ass onyuŋ ɔfiɔk ebiet eke ete esie onimde udia ɔnɔ enye: Israel ifiɔkke, ikɔt mi ikereke.

ISAIAH 27:11

Ke ini ŋkɔk esie esatde, eyebuŋ mmɔ efep; iban eyedi, edibara ikaŋ ke esit: koro mmɔ midige mbon asian; oro esin Andinam mmɔ mituaha mmɔ mbɔm, esin Andibot mmɔ mifɔnke ido ye mmɔ.

JEREMIAH 10:8

Ndien mmɔ etie nte unam, enyuŋ edi ndisime ɔtɔ kiet: ikpikpu item! ke edi eto!

JEREMIAH 13:23

Nte eyen Ethiopia ekeme ndikpuhɔre ikpɔhidem esie? Nte ekpe ekeme ndipuhɔre ntɔi esie? Ndien mbufo ŋko emi emehede ndinam idiɔk eyekeme ndinam eti.

JEREMIAH 2:8

Mme oku idɔhɔke ite, Enye Jehovah? Mmɔ eke ekamade ŋwed-mbet inyuŋ ifiɔkke mi: mme pastor enyuŋ edue mi, mme prophet enyuŋ eda Baal enam prophecy, enyuŋ ebine se midoroke udori.

JEREMIAH 4:21

Adaŋa didie ke ndikut banner, nnyuŋ ŋkop uyo ukorowo?

JEREMIAH 5:21

Mbufo, ndisime ye mbio unana-ibuot, ekop ikɔ emi; mmɔ enyene enyin, ndien ikwe; mmɔ enyene utɔŋ, ndien ikopke: Jehovah ɔdɔhɔ, ete,

JEREMIAH 5:4

Ndien ami ndɔhɔ, nte, Ŋkɔm mme mmɔ emi edi mbukpo owo ke akpanikɔ; mmɔ edi ndsime: koro mmɔ mifiɔkke usuŋ Jehovah, ikpe Abasi mmɔ.

JEREMIAH 9:2

Ŋkpakam nnyene ataya mbon-isaŋ ke desert; ndien ŋkpɔkpɔŋ ikɔt mi, nnyuŋ ndaha ke ebiet mmɔ: koro kpukpru mmɔ edide mme esin efibe, ye esop mbon abiaŋa.

JEREMIAH 9:3

Ndien mmɔ enuk utiga mmɔ, kpa edeme mmɔ etop nsu: idaha akpanikɔ inam uko ke isɔŋ; koro mmɔ edediɔŋ eka iso ke idiɔk ido, ndien ifiɔkke mi: ke edi Jehovah ɔdɔhɔ.

JEREMIAH 9:5

Ndien kpukpru owo eyebiaŋa nsaŋa mmɔ, idinyuŋ idɔhɔke akpanikɔ: edeme mmɔ emehe ndisu nsu, enam idiɔk tutu idem emem mmɔ.

EZEKIEL 16:30

Ɔbɔŋ Jehovah ɔdɔhɔ ete, Esit fo efere didie ke emi afo anamde kpukpru ŋkpɔ emi: utom nsɔŋido aŋwan use;

HOSEA 4:1

MBUFO nditɔ Israel ekop uyo Jehovah: koro Jehovah ɔtɔhɔde utɔk ye mme andiduŋ isɔŋ, koro baba akpanikɔ ye ima ye ifiɔk Abasi miduhe ke isɔŋ.

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

HOSEA 5:4

Mmɔ inimke ido mmɔ man efiak etiene Abasi mmɔ: koro spirit use odude mmɔ ke idem, ndien mmɔ ifiɔkke Jehovah.

AMOS 3:10

Jehovah ɔdɔhɔ, ete, Mmɔ ifiɔkke ndinam se inende, mmɔ ekɔ afai ye mbume ebon ke ikpɔ ufɔk mmɔ.

MICAH 2:1

ƆDƆDIƆK ɔnɔ mmɔ emi ekerede idiɔk ido, enyuŋ enade ke bed mmɔ eduak ukwaŋ-ŋkpɔ! Mmɔ eyenam enye ke uŋwana usenubɔk, koro odude ke ukeme ubɔk mmɔ.

MICAH 7:3

Ubɔk mbiba edoro ke idiɔk man etim enam: ɔbɔŋ ye ebierikpe ŋko eyom utip: akwa owo onyuŋ etiŋ se idɔŋde ukpɔŋ esie: ntem ke mmɔ ekwaŋa ŋkpɔ.

LUKE 16:8

Ndien ɔbɔŋ oro otoro ukwaŋ akama-ukpɔhɔre, koro enye anamde ɔniɔŋ-ɔniɔŋ: koro mbon eyo emi edi ɔniɔŋ ke mbubehe mmɔ ye mbio emana mmɔ, ekan nte nditɔ uŋwana edide.

JOHN 16:3

Ndien mmɔ eyenam mme ŋkpɔ emi, koro mmɔ mikɔdiɔŋɔke Ete, minyuŋ idiɔŋɔke Mi.

ŊWED MBON ROME 1:22

Mmɔ ete mme imɔ idi mme enyene-ibuot owo,

ŊWED MBON ROME 1:28

Ndien sia mmɔ esinde ndinyene Abasi ke ifiɔk mmɔ, Abasi ada mmɔ ayak ɔnɔ obukpo esit ndinam mme ido eke midotke;

ŊWED MBON ROME 16:19

Kpukpru owo ema ekop etop nsuk-ibuot mbufo; emi esin mi mbure mbure mbaŋa mbufo. Edi mmoyom mbufo edi mme ɔfiɔk-ŋkpɔ ke erinam eti, enyuŋ edi ɔkɔi ke erinam idiɔk.

ŊWED MBON ROME 3:11

Baba owo kiet eke enyenede eti ibuot iduhe, Baba owo kiet eke oyomde Abasi iduhe;

1 ŊWED CORINTH 14:20

Nditɔ-ete mi, ekudi nditɔwɔŋ ke ekikere, edi ke erinam ibak etie nte nsek nditɔ; edi ke ekikere etie nte ikpɔ owo.

DEUTERONOMY 32:28

Koro mmɔ edide idut unana ibuot, asian inyuŋ iduhe ke otu mmɔ.

DEUTERONOMY 32:6

Nte mbufo esio usiene ntem enɔ Jehovah, mbon ndisime ye unana ibuot? Nte idige enye edi usɔ emi akafakde fi? Edi enye akanam fi, onyuŋ ɔdiɔŋ fi onim.