JEREMIAH 4:1 - Edisana ñwed Abasi Ibom

¹ JEHOVAH ɔdɔhɔ ete, O Israel, afo ama afiak edi, fiak tiene mi: ama onyuŋ emen ŋkpɔ mbubiam fo ke iso mi efep, afo udusehekede.

JEREMIAH 4:1 ပူးပေါင်းရင်းမြစ်များ

GENESIS 35:2

Ndien Jacob ɔdɔhɔ ufɔk esie, ye kpukpru owo emi edude ye enye, ete, Mbufo esio kpukpru isen abasi eke edude ke otu mbufo efep, enyuŋ enam idem mbufo esana, enyuŋ ekpuhɔ edisine-ŋkpɔ mbufo.

2 NDIDEM 23:13

Edidem onyuŋ asabare mme edikoŋ ebiet oro edude ke iso Jerusalem, mmɔ oro edude ke edem nnasia obot mbubiam, emi Solomon edidem Israel ɔkɔbɔpde ɔnɔ Ashtoreth, mbubiam ŋkpɔ mme Zidonian, ye Chemosh, mbubiam ŋkpɔ Moab, ye Milcom mbubiam ŋkpɔ nditɔ Ammon.

2 NDIDEM 23:24

Ndien ŋko Josiah onyuŋ osobo mme ebre idiɔŋ ekpo owo, ye mbon idiɔk ifiɔk, ye mme teraphim, ye mme nsu-nsu abasi, ye kpukpru mbubiam ŋkpɔ eke ekutde ke idut Judah ye ke Jerusalem, kpaŋ enye ekpenam ikɔ mbet emi ewetde ke ŋwed emi Hilkiah oku ɔkɔfiɔhɔde ke ufɔk Jehovah.

2 CHRONICLES 15:8

Ekem adaŋemi Asa okopde ikɔ emi, ye prophecy Oded prophet, esit ɔsɔŋ enye, ndien enye osioŋo mbubiam-ŋkpɔ efep ke ofuri isɔŋ Judah, ye eke Benjamin, ye eke obio oro enye akadade ke obot Ephraim, onyuŋ ɔdiɔŋ itie-uwa Jehovah emi odude ke iso etehe Jehovah.

2 CHRONICLES 33:8

ndien ndisioho aba ukot Israel mfep ke isɔŋ emi ŋkonimde nnɔ mme ete mbufo: ke mmɔ ema etim enam kpukpru se ŋkowukde mmɔ ekem ye ofuri ibet, ye item, ye ikpe ke ubɔk Moses.

2 CHRONICLES 34:33

Ekem Josiah osioŋo kpukpru mbubiam-ŋkpɔ efep ke kpukpru mme idut eke enyenede nditɔ Israel, onyuŋ esin kpukpru owo eke edude ke Israel enam ŋkpɔ Jehovah Abasi mmɔ. Mmɔ iŋwɔŋɔkede ikpɔŋ Jehovah Abasi mme ete mmɔ ke ofuri eyo esie.

ISAIAH 31:6

Mbufo nditɔ Israel, ekabare etiene Enye emi emiomde eti-eti.

JEREMIAH 15:19

Mmɔdo ntem ke Jehovah ɔdɔhɔ, ete, Edieke afo afiakde edi, nyeda fi mfiak ndien, afo eyeda ke iso mi: ndien edieke afo osiode ŋkpɔ-uto ke ŋkpɔ ndek efep, afo eyekabare nte inua mi. Mmɔ eyefiak etiene fi; edi afo udufiakke utiene mmɔ.

JEREMIAH 15:4

Ndien nyeda mmɔ nnɔ kpukpru mme idut ke ererimbot ke se etuhɔde, ke ikɔ Manasseh eyen Hezekiah edidem Judah, mbaŋa se enye akanamde ke Jerusalem.

JEREMIAH 18:11

Kam dɔhɔ ndien ye mbio Judah ye mme andiduŋ Jerusalem, ete, Ntem ke Jehovah ɔdɔhɔ ete, Sese, ami mmɔŋ mbot idiɔk-ŋkpɔ mbaŋa mbufo, nnyuŋ nduak uduak mbaŋa mbufo: yak kpukpru mbufo ndien kiet kiet ekabare ekpɔŋ idiɔk usuŋ mbufo, mbufo enyuŋ eneŋere usuŋ mbufo ye ido mbufo.

JEREMIAH 24:9

nyeda mmɔ nnɔ ndutuhɔ ye idiɔk-ŋkpɔ ke kpukpru mme idut ererimbot, ke kpukpru ebiet eke ndibinde mmɔ nsin do.

JEREMIAH 25:5

Mbɔk mbufo kiet kiet ekabare ekpɔŋ mme idiɔk usuŋ mbufo, ye mme idiɔk ido mbufo, enyuŋ eduŋ ke isɔŋ emi Jehovah ɔkɔnɔde mbufo ye mme ete mbufo ke nsinsi:

JEREMIAH 3:1

KPA nte edɔhɔde ete, Edieke owo osiode ŋwan esiemɔ, ndien ŋwan ɔkpɔŋ enye, onyuŋ akabare edi ŋwan owo efen, nte ebe ekeme ndifiak ntiene enye ŋko? Nte ikpasabakede isɔŋ oro eti-eti? Ndien afo amanam ido akpara ye ediwak mme ufan; edifiak tiene mi; Jehovah ɔdɔhɔ.

JEREMIAH 3:12

Ka kɔkwɔrɔ ikɔ emi se edem edere, nyuŋ dɔhɔ, ete, Jehovah ɔdɔhɔ, ete, O Israel ama-mfiak-edem, fiak edem; ndibɔpke iso mi nse mbufo: koro ami ndide ima, ŋkɔhɔkede ke nsinsi; uyo Jehovah edi emi.

JEREMIAH 3:14

Jehovah ɔdɔhɔ, ete, Mbufo nditɔ mfiakedem efiak edem; koro ami ŋkɔdɔde mbufo: ndien nyeda mbufo kiet ke obio, ye iba ke oruk, nnyuŋ nda mbufo ndi ke Zion:

JEREMIAH 3:22

Mbufo nditɔ mfiakedem efiak edi, ndien ami nyekɔk mfiakedem mbufo. “Sese, nnyin itiene fi, koro afo edide Jehovah Abasi nnyin.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

JEREMIAH 36:3

Mme ufɔk Judah eyekop ofuri idiɔk emi ami ŋkerede ndinam mmɔ, man kpukpru mmɔ ekabare ekpɔŋ mme idiɔk usuŋ mmɔ; man ami ndahado ke idiɔk ido mmɔ ye ukwaŋ-ŋkpɔ mmɔ.

JEREMIAH 4:4

O mbio Judah, ye mme andiduŋ Jerusalem, mbufo ena mbobi enɔ Jehovah, enyuŋ esibe esit mbufo edut efep: mbak ifiopesit mi ediwɔrɔ nte ikaŋ, onyuŋ ata, ndien baba owo kiet eke onimede iduhe, abaŋa mme idiɔk ido mbufo.

JEREMIAH 7:3

Ntem ke Jehovah mme udim, Abasi Israel, ɔdɔhɔ, ete, Mbufo ekabare usuŋ mbufo ye ido mbufo enam ɔfɔn, ndien ami nyeyak mbufo eduŋ ke ebiet emi.

JEREMIAH 7:5

Edi mbufo ema etim ekabare usuŋ mbufo ye ido mbufo enam ɔfɔn: ema etim enam se inende ke ufɔt owo ye mbɔhiduŋ esie;

JEREMIAH 7:7

ndien nyeyak mbufo edu ke ebiet emi, ke nsinsi-nsinsi ke isɔŋ emi ŋkɔnɔde mme ete mbufo.

EZEKIEL 11:18

Ndien mmɔ eyesim ko, eyenyuŋ esioŋo kpukpru ŋkpɔ ndek esie, ye kpukpru mbubiam esie efep ke esit.

EZEKIEL 18:13

eke ɔbuɔtde ŋkpɔ adia usiene akaha, onyuŋ ɔbɔde akwa udori: nte enye eyedu uwem? Enye okudu uwem: enye amanam kpukpru mbubiam emi: iditreke ndikpa; iyip esie eyedoro enye ke idem.

EZEKIEL 43:9

Yak mmɔ emen ndien mme use mmɔ, ye mme okpo ndidem mmɔ, ekpɔŋ mi anyan ebiet, ndien ami nyeduŋ ke otu mmɔ ke nsinsi.

HOSEA 14:1

O ISRAEL, fiak tiene Jehovah Abasi fo: koro afo ɔmɔduɔ ke idiɔk ido fo.

HOSEA 2:2

Mbufo etɔhɔ ye eka mbufo, etɔhɔ: koro enye midige ŋwan mi, ami nnyuŋ ndige ebe esie: yak enye osio ndien use esiemɔ ke iso esie efep, onyuŋ osio efibe esiemɔ ke ufɔt eba esie efep; mbak ndifuhɔre enye iferi,

HOSEA 7:16

Mmɔ ifiakke itiene Ata Edikoŋ: mmɔ ebiet emik-utiga: mbɔŋ mmɔ eyeduɔŋɔ ke ofut ebaŋa emiom edeme mmɔ: emi edidi se edidade esak mmɔ ke isɔŋ Egypt.

JOEL 2:12

Jehovah onyuŋ ɔdɔhɔ ke emi ŋko, ete, Mbufo efiak etiene mi ke ofuri esit mbufo, ye ke utre-udia, ye ke ntua-eyet, ye ke eseme:

ZECHARIAH 1:4

Mbufo ekubiet mme ete mbufo emi akpa prophet ekekotde mmɔ, ete, Ntem ke Jehovah mme udim ɔdɔhɔ, ete, Mbɔk, mbufo ekabare ekpɔŋ mme idiɔk usuŋ mbufo, ye mme idiɔk ido mbufo: edi mmɔ ikopke, inyuŋ ikpaŋke utɔŋ inɔ mi: ke edi uyo Jehovah.

DEUTERONOMY 27:15

Ɔdɔdiɔk ɔnɔ owo eke anamde edisɔi mme editara mbiet, emi Jehovah esede ke mbubiam, utom ubɔk anam-usɔ, ndien emen enye onim ke ndibe ebiet. Ndien yak kpukpru owo ebɔrɔ ete, Amen.

DEUTERONOMY 4:30

Ke adaŋemi afo etiede ke itie ukut, kpukpru ŋkpɔ emi enyuŋ etienede fi, ke ini iso, ndien afo ama afiak etiene Jehovah Abasi fo, onyuŋ okop uyo;

JOSHUA 24:14

Mbufo ebak Jehovah, ndien, enyuŋ enam ŋkpɔ esie ke esit kiet, ye ke akpanikɔ: enyuŋ emen mme abasi emi mme ete mbufo ekenamde ŋkpɔ mmɔ ke edem akpa oko, ye ke Egypt, eduɔk;

JUDGES 10:16

Mmɔ enyuŋ esioŋo isen abasi ke otu mmɔ efep, enyuŋ enam ŋkpɔ Jehovah: ndien mbɔm ukut Israel anam enye ukpɔŋ.

1 SAMUEL 7:3

Ndien Samuel ɔdɔhɔ ofuri ufɔk Israel, ete, Edieke mbufo ekabarede etiene Jehovah ke ofuri esit mbufo, esioŋe ndien isen abasi mme Ashtaroth ke otu mbufo efep, enyuŋ ewuk esit mbufo etiene Jehovah, enyuŋ enam ŋkpɔ enɔ enye ikpɔŋ-ikpɔŋ: ndien enye eyenyaŋa mbufo osio mme Philistine ke ubɔk.