JEREMIAH 4:11 - Edisana ñwed Abasi Ibom

¹¹ Ke ini oro eyedɔhɔ mbio-obio emi ye Jerusalem, ete, Edifiop ofum ŋkokoŋo ebiet ke wilderness ke edi ke usuŋ adiaha oruk mi, idige ndisak, inyuŋ idige ndinam asana;

JEREMIAH 4:11 ပူးပေါင်းရင်းမြစ်များ

ŊWED MME PSALM 11:6

Enye eyenam afia edep anam mme idiɔk owo; ikaŋ, ye brimstone, ye edifiop ofum edi udeme cup mmɔ.

ISAIAH 22:4

Mmɔdo ndɔhɔde, nte, Mbufo ekabare ekuse mi; yak ntua ndot-ndot eyet, mbufo ekuŋwana ndidɔŋ mi esit mbaŋa nsobo eke esobode adiaha mbio-obio nnyin.

ISAIAH 27:8

Afo ɔtɔhɔ ye enye ke ufat, osio enye efep: emen enye efep ke ɔkpɔsɔŋ ofum esie, ke usen ofum ikɔrabak.

ISAIAH 41:16

Afo eyesak mmɔ, ndien ofum eyemen mmɔ efep, idio eyenyuŋ asuan mmɔ: ndien afo eyedara Jehovah, onyuŋ obure mbure ke Edisana Abasi Israel.

ISAIAH 64:6

Nnyin kpukpru inyuŋ ibiet ŋkpɔ ndek, kpukpru nti ido nnyin enyuŋ ebiet edidehe ɔfɔŋidem; kpukpru nnyin inyuŋ iyemere nte ikɔŋ; mme idiɔk ido nnyin enyuŋ emen nnyin efep nte ofum.

JEREMIAH 13:24

Ndien ami nyesuan mmɔ, kpa nte ofum wilderness ɔkpɔride mbio efep.

JEREMIAH 14:17

Nyuŋ dɔhɔ ikɔ emi, ete, enyin mi eyeyak mmɔŋeyet ɔsuhɔre ke okoneyo ye uwemeyo, idinyuŋ idopke: koro emenuak adiaha ikɔt mi eyenɔwɔŋ eti-eti, unan ɔmɔdiɔk akan.

JEREMIAH 23:19

Sese, oyobio Jehovah ɔwɔrɔ ke iyaresit, kpa ibumere-ibumere oyobio: eyebumere ɔtɔ mme idiɔk owo ke ibuot.

JEREMIAH 4:12

ofum eke akande mme mmɔ emi eyesim mi: ke emi ŋko ami nyenɔ uyo ikpe mbaŋa mmɔ.

JEREMIAH 8:19

Sese, uyo eseme adiaha ikɔt mi oto ke anyan idut: nte Jehovah iduhe ke Zion? Nte edidem esie iduhe ke esit? Nsinam mmɔ ekedade ndisɔi mbiet mmɔ ye mbukpo ŋkpɔ isen idut eyat mi esit?

JEREMIAH 9:1

IBUOT mi akpakam edi mmɔŋ! enyin mi ekpekam enyuŋ edi idim mmɔŋeyet! ndien ŋkpatua ke uwemeyo ye ke okoneyo mbaŋa nditɔ adiaha ikɔt mi emi ekewotde.

JEREMIAH 9:7

Mmɔdo ntem ke Jehovah mme udim ɔdɔhɔ, ete, Sese, ami mmɔŋ ntara mmɔ, nnyuŋ ndomo mmɔ: koro ndinam didie mbaŋa adiaha ikɔt mi?

ŊWED ESEME 2:11

Mmɔŋeyet ekwehe mi enyin, nsia oyomo mi, esit mi ɔduɔhɔ ke isɔŋ abaŋa ŋwure adiaha oruk mi; koro eyenɔwɔŋ ye eyen nsek ɔduɔde mba ke aŋwan obio.

ŊWED ESEME 3:48

Akpa mmɔŋ eto mi ke enyin esuhɔre ebaŋa ŋwure adiaha ikɔt mi.

ŊWED ESEME 4:10

Ubɔk iban emi enyenede esit mbɔm emetem nditɔ mmɔ: mmɔ ekabare edi udia mmɔ ke ŋwure adiaha ikɔt mi.

ŊWED ESEME 4:3

Kpa mme jackal esio eba enɔ nditɔ mmɔ ewap: adiaha ikɔt mi amakanare edi afai, ebiet ostrich ke wilderness.

ŊWED ESEME 4:6

Idiɔk ido adiaha oruk mi onyuŋ okpon akan ukwaŋ-ŋkpɔ Sodom, emi okosobode ke idaha kiet, ndien idige ubɔk owo otuk enye.

EZEKIEL 17:10

Ndien, sese, emi eketɔde enye, nte enye edikut unen? Nte enye idisatke ke ini ofum ikɔrabak otukde enye? Enye eyesat ke ibombom emi etɔde enye.

EZEKIEL 19:12

Ndien mmɔ edibere enye ke ifuresit, emen enye eduɔk ke isɔŋ, ofum ikɔrabak onyuŋ asat mfri esie: mkpɔsɔŋ esaŋ esie emebuŋɔ, emenyuŋ esat: ikaŋ amata enye.

HOSEA 13:15

Koro enye ɔtɔtde ke otu nditɔ-ete esie, ofum ikɔrabak, ofum Jehovah eke otode ke wilderness ɔdɔk, eyedi, ndien idim mmɔŋ esie eyesat; obube mmɔŋ esie eyenyuŋ osomo: enye eyebume ebiet eke enimde kpukpru ŋkpɔ uto.

HOSEA 13:3

Mmɔdo mmɔ ebietde ntuhube usenubɔk, ye mbara emi abakde adaha, ebiet mbio ibokpot eke asuanade ke ɔtɔ ubek-ibokpot efep, enyuŋ ebiet nsuŋikaŋ eke otode ke window ɔwɔrɔ.

HOSEA 4:19

Ofum ɔmɔbɔp enye ke mba esie; ndien mme uwa mmɔ eyenyene mmɔ but.

HABAKKUK 1:11

Ndien spirit edemere, mmɔ enyuŋ eka iso, enyuŋ edue isop: odudu mmɔ emi edi abasi mmɔ.

HABAKKUK 1:6

Koro, sese, ami mmɔŋ ndemere mme Chaldean, ndot-ndot ye owowo idut oro asaŋade ke ntaŋwaŋ ebiet ererimbot, ndida ebiet iduŋ emi minyeneke enye.

MATTHEW 3:12

Usakŋkpɔ Esie odu Enye ke ubɔk, Enye eyenyuŋ anam itie-ubekibokpot Esie otim asana, onyuŋ obon ibokpot Esie ke ubet, edi eyefɔp mbio ke ikaŋ eke midinimeke.

LUKE 3:17

Usak-ŋkpɔ Esie odu Enye ke ubɔk, ndida nnam itie-ubek-ibokpot Esie otim asana, Enye eyenyuŋ obon ibokpot Esie ke ubet; edi eyefɔp mbio ke ikaŋ eke midinimeke.