JEREMIAH 4:14 - Edisana ñwed Abasi Ibom

¹⁴ Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

JEREMIAH 4:14 ပူးပေါင်းရင်းမြစ်များ

ŊWED MME PSALM 119:113

Nsasua mbon esit iba: edi mmama ido fo.

ŊWED MME PSALM 51:2

Diɔŋ yet mme ukwaŋ-ŋkpɔ mi fep, nyuŋ sio mi mme idiɔk ido ke idem fep, nam ndi edisana.

ŊWED MME PSALM 66:18

Mma ŋkpokut idiɔk ido ke esit mi, Ɔbɔŋ ikpokopke:

MME ŊKE 1:22

Adaŋa didie ke mbufo mme ɔkɔi edima ɔkɔi? Nsahi edinyuŋ enem mbon nsahi, ndisime edinyuŋ esua ifiɔk?

ISAIAH 55:7

yak idiɔk owo ɔkpɔŋ usuŋ esie, yak oburobut owo ɔkpɔŋ ekikere esie: onyuŋ afiak etiene Jehovah: ndien enye eyetua enye mbɔm; etiene Abasi nnyin, koro Enye eyewak ndidahado.

JEREMIAH 13:27

Mmokut efibe fo, ye uyo use fo, ye nte afo asaŋade akpara oburobut, ye mbubiam fo ke enyɔŋ ikpɔ obot ke iŋwaŋ. Osuk ɔdɔdiɔk ɔnɔ fi, Jerusalem; adaŋa didie ke afo edisuk esin ndisana?

JEREMIAH 17:1

EMEDA ntaŋwed ukwak ye iso diamond ewet idiɔk ido Judah: ekap enye esin ke ɔwɔŋ esit mmɔ, ye ke nduk mme itie-uwa mbufo;

JEREMIAH 18:11

Kam dɔhɔ ndien ye mbio Judah ye mme andiduŋ Jerusalem, ete, Ntem ke Jehovah ɔdɔhɔ ete, Sese, ami mmɔŋ mbot idiɔk-ŋkpɔ mbaŋa mbufo, nnyuŋ nduak uduak mbaŋa mbufo: yak kpukpru mbufo ndien kiet kiet ekabare ekpɔŋ idiɔk usuŋ mbufo, mbufo enyuŋ eneŋere usuŋ mbufo ye ido mbufo.

JEREMIAH 2:22

Okposuk edi nte afo adade soda eyet idem, onyuŋ ada ediwak soap ke idem fo, idiɔk ido fo etie ndek-ndek ke iso mi; Ɔbɔŋ Jehovah ɔdɔhɔ.

JEREMIAH 6:19

Ererimbot, kop: sese, ami mmɔŋ nda idiɔk-ŋkpɔ ntiene mbio emi, kpa mfri ekikere mmɔ: koro mmɔ mikpaŋke utɔŋ ke ikɔ mi ye mbet mi, edi esin enye.

EZEKIEL 18:31

Mbufo esioŋo kpukpru mme oburobut ido eke mbufo ekeduede ke esit ke idem mbufo efep; enyuŋ enam obufa esit ye obufa spirit esin mbufo ke idem: koro mbufo edinam didie ekpaŋa, O ufɔk Israel?

ZECHARIAH 8:17

mbufo ekunyuŋ ekere idiɔk kiet ye kiet, ke esit mbufo; ekunyuŋ ema uŋwɔŋɔ nsu: koro kpukpru ŋkpɔ emi edi se ami nsuade, Jehovah ɔdɔhɔ.

MATTHEW 12:33

Enam eto ɔfɔn, enyuŋ enam mfri esie ɔfɔn; midige ntre, enam eto edi mbiara, enyuŋ enam mfri esie edi mbiara ŋko: koro eda mfri efiɔk eto.

LUKE 11:39

Edi Ɔbɔŋ ɔdɔhɔ enye ete, Ke emi ke mbufo mme Pharisee enanam edem cup ye usan asana; edi esit mbufo ɔyɔhɔ ye ŋwo ye udu.

JOHN 13:9

Simon Peter ete, Enye, Ɔbɔŋ, kuyet mi ukot ikpɔŋ edi, yet mi ubɔk ye ibuot kɔrɔ do.

UTOM MME APOSTLE 8:22

Kabare esit ndien, kpɔŋ idiɔk ido fo emi, nyuŋ kpe Ɔbɔŋ ubɔk, me ndusuk enye eyedahado ɔnɔ fi ke se ekerede ntem ke esit fo.

ŊWED MBON ROME 1:21

koro okposuk edi nte mmɔ efiɔkde Abasi, mmɔ inɔŋɔ Enye ubɔŋ nte Abasi, inyuŋ inɔŋɔ Enye ekɔm; edi ekabare ekere ikpikpu ekikere, ndisime esit mmɔ onyuŋ akabare okim.

1 ŊWED CORINTH 3:20

enyuŋ ewet ŋko ete, Jehovah ɔmɔfiɔk ekikere mme enyene-ibuot owo, ete mmɔ edi ikpikpu.

JAMES 4:8

esaŋa ekpere Abasi, ndien enye eyesaŋa ekpere mbufo. Eyet ubɔk mbufo esana, mbufo mme anam-idiɔk: enyuŋ enam esit mbufo esana, mbon esit iba.